YEREMIA 1:14 - Bibilia Kui Mdedie fo Kimochi

¹⁴ Nalyo Mndumii kanjiwia, “Wuka mtsudu mawicho hechicha na ikooya wandu wose wa oruka lu.

YEREMIA 1:14 ပူးပေါင်းရင်းမြစ်များ

YESAYA 14:31

Kapa kelewui, iyo kichumi; fihiṟa iyo mṟi; Iyo Ufilisti, na wose, nosalaa piu; Kipfa mtsu focha fuwuka mtsudu, kuwode waowu kiidi kya machekeṟo hakepfo.

YESAYA 41:25

Ngahoṟotsa mndu wuka mtsudu, nao nacha; woka ora lo ngamenyi nacha mosenda rina lyako; nechichea wachili cha mndu aipochapocha odoko, na cha mndu aiumba shihia sha teri.

YEREMIA 10:22

Ṟu lyaichio. Mbonyi tsaluchea. Kuwode mtiṟi fung'anyi fuwuka ora lo mtsudu. Wandu wa isanga wawuka mtsudu wakeri icha, ihaluo mṟi ya Yuda iwe nuka ya msanga, kuwade mbako ya mapaara.

YEREMIA 11:17

Kipfa Mndumii menyi Matorito alekudonga, nadeda mawicho huyapfo kipfa kya mba ya Israeli na mba ya Yuda walewuta kipfa kyawo wawenyi wakanjipfulutsa nyashi, wechipfamiṟia Baali uvumba.”

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 31:8

Ambuya, njechiwaende wawuka oruka lo mtsudu, njechiwasanyia wawuka mtsitsionyi fo oruka. Wose wechikaa-pfo, manya shipfupfuṟe na shileta. Waka wanene na wakeri ifee, mamiingi fung'anyi mnu fochiwuya na iya.

YEREMIA 4:6

Irienyi bendeṟa huye mhende Sioni; dichenyi mulakeleo, kundu lukukae kipuo; kipfa njiende mawicho wokia mtsudu, na orumatso lung'anyi mnu.

YEREMIA 46:20

Misri fui cha taho njicha ya mbe, kyaindi kilehe kiwukie mtsudu kimtengetie.

YEREMIA 47:2

Mndumii-Ruwa nahamba adi: “Ambuya mṟinga fochido fuwuka mtsudu, nafo fochiwa meda fupuikie, fochishikia oruka lose na shose shiipfo, mṟi na wenyi mṟi na wose waipfo, wandu wechifihiṟa, wandu wechikapa kilio.

YEREMIA 50:41

“Ambuya wandu waicha wawuka mtsudu; mkambo fuwode pfinya na wamangi wafoi, wakeri ikuṟeheṟa iwuka mtsitsionyi ya wuyana.

YEREMIA 50:9

Kipfa inyi ngasuwia mkambo ing'anyi iwukie oruka lo mtsudu wasaṟikie Babeli. Wechikuteseheṟa isaṟikia Babeli na iiduo. Mfi yawo ikeri cha ngohoda alechiwuya na mawoko ha wulya.

YEREMIA 6:1

Dichenyi nyo wana wa Benyameni kundu mukie; wukenyi kiidi kya Yerusalemu, Kapenyi iranda kiidi kya Tekoa. Wikenyi kichano ipfo Beth-hakeremu; ambuya kuwode mawicho hang'anyi hakeri iimehiya hache ora lo mtsudu.

YEREMIA 6:22

Mndumii nahamba adi, “Ambuya, wandu waicha wawuka kiidi kya oruka lo mtsudu, na mamiingi fo mkambo fo wandu fochiamtso, fuwukie mtsitsionyi fo masanga.

EZEKIELI 1:4

Kiheri njileambuya ngawona owira sa lung'anyi luwuka ora lo huye. Owira lu luweluṟingichie na ipuchi ling'anyi liwekeri iaka aka. Kuweipfose modo fuweiaka kiheri kyose, na makidi hawi ha modo fulya kuweipfo kindo kiweaka cha aṟeṟa.

EZEKIELI 24:3

Uwehenda ideda na mba i njilemi kui ofano uwawie Mndumii-Ruwa nyi ahamba adi: Demekienyi kinungu kyo rikonyi, muwekiichuṟa mṟinga.

YOELI 2:20

Njechidichiṟa watuuri wanu wawukie ora lo mtsudu, Njechiwadichiṟa mṟasa nuka ya msanga; na olemali walya wasonguo njechiwakumba ipalipalyinyi lya monyo; na walya wa nduma, njechiwakumba ipalyipalyinyi lya Mediteranea. Wechipuo na idaa na iwuta mṟufu mbicho, iwo wautie mawicho hang'anyi.

ZEKARIA 6:6

Igari lilya lya frasi njiiwu likakure likahenda ora lo mtsudu; na lilya lya frasi njiili likahenda ora lo kyukanyi igari lilya lya ifuifu likahenda ora lo nuka.