YEREMIA 1:8 - Bibilia Kui Mdedie fo Kimochi

⁸ Kulaowuo kipfa kyawo, kipfa inyi njikeri na iyo njikukiṟe, Mndumii ahamba.”

YEREMIA 1:8 ပူးပေါင်းရင်းမြစ်များ

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

YESAYA 43:2

Koida kiidi kya mfu fo mṟinga njii nanyo; koida kiidi kya meda ifoi yechikuoweshapfo; kiidi kya modo, ochisenekia pfo manya olewo lo modo lochikukoṟapfo.

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

YEREMIA 1:17

Wulalu iyo kure nokuṟeheṟe uhende iwawia madedo hose njilekuwawasa, ulaowuo kipfa kyawo, njilawone njechikuowesha ipfo oshangunyi lowo.

YEREMIA 1:19

Nawo wechikapana na iyo kyaindi wechikuidimapfo; kipfa inyi njii hamu na iyo. Kundu njikukiṟe, nyi Mndumii ahamba.”

YEREMIA 20:11

Kyaindi Mndumii nai na inyi cha mbahanyi ioweshie. Ko ikyo iwo wanjiwonyia wechikapa mtulia, ma wechiwinga pfo, wechisonu mnu, kipfa walaleṟunda kui wuṟango, wechiwado sonu ya mlungana ilechihadimika.

YEREMIA 30:11

Kipfa inyi njikeri hamu na iyo njikukiṟe. Inyi Mndumii-Ruwa ngahamba. Njechirumatsa piu mkambo yose, njilekurahanyitsa koyo; indi iyo njechirumatsa pfo. Njechikuhoṟuo chandu kikuwaṟi njechikuda uhende njilakuhoṟuopfo; Nyi inyi Mndumii-Ruwa ngahamba.’

YEREMIA 39:11

Nebukadneza mangi ya Babeli naweinengie Nebuzaradani mnene o waringi, iwawaso lirianyi na Yeremia.

YEREMIA 42:11

Mulaowuo mangi ya Babeli ichu mumuowoye: ee da, mulamwowuo manya le. Nyi inyi Mndumii-Ruwa ngahamba. Inyi njii hamu nanyo imukiṟa na imuringa kiidi kya mawoko hake.

DANIELI 3:17

Kokoya nyi wudo, Ruwa odu ichu lokemṟundia nyi echiidima ilukiṟa na modo fu focha;

DANIELI 3:25

Nao kawawia, “Ambuyenyi inyi njiwonyi wandu waana; nawo waiwapfunguo, waitengeta kiidi kya modo ma kuwode kindo kiwapaaya pfo, indi ulya o kaana nyi afananyi na mana o ruwa?”

MATAYO 10:26

“Kyasiang'u manya mulawone mochiwaowuo. Kipfa kwipfo kindo kii kipfinyike kide kilapfunuka numapfo, ma kindo kii kiṟike kide kilapfunuka numapfo, ma kindo kii kirike kide kilamanyikapfo.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MAWUTO HA WASU 18:10

Kyamba inyi njikeri na iyo. Ma kuipfo echikupaya na ikulisa wukiwopfo. Cha kipfa inyi njiwode wandu wai wako sa weengi kunu mṟinyi ifu.”

MAWUTO HA WASU 26:17

Nyi ngakusambuṟa iyo ipfo mkambonyi fu na mkambonyi iya ingi ngakuduma kowo.

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

MAWUTO HA WASU 4:29

Kyasiang'u hoi Mndumii, keambuya wo wulalu shiowesha shawo, notarame masinga hapfo, wadede idedo lyapfo wai na wukesi.

WAEFESO 6:20

Nyiyo ngameihalukya msu njii mpfunge na mshe, kundu njikaharie nayo njechideda chando kinjiwari.

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

NGUMBUO YA MAWAWASO 31:8

Mndumii-Ruwa nyio aiwateteṟa; o nechikaa hamu nanyo; o echida alamutaramapfo, echimukumbapfo. Koikyo, manya mulaowuo, manya mulaneneuke.”

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”