YEREMIA 1:16 - Bibilia Kui Mdedie fo Kimochi

¹⁶ Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 1:16 ပူးပေါင်းရင်းမြစ်များ

2WAMANGI 22:17

Kipfa walenjida na ipfaamiṟia maruwa hengi ubani kundu wandu wanjipfulutse nyashi kui maṟunda ha mawoko hawo, kyasia, nyashi yako yechiakia Yerusalemu ma yechiwa ihutsopfo.

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

2MBONYI TSA MAHERI 28:2

na ioshana na mchumie ya wamangi wa Israeli. Nalesungusia sanamu tsa menya tsesalaṟa tsa Baali,

2MBONYI TSA MAHERI 34:25

Kipfa kya ili walenjida inyi wakakoṟia maruwa hengi shidaso sha ubani; wamedosa nyashi yako ko mawuto ho mawicho ha mawoko hawo. Koikyo nyashi yako yechioloka huya handu ha ma yechiidima ioloṟo-pfo.

2MBONYI TSA MAHERI 7:19

“Kyaindi iyo, ang'u orio mndu ungi ose o Israeli kahaluka, kada iindia mawawaso hako, ang'u mukahenda iṟundia na iindia maruwa hengi ha mkambo,

YESAYA 2:8

Ngoseṟa oruka lowo luichuo sanamu tsa maruwa ha wongo, wekeindia maṟunda ha mawoko hawo, shindo shishitane kui shimnyo sha mawoko hawo.

YESAYA 37:19

na ikoṟa maruwa hawo modonyi; kipfa iwo wawei maruwapfo, indi nyi waiwawike kui mawoko ha wandu; wawei mashidi na maho nyikyo kitewe wakawanyamaṟa.

YESAYA 44:15

Heketarama mndu kui ngu kiteno kimu kaoda modo; kaatsa modo, kakoṟa mkate, yee kafuhaluo ruwa, kafuindia; nekesungusia sanamu yepacha, kaiterewa.

YESAYA 65:3

wandu wekenjipfulutsa nyashi orio kiheri, wedasia shahunyi shawo na ipfaamiṟa huya matufaṟi;

YEREMIA 10:15

Nyi wulya tupu, nyi iṟunda lyelemba kiheri kyawo kecheo wechideka.

YEREMIA 10:3

Kipfa muichiwie na wuindi wo wandu wa nyiwo wongo. Mndu nekeduo soka kamanya ikidi ngeṟenyi, kalipacha kahaluo nyilyo ruwa.

YEREMIA 11:12

Nlyong'u wandu wa Yuda na wenyi wa Yerusalemu wechihenda ifihiria maruwa-ho wekehapfaamiṟia uvumba; kyaindi hechiidima iwakiṟa kiheri kya wukiwa wowopfo.

YEREMIA 11:17

Kipfa Mndumii menyi Matorito alekudonga, nadeda mawicho huyapfo kipfa kya mba ya Israeli na mba ya Yuda walewuta kipfa kyawo wawenyi wakanjipfulutsa nyashi, wechipfamiṟia Baali uvumba.”

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

YEREMIA 17:13

Hoi Mndumii mkusirie fo Israeli, iwo wose wekuda wechisonu iwo wechilehana, na iwo wechiṟehiyo kilulinyi kipfa wada, Mndumii ai soka ya mṟinga fo moo.”

YEREMIA 18:15

Kipfa wandu wako walenjihadima, wakapfaamiṟia maruwa hawo uvumba; wakakukahaṟa na injihadima, wakahalukia mkao yawo ya kuwoka, kundu waide kihadi kundu kulaikusungusie.

YEREMIA 19:4

Kipfa walenjida inyi na ihaluo handu ha hakawa hahenu nawo wakapfaamiria uvumba maruwa hengi walawehaichi, ma chi wo tupupfo na wandeawo ma wa mangi wa Yuda wakatana waichuṟa samu ya wandu walai na mti.

YEREMIA 2:13

Kipfa, wandu wako wawuta mawicho kawi, walenjida inyi njii soka ya mṟinga fo moo wakasuma nduwa tsawo wamenyi, nduwa tsiifuna, tsilechiidima iwada mṟinga.”

YEREMIA 2:17

Ishi shilekuchea cha uwekunda kumonyi, kipfa kuleda Mndumii-Ruwa opfo, lilya alekusongoya njienyi?

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 2:28

“Kyaindi heku maruwa halya hapfo ulehawika? Hahoṟoke luhawone kokoya hechiidima ikukiṟa kiheri kya kiwi kyapfo; kipfa itala lya maruwa hapfo nyi kimu na itala lya mṟi yapfo iyo Yuda.

YEREMIA 4:12

Nyi otanu sa luapfinya kota tsose lochicha kipfa kyako; wulalu inyi njechianduo kipfa kya ikyo.”

YEREMIA 4:28

kipfa inyi ngadeda isho na ikusaṟa iinutsia, manya njechihamba samanya ma njiambuye numa njide-pfo.”

YEREMIA 44:17

Indi orio kindo lulekiliia nyamu lochikiṟunda: Lochipfaamiria mka mangi o ngina ubani na imletsia mwaano fonyo chandu luwekewuta so luwenyi na waku wadu, wamangi wadu na wasongoru wadu, kiidi kya mṟi ya Yuda na njienyi tsa Yerusalemu. Maheri ho luwewode kando kalushikie, lukafuda ma lulewona ngataṟa yosepfo.

YEREMIA 5:29

“Ngesa njitae kiṟache kipfa kya isho? Mndumii ahamba; Na mrima foko njilafutaye kiṟache kiidi kya mkambo fu fo wandu.”

YEREMIA 5:9

Ngesa njilatae kiṟache kipfa kya mbonyi-tso tsesutsa, Mndumii ahamba; na mrima foko nawo fulatae kiṟache kiidi kya mkambofu fo mbaṟi ii?

YEREMIA 51:17

Orio mndu nyi tondo alawode wuṟango, orio mnganya nechisutso nyi sanamu tsake; kipfa sanamu tso tsake nyi wulembi nakamu, ma tsiwode mṟufu kiidi kyatso pfo.

YEREMIA 7:17

Ngesa owonyi iki wekewuta mṟinyi ya Yudaya na ipfo mtandarenyi ya Yerusalemu.

YEREMIA 7:18

Wana wesana ngu na wandeawo waatsa modo, indi waka weriha-riha mso fo koṟia Mangi mka o nginehu mkate waletsie maruwa ha kihenu mshimbika wechinjiwichuṟa.

YEREMIA 7:9

Ngesa mochiiwa na iṟuhuya, na iwaha na ilya nyamu tsa wongo, iatsia Baali opfamo lo wuindi ioshana na maruwa ha kihenu mulahaichi.

EZEKIELI 16:18

Kingise kowewuta na nguwo tsilya njichope njilekuinenga kohenda ishikia natso sanamu tsilya; kowetsiinengia mafuda halya na marashi halya njilekuinenga.

EZEKIELI 24:14

Ambuya nyi Inyi Mndumii-Ruwa ngahamba, ‘Njechihenda iawutsia kindo ki, njechiwuta kindo, njechiambuya ndumapfo, nyi njechikukapa sumuhana na mkao fopfo na mawuto hapfo, nyi wudo Mndumii-Ruwa ahamba.’”

HOSEA 11:2

Kikawa chandu njileengeṟa iwalaha, na wudo nawo waleengeṟa injidicha; Wakaengeṟa iindia Baali na idutsia uvumba sanamu tsa maruwa hengi.

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

YOELI 2:11

Mndumii-Ruwa naiachikia wasikari wake ko ṟu ling'anyi. Wasikari wake wafoi mnu, walya wekeindia iwawaso lyake wechiidima italopfo. Kya lohi mfiri fo Mndumii-Ruwa fumnene na foowesha mnu! Nyiu echiidima itirisia?

MAWUTO HA WASU 7:41

Mafiri halya wakatsana mfano fo ihache wakafuendye shidaso wakachihio nyi kilya wakiwikye na mawoko hawo wawenyi.”

NGUMBUO YA MAWAWASO 28:20

“Mndumii-Ruwa nechimuendie ngapo, ipfulukio na ihutsa macha kiidi kya maṟunda hanu hose mṟasa moarisika owinyi kipfa kya wuwicho wo mawuto hanu na ilekana na Mndumii-Ruwa.

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

YOSHUA 24:20

Kyamba kokoya molekana na Mndumii-Ruwa mukahenda iindia maruwa hengi mahenu, nyi echimukapa na imurumatsa, ma chandu awememuwutia mecha ho hose.”

OTAMBAHALUO LO YOHANE 9:20

Na wandu walya waletsuhaa walalewoho n ngapo tsilya, ma waledumbuya na ilekana na shindo watsanyie na mawoko hawopfo, indi waleshindia, na mṟufu iya mbicho na mfano ya maruwa ha wongo ii-mtsane ya sahabu na fesa na menya ya aṟeṟa na ya maho na ya shidi ilaidima ma yambuo ma iicho ma ichumia.