YEREMIA 10:9 - Bibilia Kui Mdedie fo Kimochi

⁹ Sanamu tso tsekechopo nyi fesa nsalaṟe iwukie Tarshishi, na sahabu iwukie Ofiri; iṟunda lya waaria wa nganya tsa sahabu. Sanamu tso tsinjiṟike nguwo tsa king'aring'ari na opuko, tsinjipfume nyi waaria wang'anyi wepfuma.

YEREMIA 10:9 ပူးပေါင်းရင်းမြစ်များ

1WAMANGI 10:22

Mangi Solomoni nawewode oṟoṟio lo meli tsa Tarshishi tsiwekehendesana na meli tsa Hiramu, orio maka fo 3 meli tsa Tarshishi tsiwekeendie Mangi sahabu, fesa, membe, mapfuwe na tausi.

2MBONYI TSA MAHERI 9:21

Merikebu tsa mangi Solomoni tsiwekehenda Tarshishi na waṟundi wa Hiramu; orio limu ko maka iṟaṟu “Merikebu tsa Tarshishi, ” tsiwekedumo tsiende sahabu, fesa, membe, mapfuwe ha kiṟaṟi, na Tausi.

SHIIMBO SHA DAWIDI 115:4

Mfanano yawo nyi fesa na sahabu, iṟunda lya mawoko ha wandu.

SHIIMBO SHA DAWIDI 72:10

Wamangi wa Tarshishi na njoruka tsii mṟingenyi, tsitae okamba, wamangi wa Seba na Sheba walekie shiinengo.

YESAYA 23:6

Idenyi mṟasa Tarshishi, nyo muwode oruka kiidi kya ipalyipalyi, fihiṟenyi.

YESAYA 40:19

Afanannyi na sanamu pfo, kipfa sanamu yekesalaṟo nyi mwaaria umu, na mnganya o sahabu nekeiwika handu, nao kawetsanaho mshe ya fesa.

EZEKIELI 27:12

“Wandu wa Tarshishi walekapa mbucha na iyo kipfa kya wusuṟi wopfo wo mbaṟi tsifoi. Wakawewuta fesa, menya, mabati, na mboro kundu waidime ihuṟa shindo sho shapfo.

EZEKIELI 27:7

Kitambaa kiikichope wuka Misri nyi kyo kilechopa tanga lya ngalawayo ing'anyi, kikawewa nyi yo pendeṟa yapfo. Chandaluo yapfo iwenjisungusie, ko fana tsa buluu na king'ari ng'ari tsiwukie kisiwa kya Elisha.

DANIELI 10:5

njileiria meso hako, ngaambuya, ate a ulya mndu amṟike nguo tselaho tsa kitanyi, kitsi kyake kiikipfunge na sahapu njicha ya Ufazi.

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

YONA 1:3

Kyaindi Yona kakure kadichia Tarshishi, kundu nakushowe na oshangu lo Ruwa; kasoka kahenda mṟasa Yafa, adi kakoya wandu wahenda Tarshishi kui ngalawa ya otano, kawuta heleri tsishikie kiheo kewukia Yafa noshike Tarshishi, kadoya ngalawenyi kahendesana na wandu walya wengi Tarshishi, kundu nadiche kyamu kya Ruwa.

HABAKUKI 2:19

Ochia nyi lo ulya echiwia ikidi kure; na iwia iho henda! Ngesa kindoki kechidimailosha? Ambuya kikishikie na sahabu na fesa, ma kuwode moo pfo.