YEREMIA 1:5 - Bibilia Kui Mdedie fo Kimochi

⁵ Njilamekuumba wusunyi wo mayo njiwekuichi, na kulamefeo, njilekuilisha, njilekuwika nuwe Mwikimbi o wandu wa mkambo.

YEREMIA 1:5 ပူးပေါင်းရင်းမြစ်များ

SHIIMBO SHA DAWIDI 139:15

Mafuo hako halekuṟikiapfo, lilya njilewumbo kui kiṟika, lilya njilelungo kui wuaria njora tsa shi ya oruka;

SHIIMBO SHA DAWIDI 139:16

Meso hapfo halenjiwona ndameawukia; kiloshionyi kyapfo shileṟehio yose da, mkonu ileteṟio ilameafukia.

IWUKA 33:12

Mose kawia Mndumii-Ruwa, “Ambuya iyo nonjiwia, duo wanduwa; na iyo omenjiwie nyiu ochimduma handu hamu na inyi pfo. Kyaindi nolehamba, Njikuichi rina lyapfo, na iyo nolewona osaṟio oshangunyi loko.

IWUKA 33:17

Mndumii-Ruwa kawia Mose, “Njechiwuta na idedolyi ohamba daa, kyamba iyo nyi mbuya yako, na inyi njimchihie nyi iyo.”

YESAYA 44:2

Mndumii-Ruwa chu alekuwika na ikuwumba wuka wusunyi, ichu echikutarama nahamba adi, “Kulaowuo iyo Yakobo mṟundi oko, na iyo, Yeshuruni njilekusambuṟa.

YESAYA 49:1

Njiadanyienyi, nyo njoruka tsitengetie nyi mṟinga, dehenyi madu nyo njoshari tsa wandu mui kuleshe mnu; Mndumii nalenjilaha wokia wusunyi; wokia wusunyi wo wama oko kanjisenda rina lyako.

YESAYA 49:5

Na wulalu Mndumii nahamba adi, ichu alenjiwumba wokia wusunyi njiwe mṟundi oke, kundu njimwendie-se Yakobo, na Israeli wakusanyie oshangunyi loke-se; (kipfa inyi njilewona Kiṟumi oshangunyi lo Mndumii, na Ruwa kawa pfinya tsako;)

YEREMIA 1:10

Ambuya, ngakuwika uwe huya mkambo ya wandu, na orio wumangi kundu nokuṟuo na iwunduo, na inyamaṟa na irumatsa; kundu nowike na iwaaya.”

YEREMIA 1:4

Idedo lya Mndumii lilenjichea, lyechihamba,

YEREMIA 20:15

Mndu ulya aleendie wande oko mbonyi tsa iwoneka lyako, kechihamba, ‘Komefeo mana o womi,’ kemchihiṟa, naolotsio oseso.

YEREMIA 25:13

Ambuyenyi njichiwaendie madedo halya hako hose njilededa huyawo, ee da halya haimaṟehie kiidi kya kitapu ki, halya Yeremia aleikimba kya mkambo yose.

YEREMIA 36:2

“Duo kitapu noṟehie pfo madedo hose njilekuwia kya Israeli, kya Yuda na mkambo yose, wokia mafiri halya njilewoka ideda na iyo, kiheri Yosia awei mangi mṟasa inu.

YEREMIA 50:34

Kyaindi inyi mkiṟa owo njiwode pfinya. Ruwa Menyi Matorito nyilyo rina lyako. Na kya lohi njechideda kyawo kundu njiende ofoṟo ko wandu wako na wuale ko wandu wa Babeli.

LUKA 1:15

Kipfa nyi echikaa nawe mndu mnene ipfo sumuhana na Ruwa, elechinyo mvinyo ma kindo kyenanza, naweka amichuṟe Mumuyo Mwele kiwookia awuka wusunyi wo mae.

LUKA 1:41

Naalyo Elisabeti kekiicho kiṟikiṟo kilya kya Maria, mana ulya katoolatoola ipfo wusunyi koke. Elisabeti kaichuṟo Mumuyo Mwele.

LUKA 1:76

Na iyo mkoku nyi ochikaa nolaho nyi ui mdedi o ichu ai huye ya shose; kipfa nyi ochisonguo ipfo mbele ya Mndumii, nohende kochisungusia njia tsake.

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

1 WAKORINTO 8:3

Chila nyi mndu akundi Ruwa; ichu nyi ammanye nyio.

WAEFESO 1:22

Nyi alemleṟya shose piu shi ya madende hake kawembika mdo fo siṟi mochilia shose.