YEREMIA 10:3 - Bibilia Kui Mdedie fo Kimochi

³ Kipfa muichiwie na wuindi wo wandu wa nyiwo wongo. Mndu nekeduo soka kamanya ikidi ngeṟenyi, kalipacha kahaluo nyilyo ruwa.

YEREMIA 10:3 ပူးပေါင်းရင်းမြစ်များ

SHIIMBO SHA DAWIDI 115:4

Mfanano yawo nyi fesa na sahabu, iṟunda lya mawoko ha wandu.

YESAYA 45:20

Sanzenyi muche; na itikiria hafui, nyo wa mkambo fulekiṟo; wawode wuṟango walya weduo sanamu ya ikidi lipachepfo; nyi weketerewa ruwa alechiidima ikiṟa.

YEREMIA 1:16

Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

YEREMIA 2:5

Mndumii nahamba adi, “Nkiki wandeanu walewona koko itane walekana na inyi wakaosha mbonyi tsa maai wakawa maai?”

WALEWI 18:30

Ko ikyo ringenyi kui wuhendeli isho shose njimuwawasa; mulaoshe miichiwieyo yose yepfulutsa ilewuto nyi walya walekaa orukalu mulamecha, mulacheiteṟefutso nyisho. Inyi nyi Ruwa Menyipfinya, Ruwa onu.”

MATAYO 6:7

Ili mwiterewa, ma mulakape-kape ata kwi mbaṟi ya wahenu; kipfa nyi wakusaṟie kulako kindo wechiadanyio nyi maanuka yawo ya ata!

MAWUTO HA WASU 19:26

Nanyo muwonying'u na iicho muicho ke chi kunu Efeso tupu kya indi na Asia yose pyu Paulo cho ameidikisha wandu weengi na iwahaluo mhio yawo kechihamba ke maruwa chiho haa matsane na mawokopfo.

WAROMA 1:21

Kitewe nyi kipfa ili waweichi Ruwa, indi walawemwindya cha Ruwa manya imwaana, kya indi wakahenda ihanahana na wuṟango wo wongo, na mdo fowo fukatushia fukawa meema.

1PETRO 1:18

Kyamba muichi mochimanya ke chi kui shindo shesia ma fesa ma sahabu mulemhenda italao nasho mhendekienyi fonu fo shindo sha mai furianyi na shido sha waku walya wanupfo.