YEREMIA 10:6 - Bibilia Kui Mdedie fo Kimochi

⁶ Kulawode ai cha iyo, Mndumii, ung'anyi na rina lyapfo ling'anyi, na imanyika kose.

YEREMIA 10:6 ပူးပေါင်းရင်းမြစ်များ

2SAMWELI 7:22

Iyo nyi mwitoṟi o shose? Lulemeicho kya Ruwa ungi cha iyo-pfo. Ma kuwode Ruwa ungi cha iyo-pfo.

1MBONYI TSA MAHERI 16:25

Mndumii nyi ang'anyi na nyi kiwaṟi naṟumisho, kiwaṟi naindio kota maruwa hengi hose.

NEHEMIA 4:14

Kyasia kiheri njilewona ke wandu nyi walewado nyi wuowu naalyo ngawia wanene wo wa wandu namashehe na wandu wengi wose, “Manya mlaowuo manya kitutu. Kumbuonyi ke Mndumii nyi ang'anyi nao nyi aoweshie, koikyo kapanenyi kipfa kya wana wa maeanu, na wana wanu wa kika, waka wanu na mba tsanu.”

NEHEMIA 9:32

Hoi Ruwa, Ruwa odu, iyo nyi ui mnene, nyi uoweshiye, nyi ui mwampfinya, iyo nyi okeringa mkundana fopfo, na shiasa shapfo kuwokia kiheri wamangi wa Ashuru wawelutuura, mṟasa inu nyi lui kituurionyi, mangi tsadu, wanene wadu, wakohanyi wadu na waikimbi wadu, waku wadu na wandu wadu wose, nyi waletuuro.

SHIIMBO SHA DAWIDI 145:3

Mndumii nyio mnene ekeichiko mnu, Manya unene woke wumanyikiepfo.

SHIIMBO SHA DAWIDI 147:5

Mndumii odu nai mnene na naichuṟie pfinya, wuṟango woke wuwode mtsitsiopfo.

SHIIMBO SHA DAWIDI 35:10

Mafuo hako hose hechideda, “Mndumii nyiu ai cha iyo? Okeashuo mkiwa na mndu mwapfinya, ee, mkiwa na mndu awuṟie itaramo na mndu momdeha.”

SHIIMBO SHA DAWIDI 48:1

Mndumii nyio ang'anyi, Nyio awaṟi iṟumisho mnu. Kiidi kya mṟi fo Ruwa odu, kiidi kya fumvu lyake lyele.

SHIIMBO SHA DAWIDI 96:4

Kyamba Mndumii nyi ang'anyi menyi kiṟumi mnu. Na nawaṟi iowuyo kota maruwa hose.

IWUKA 15:11

“Ee wo Mndumii-Ruwa, kiidi kya maruwa nyiu ai cha iyo? Nyiu ai cha iyo, mwele kiidi waele. Msa aoweshie kiidi kya kiṟumi kyapfo, mowuta maṟiho?

IWUKA 8:10

Farao kambia, “Ngama.” Kahamba, “Kikekuwia kido chandu ohamba; kundu nokuwutieho imanya ke kuipfo ang'anyi cha Mndumii-Ruwa, Ruwa odupfo.”

IWUKA 9:14

Kyamba kiheri ki njiende ngapo tsako tsose huya mrima fopfo, na huya waṟundi wapfo, na huya wandu wapfo; kundu nowuteho imanya ke kuwode ungi cha inyi kunu wuyanenyi kosepfo.

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 40:18

Wulalu nyo mochiṟinganyisha Ruwa na kiki? Ang'u nafanane na waki?

YESAYA 40:25

“Mochinjifananyitsa nau, kundu luhiane?” Nahamba ichu ai Mwele.

YESAYA 46:5

Mochinjifananyitsa nau, na injiṟinganyitsa nao, na injihoṟotsa nao, kundu luṟingane?

YESAYA 46:9

kumbuonyi mbonyi tsa mboko; kipfa inyi nyi Ruwa kulawode ungi; Inyi nyi Ruwa kuwode ai cha inyi pfo,

YEREMIA 10:16

O nyi ohawi lo Yakobo, chi cha Ruwa-pfo Nyio awikie shindo shose. Na Israeli nyi kishari kya kyoṟa kyake. Mndumii Menyi Matorito nlyo rina lyake.

YEREMIA 32:18

Iyo nokeloṟa osaṟio lopfo ko shiku sha wandu; indi kowehoṟuo wandu kipfa kya njonyamaṟo tsa waku-wawo. Iyo nyi Ruwa ang'anyi, menyi pfinya, Mndumii-Ruwa o matorito nyilyo rina lyapfo.

DANIELI 4:3

Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

MALAKI 1:11

Kipfa wokia madoyenyi ha mnengeṟi mṟasa iolokia lyafo rina lyako ling'anyi masangenyi kose, na orio handu kokoṟo mpfaamo fo rasionyi na shidaso shicha kui rina lyako; kipfa rina lyako ling'anyi shisharinyi shose, Mndumii Menyi Matoṟito ahamba.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

NGUMBUO YA MAWAWASO 32:31

Ma wakituwa wadu wawenyi, waṟingishia napata ruwa owo awode pfinya cha Ruwa o Waisraelipfo.

NGUMBUO YA MAWAWASO 33:26

Mose kamarisia kechihamba, “Oo Israeli, kuipfo msa ai cha Ruwa opfopfo, nekeida huye ruwehu kacha ikutarama, nekeida huye nginenyi kiidi kya mng'ano foke.