YEREMIA 10:10 - Bibilia Kui Mdedie fo Kimochi

¹⁰ Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

YEREMIA 10:10 ပူးပေါင်းရင်းမြစ်များ

MAWOOKIONYI 21:33

Abrahamu kadonga mmoya ipfo Beer-sheba, kaichimbiṟiaho rina lya Mndumii, Ruwa o mlungana.

1WAMANGI 18:39

Wandu wose wekiwona chandu kyawa, wakaoloka wanda na kyamu wakahamba, “Mndumii nyio Ruwa, Mndumii nyi Ruwa.”

1WAMANGI 8:60

Wandu wa mkambo yose wuyanenyi wechimanya ke Mndumii-Ruwa nyio Ruwa kulawode se ungi.

1MBONYI TSA MAHERI 29:11

Ee, Mndumii-Ruwa, wumangi nyi wopfo, na pfinya, na mng'ano, na wuwinzi, na wusuṟi; kipfa shindo shose sha ruwehu na wuyana nyi shapfo; na wumangi nyi wopfo, Ee, Mndumii, na iyo numuichike, na nyi ui mnene huye ya shindo shose.

2MBONYI TSA MAHERI 15:3

Ko kiheri kileshe wulalu, wandu wa Israeli walai na Ruwa o lohi, ma wakohanyi wewalosha, ma wuikimbi pfo.

YOBU 9:6

Nekededemisha oruka lukadihina, na ngo tsalo tsikadedema.

SHIIMBO SHA DAWIDI 10:16

Mndumii nyi mangi ya mlungana; Wandu wa mkambo warahanyikie isangenyi lyake.

SHIIMBO SHA DAWIDI 100:3

Manyenyi ke Mndumii nyio Ruwa; nyio aleluwika naso lui wandu wake; lui wandu wake, na machondi ha kilisionyi kyake.

SHIIMBO SHA DAWIDI 100:5

Kyamba Mndumii nai mcha, isaṟia lyake nyi lya mlungana; na wuhendeli woke oshari na oshari.

SHIIMBO SHA DAWIDI 104:32

Aambuya wuyana, wukadedema; kapaaya mafumvu, hakadutsa mtsu.

SHIIMBO SHA DAWIDI 114:7

Dedemenyi, lanye oruka, oshangunyi lo Mndumii, oshangunyi lo Ruwa o Yakobo.

SHIIMBO SHA DAWIDI 145:13

Wumangi wopfo nyi wumangi wo kacha mṟamna, Mndumii-Ruwa nai mhendeli kiidi kya shasa shake shose, na mcha kiidi kya mawuto hake hose. Na wuikolonyi wopfo nyi wo marika hose.

SHIIMBO SHA DAWIDI 146:6

Alewika ruwehu na oruka, ipalyipalyi na shose shiipfo. Nekewada kiilohi mlungana,

SHIIMBO SHA DAWIDI 18:7

Nyi lyondi oruka luledihina na idedema, Njotende tsa mafumvu tsikapongika, Iledihina kipfa nyi awewodo nyi nyashi.

SHIIMBO SHA DAWIDI 29:10

Mndumii nyi aledamya huya mfu fung'anyi Ee, Mndumii nyi adamye cha mangi mlungana.

SHIIMBO SHA DAWIDI 31:5

Ngawika mumuyo foko mawokonyi hapfo; Nyi ulenjikiṟa hoi Mndumii, Ruwa oko o lohi.

SHIIMBO SHA DAWIDI 42:2

Mrima foko nyi fui fuangari kipfa kya Ruwa, Ruwa ainamoo, nyi indi njechicha njiwono oshangunyi lo Ruwa?

SHIIMBO SHA DAWIDI 68:11

Mndumii nyawuta idedo lyake; waka wekeonguo mbonyi ni ichekeṟo ling'anyi;

SHIIMBO SHA DAWIDI 68:8

Oruka lulededema, ee, ngina ileletsa mvuo; oshangunyi lopfo Ruwa o Sinai; Ruwa o Israeli.

SHIIMBO SHA DAWIDI 74:12

Kake Ruwa nyi mangi yako wokia kacha, ekewuta mbonyi tsekiṟa kiidi kya oruka.

SHIIMBO SHA DAWIDI 76:7

Iyo nyi iyo uoweshie, ee da Nyi Iyo! Nyiu echiidima ihoṟoka kiheri uidosa nyashi?

SHIIMBO SHA DAWIDI 76:8

Kuwokia ruwehu kuleonguo mdumbuye; oruka lukaowuo, lukatsia sau.

SHIIMBO SHA DAWIDI 77:18

Ṟu lya ikuṟuṟuma lyapfo likakaa kiidi kya kiwiṟi, mbawa tsikawaṟuka wuyanenyi. Oruka lukadedema na iwongikawongika;

SHIIMBO SHA DAWIDI 84:2

Mrima foko fuwodo mnu nyi macha na mfiṟiha fo Mndumii-Ruwa! Ee da na ifumeṟia mada. Ngoo yako na mbihu foko, shikeri ifihiṟia Ruwachu ai na moo.

SHIIMBO SHA DAWIDI 9:8

Nao nyi echianduya wuyana kui kii lohi, Nyi echidumbuo kya wandu kui sungusihu.

SHIIMBO SHA DAWIDI 90:11

Nyiu aichi wuidimi wo nyashi yapfo? Na tuke yapfo chando kiwaṟi iichiko lyapfo?

SHIIMBO SHA DAWIDI 90:2

Kulamefeo mafumvu, manya wulamewumbo wuyana, wokia mlungana tane mlungana nyi iyo Ruwa.

SHIIMBO SHA DAWIDI 93:2

Loṟika lopfo lukowanga wokia kacha; iyo nyio ui wokia mlungana.

SHIIMBO SHA DAWIDI 97:4

Olewo lofo lukawaaya wuyanenyi, oruka lukawona lukadedema.

YESAYA 37:17

Deha kudu kopfo, Mndumii uadanyie; tambaṟuo meso hapfo, Mndumii, uwone, ukeicho madedo ha Senakeribu aledika kundu narume Ruwa menyi moo.

YESAYA 37:4

Kofia Mndumii-Ruwa opfo nechiidima iicho madedo ha mnenechu o shida, iha aledumo nyi mangi o Ashuru, mndumii oke, kundu narume Ruwa menyi moo, na Mndumii, Ruwa opfo, nechidedia madedoho alehaicho; kyasia, wika kiterewo kyapfo kipfa kya mtsuhaṟo fuletsuhaa.”

YESAYA 40:15

Ambuya, wandu wa mkambo nyi kimu na itacha lyikeri ipipenyi, weketalo ke kiluli kii kihienyi kehesha; apaa, nekeira nduwa tsesumo tsa mṟinga cha kindo kitutu mnu nakamu.

YESAYA 40:28

Ngesa iyo kulemanya? Kuleicho? Oo Ruwa o mlungana, Mndumii, mowumba mtsitsioni fo wuyana, ekeuma, ma ilehela-pfo; wuṟango woke wochiwa isonjokoṟapfo.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 65:16

Nakyo kechiwa ichu mokuwikia amonyi ona wuyanenyi, nyi echikuwikia amonyi ona ko Ruwa o lohi; na ichu molya nyamu wuyanenyi, nyi alya nyamu ya lohi; ko Ruwa o lohi. Kipfa mawukiwa ha kuwoka hahadimika na kipfa haimaṟike mesonyi hako.

YEREMIA 23:36

Na mhanda fo Mndumii mochifusendasepfo, kipfa orio idedo lya mndu ulya lechiwa mhanda foke, kipfa nyo modetsa idedo lya Ruwa ai na moo, Mndumii menyi Matorito, Ruwa odu.

YEREMIA 4:2

Na iyo nyi wudi ochilya nyamu kui Rina lya Mndumii kui wukilohi, wusumuhanyi na wuhendeli, kochihamba, ‘So Mndumii ai na moo, Nlyondi mkambo fo wandu wechiwikio ona nyio, nawo wechimṟumisha.’”

YEREMIA 4:24

Ngaweambuya Mafumvu naho haweidedema, naho hawetandauka ipfo na ipfo.

YEREMIA 50:46

Kwi mtiṟi fo wado shida ko Babeli wuyana wochidedema na kifihiṟo kyawo kechiichio kiidi kya mkambo ingi.”

YEREMIA 51:29

Oruka ludedema na idosa mtara kui mawawio, kipfa makusaṟo ha Mndumii-Ruwa kirianyi na Babeli nyi hamanyikie, nechihaluo oruka lo Babeli luwe nuka ya msanga, ikae ilawode wandu.

DANIELI 4:3

Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 6:27

O nekekiṟa na ichiṟa nekewuta ngata tsing'anyi ruwehu na orukenyi, nyi alekiṟa Danieli na pfinya tsa miiso.’”

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

YOELI 2:11

Mndumii-Ruwa naiachikia wasikari wake ko ṟu ling'anyi. Wasikari wake wafoi mnu, walya wekeindia iwawaso lyake wechiidima italopfo. Kya lohi mfiri fo Mndumii-Ruwa fumnene na foowesha mnu! Nyiu echiidima itirisia?

MIKA 1:4

Mafumvu hechisalaa wanda ya njayo tsake, cha kimia kufui na modo; mapichi heching'alauka, cha mṟinga handu hesoka wodicha.

NAHUMU 1:5

Mafumvu hekededema oshangunyi loke na shitoṟomoso shikasalaa; oruka lokeiro oshangunyi loke, ee, hamu na woose waipfo.

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

HABAKUKI 3:10

Mafumvu halekuwona, hakaowuo; mfu ikasoka; Njoṟoo tsa mapalyi palyi tsikaṟuṟuma, Tsikairia masinano huye.

HABAKUKI 3:6

Kahoṟoka, kadihinyitsa wuyana; Kaambuya, kaowesha wandu wa mkambo, Na mafumvu ha kacha hakarahanyika; Shitoṟomoso sha kacha shikahongoma; mhendie yake ikawa cha ya mboho.

MALAKI 3:2

Indi nyiu echiidima iwedia mkonu fo foicha lyake? Ang'u nyiu echiidima ihoṟoka ili echiwono. Kyamba nafananyi na modo fo mndu aisanja fesa, kafanana na mndu mosanja nguwo, kawa cha sapunyi,

MATAYO 16:16

Naho Simon Petro kahaluo kahamba, “Iyo nyi ukeri Kristo Mana o Ruwa ichu menyi moo.”

MATAYO 26:63

Na Yesu katsia sau. Na mkohanyi ulya mnene kahaluo kambia, “Ngakulisa-ng'u nyamu so Ruwa chu menyi moo uluwie kokoya na ukeri Kristo kui Mana o Ruwa!”

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

MAWUTO HA WASU 14:15

Wechihamba, “Lanye womi, a nyi kindo kiki mkeri iwuta? So luwei wandu wepfa chanyo luimwongoya ndumi ya sia ya okiio kundu muhaluke mulekane na shindo shi sha maai muhalukye Ruwa chu menyi moo ichu awikye ruwehu na wanda ii na ipalyipalyi na shindo shose shikeri-ho.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

NGUMBUO YA MAWAWASO 5:26

Ngesa! Nyi mndu o mbaṟi njiki alemeicho Ruwa menyi moo kechideda kuwuka kiidi kya modo chando so loicho numa kawekaa na moo?

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 6:17

Iiwa wawode masaa hafoi maheri ha kiwulalu uwawawasie ke walakusaṟe kyekaa mdonyi, ma walakusirie na wusuṟi wo masaa wokeweṟuka weṟu indi na Ruwa ichu aluinengye shose kui nguka shelisiṟa moo.

WAEBRANIA 10:31

Nyi koweshye munu yolokya mawokonyi ha Ruwa menyi moo.

YOSHUA 3:10

Nalyo Yoshua kahamba, ‘Wulalu nyi muhenda iwio napata ke Mndumii-Ruwa ichu ai na moo nyi akeri kiidi kyanu nao nyi akeri ihenda ifuna oshangunyi lonu Wakaanani, Wahiti, Wahivi, Waperizi, Wagirgasi, Waamori na Wayebusi mlawode iwingo.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.

WACHILI 5:4

“Iyo Mndumii-Ruwa, kiheri ulewuka Seiri, kiheri kulesoka fumvunyi lya Edomu, oruka lulededema, ngina iletonyitsa mṟinga ee da, mapuchi hakalekia mvuo.

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:36

Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.