YEREMIA 1:10 - Bibilia Kui Mdedie fo Kimochi

¹⁰ Ambuya, ngakuwika uwe huya mkambo ya wandu, na orio wumangi kundu nokuṟuo na iwunduo, na inyamaṟa na irumatsa; kundu nowike na iwaaya.”

YEREMIA 1:10 ပူးပေါင်းရင်းမြစ်များ

1WAMANGI 17:1

Kyasia Elia o kihongo kya Tishbe ipfo Gileadi, kawia Mangi Ahabu, “Kwi rina lya Mndumii-Ruwa, Ruwa o Israeli ai na moo ichu njekemṟundia, ngakulyia nyamu ke kochiwada ṟauṟa ma mvuo-pfo na kui idedo lyako.”

1WAMANGI 19:17

Ulya echikia oshu lo Hazaeli, Yehu nechimbaha, na ichu echikia oshu lo Yehu, Elisha nechimbaha.

KOHELETI 3:3

Kiheri kewaaha, na kiheri kechiṟa; Kiheri kewunduo, na kiheri kewika mba;

YEREMIA 1:5

Njilamekuumba wusunyi wo mayo njiwekuichi, na kulamefeo, njilekuilisha, njilekuwika nuwe Mwikimbi o wandu wa mkambo.

YEREMIA 24:6

Njechiwaringa kitsitsi na iwawihiṟa kiidi kya oruka lu. Njechiwahoṟotsa, njechiwalekia wahopfo, njechiwadonga ma chi iwakuṟuopfo.

YEREMIA 25:13

Ambuyenyi njichiwaendie madedo halya hako hose njilededa huyawo, ee da halya haimaṟehie kiidi kya kitapu ki, halya Yeremia aleikimba kya mkambo yose.

YEREMIA 31:28

Chandu mbeimuambuya necha, iwakuṟuo, iwawunduo, iwaolotsa, iwanyamaṟa na iwalisa wukiwa nyi wudo njechiwaambuya necha iwawaaya na iwawika.

YEREMIA 31:40

Pichi lyose lileṟiko wapfu na ikumbo-pfo ifu, madema hose, mṟasa kimeda kya Kidroni, mṟasa ora lo kichumi kya frasi woambuya ora lo ngamenyi, lochiwa luele lo Mndumii-Ruwa. Kuwode kindo kechinyamaṟo pfo pfo ma iwunduyo se mlungana pfo.”

YEREMIA 36:2

“Duo kitapu noṟehie pfo madedo hose njilekuwia kya Israeli, kya Yuda na mkambo yose, wokia mafiri halya njilewoka ideda na iyo, kiheri Yosia awei mangi mṟasa inu.

YEREMIA 44:27

Inyi njiwaimehia chi ko mecha pfo kyaindi ko mawicho. Wandu wose wa Yuda orukenyi lo Misri wechirumara ko oshu na njaa kulechitsuhaa ma mndu umu.

YEREMIA 45:4

Indi Mndumii-Ruwa nanjiwia njikuwie kudi: “Ambuya, shilya njilewika njishiwunduo, na shilya njiwaaya njishikuṟuo; njechiwuta kudo orukenyi lose.

EZEKIELI 21:19

“Iyo mndu taruo njia tsiwi tseloṟa kundu mangi cho o Babiloni aiida na oshu loke. Njia tso tsiwehenda iwoka ipfo orukenyi lowo, uweloṟa chando njia tso tsihenda ipfo mṟinyi yanu.

EZEKIELI 23:36

Mndumii-Ruwa nalenjiwia, “Iyo mndu oidima iwaanduya Ohola na Oholiba? Kyasiang'u waongoye kya mawuto hawo mawicho hawichuṟie.

EZEKIELI 32:18

“Iyo mndu! Henda ichio makulili wandu wo wafoi wa Misri, waduo mṟasa ko wapfu handu hamu na wandu wa mkambo ifoi iwode pfinya wahende hamu nawo wakeri ihenda ko wapfu.

EZEKIELI 36:36

Kyamba wandu wo wa mkambo waṟasanyi nanyo, nyi wechiwutaho imanya nyi Inyi Mndumii-Ruwa njilewikase ko wuhya shilya shiwenyamṟikie, ngawewaya se mbeu kiidi kya nuka ya msanga. Nyi Inyi Mndumii-Ruwa ngahamba, na nyiwudo njihenda iwuta.

EZEKIELI 43:3

Ndodo ikawa cha iya njileiwona lilya mandi Mndumii alecha irumatsa mṟi fulya fo Yerusalemu. Ikawefananase na iya njilewona kufui na meda fulya fo Kebari. Nalyo ngaoloka wanda na kyamu.

HOSEA 6:5

Nyikyo kitewe njilemuchea kui madedo ha waikimbi, ngawemuarisa kui madedo hako, na mwanduye foko nyi fokecha cha ili mnengeṟi fodo.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

AMOSI 9:11

Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.