YEREMIA 1:13 - Bibilia Kui Mdedie fo Kimochi

¹³ Idedo lya Mndumii likanjichea lya kawi lyehamba, “Nkiki uwonyi?” “Ngahamba, njiwonyi Nungu liwode mṟinga fuidosia, na minga tsihalukie ora lo mtsudu.”

YEREMIA 1:13 ပူးပေါင်းရင်းမြစ်များ

MAWOOKIONYI 41:32

Na ndodo ya Farao ili ilecha makamba hawi, nyi Ruwa aleliṟingishia idedolyo, na Ruwa nailiawutsia owinyi.

YESAYA 55:11

nyi wudo idedo lyako likeri, liwukie dumbunyi lyako; lechinjiwuya wulya pfo, lechiinutsia kilya njikundi, nalyo lechiiṟimiṟa kiidi kya shose njilidumie.

YEREMIA 24:3

Kyasia Mndumii kanjiwesa. “Yeremia nkiki uwonyi.” Inyi ngamhaluo, “Njiwonyi mkuyu. Tsilya njicha nyi tsiinjicha mnu na tsilya tsiwicho nyi tsiwicho mnu manya tsechiwa ilyapfo.”

EZEKIELI 11:3

Kyamba wandu wa nyi wakehamba, kiheri kewika mba kyameshikepfo, mṟi fu nyi fukeri cha sufuria yekoṟa naso nyi lui nyama ipfo sufurienyi.

EZEKIELI 11:7

Mndumii-Ruwa nyi ahamba, ‘Wandu walya mlewawaha nyi wawa nyama na mṟi fu fowa sufuria. Kyaindi nyi muhenda ifuno muwuke kunu mṟinyi.

EZEKIELI 12:28

Kyaindi wawie kudi, Mndumii-Ruwa nyi ahamba, ‘Kuwodese ikeleṟapfo, kyamba orio idedo ngalideda nyi lyechihenda iwutika kudo, nyi Inyi Mndumii-Ruwa ngahamba.’”

AMOSI 8:2

Kanjiwia, “Amosi, nkiki uwonyi?” Ngahamba, “Njiwonyi kikunja kya ndunda tsa kuari.” Nahong'u Mndumii kanjiwia, Mtsitsionyi fo wandu wa Israeli foshika; njechiwasaṟia-se manyalepfo.

ZEKARIA 4:2

Kanjiwesa, “Nkiki uwonyi?” Ngahamba, “Njiwonyi ipapang'ae lya taa lya sahabu lyose, nalyo liwode kitela huyalyo, na taa mfungade na kuwewode maṟi mfungade yeende mafuda kundu taa tso tsiidime iaka tsose;