YEREMIA 10:5 - Bibilia Kui Mdedie fo Kimochi

⁵ Shindo sha mbaṟi i shifananyi na sheringa shilehe, kiidi kya mdemi fo mbeke, ang'u Ngano, shekededa pfo; na kikaki na shiiro kipfa sheidima ichumia-pfo. Mulaowesho nyi sanamu tso. Kipfa tsilechiidima iwuta kyose. Ma iṟunda kindo kicha kyose.

YEREMIA 10:5 ပူးပေါင်းရင်းမြစ်များ

1WAMANGI 18:26

Wakaambia mmbe ya wakaisungusia, iya waleinengo, wakalaha rina lya Baali wokia ngamenyi mṟasa mfiri fo saa nyanya wechihamba, “Hoi Baali, luadanyie.” Kyaindi kuwewode kidedo pfo, ma mohaluo pfo. Wakaitola tola huya kitaṟa kilya kidesia wawekisaye.

2MBONYI TSA MAHERI 25:15

Ishi shose shikasukiṟa mnu Mndumii-Ruwa, kaduma mwikimbi ko Amazia. Mwikimbi ulya kawesa Amazia, “Nkili ohonoṟea maruwa ha wandu wengi sa halaleidima ma iashuo wandu wo wawenyi, iwuka mawokonyi hapfo?”

YESAYA 16:12

Nakyo kechiwa Moabu kawoneka, na ikulisa wukiwa kechifuha kipfa kya handu ha huye, na iida handu haele kundu naterewe, echiidima iwingapfo.

YESAYA 45:20

Sanzenyi muche; na itikiria hafui, nyo wa mkambo fulekiṟo; wawode wuṟango walya weduo sanamu ya ikidi lipachepfo; nyi weketerewa ruwa alechiidima ikiṟa.

YESAYA 46:1

Beli naho wanda, Nebo nahongoma; sanamu tsawo tsii huye ya mando hai na moo, na huye ya mbe; shindo shilya muwekeri ishiduo kunu na kunu, mukaṟahaṟaha nasho shiwei mhanda, mhanda folemeṟa indo lyekudika lileheli.

YESAYA 46:7

Wekemduo makosohu hawo, wakaweduo sanamu yo wakaihoṟotsa; yechiidima iteshukaho ma ndambu imupfo; kokoya ailaha yeidikiapfo, kipfa yekeichopfo, ma kudo yechiidima imkiṟa kiidi kya ngataṟa tsakepfo.

YEREMIA 10:14

Orio mndu nai cha indo lya ngeṟenyi lilawode wuṟango. Orio mnganya o sahabu nasonu kipfa kya sanamu yake aleisalaṟa; Kipfa sanamu yesalaṟa nyi wongo, kuwode moo kiidi kyayo-pfo.

HABAKUKI 2:19

Ochia nyi lo ulya echiwia ikidi kure; na iwia iho henda! Ngesa kindoki kechidimailosha? Ambuya kikishikie na sahabu na fesa, ma kuwode moo pfo.

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

NGUMBUO YA MAWAWASO 4:28

Ipfo kundu mochiṟundia maruwa ha wongo ha mashidi na maho hai masungusie na mawoko ha wandu; sa helekewona, helekeicho; helekelya manya ipfaamia.