YAKOBO 5:5 - Bibilia Kui Mdedie fo Kimochi

⁵ Nyo momepfokya ipfo orukenyi na ikusetsa owicho na wusuṟi wose mukawelisiṟa ngoo tsanu mkonu fo kishinjo.

YAKOBO 5:5 ပူးပေါင်းရင်းမြစ်များ

SHIIMBO SHA DAWIDI 17:14

Hoi Mndumii, kui owoko lopfo unjikiṟe na wandu Wandu wa wuyanawu, ohawi lowo Lui kiidi kya ohendo lowo lo moo. Wakaichuṟa ndeu tsawo na kisa kyapfo Wakaihuda wana, wakadeeya wana wawo shisa shawo.

SHIIMBO SHA DAWIDI 73:7

Watuluo meso cha indo inoru, waitola kota, ipfo mahionyi hawo.

MFANANO 17:1

Nanga kipeṟengu kikiumu hamu na olele, Kota mba ya mfuho ing'anyi hamu na shiloyo.

MFANANO 7:14

Koko kuwode shiinengo sha ofoṟo; Nyi inu kudi ngainutsia kyaasa na isamba;

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

YESAYA 22:13

Ate, sia na ikesa, na ishinja mbe, na ishinja machondi, na ilya nyama, na inyo mvinyo; lulye, lunyo, kipfa lupfa ngama.

YESAYA 3:16

Mndumii kahamba-se, kipfa kya mana o waka o Sioni chi umupfo, wawode orikiki, na ihenda na nzingo njiumu, na meso haichuo lango, wechumia wokushela, na ikapa shichengeṟe sha madende hawo;

YESAYA 47:8

“Kyasia, wulalu, adanyia ishi, iyo ukundi useṟeṟi, okekuwona ke nyi uwode mkuachie ui kipuo, iyo okededa mrimenyi fopfo ke; ‘Inyi nyio inyi, kulawode ungi shila na inyi njechidamia cha mkusu-pfo, manya njechiidima ipfiio nyi wanapfo.’

YESAYA 56:12

Wekehamba, “Njonyi luhende ishiha mvinyo, Na luwenyo mnu wari! Ngama yewa cha inu, luchihiyo lya wueṟa.”

YEREMIA 12:3

Kyaindi iyo nonjiichi Mndumii-Ruwa, nonjiwanzie kopfo ma chandu njichumia, nokuruo iwo wengi cha ichondi lyeshinjo, nowaletsane kipfa kya kiheri kewoho.

YEREMIA 25:34

“Kapenyi kelewui nyo walisi, fihiṟenyi na ikuturunja ifunyi nyo wanene wa ipo; Kipfa kiheri kyanu kepfa kyatikiria, inyi njechimufunja shiteeno teeno, nanyo mochiomboka cha kihia kya mfuho.

EZEKIELI 16:49

Sodoma na wana wake walekushela, wakawelya na iihuda, wakawekukaya na ofoṟo na olele, kyaindi wakahadima ileshia owoko wakiwa na walya wawuṟie, ilyo nyilyo ideko lyawo.

EZEKIELI 39:17

“Kyapfo iyo mndu, Inyi Mndumii-Ruwa ngahamba njidi: Henda laha shilehe shose na mando ho ha ngeṟenyi wasanyie wose wawuka njora tsose wache na shelyenyi sha mfuho fung'anyi njihende iwasungusia njimonyi iya fumvunyi lya Israeli, wache ilya nyama na ikunyoya samu.

AMOSI 6:1

Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

LUKA 16:19

“Kuwekeri mndu msuṟi awekeṟaa nguwo tsa king'aring'ari na tsa kimamile tsa owiṟo pang'a, kawa mokukesekia na shiweṟe mkonu yose.

LUKA 16:25

Abrahamu kahamba, “Manoko, kekumbuo-wo chando iyo kuwei-yambia mecha hapfo lilya mandi uwei na moo orukenyi, na Lasaro kyake kaambia mawawio tupu na wuale, nao wulalu iya nyi aiwihiṟyo moo na iyo kowawiṟo.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

1TIMOTEO 5:6

Indi ichu mseke ai mpfu, ma ili mbihu foke fuwode moo.

2TIMOTEO 3:4

Waṟingi, wadimidimi, wakutimbishye timbishi, kindo wakundi nyi wuseṟeeṟi na seko tsa nyama kota ikunda Ruwa.

2PETRO 2:13

Wuṟundi wechikudaya nyi wusumhanye wumbafu wowo. Sia yawo nyi iwuta napata mfiri kui na sa ikyo kyose kya wuseṟeṟi wo wo kimbihu. Wo nyi walaala na wusutsu konu ili wechikaa nanyo ili wakeri ilya nanyo.

YUDA 1:12

Iwo wai wado nyiwo wekelya kimu nanyo ipfo mlienyi yanu ya Makundano wai-ho mfano ya ngafu wekekulisiṟia-ho wawenyi walaowuo mndu. Wo nyi wai cha mapuchi halarie mvuo hekyewiwito ipfo na ipfo nyi otanu. Wakeri cha mdi ilai na mambale ilakumbe ndunda; cha mashidi hamakuṟuo hamatsuwo.

OTAMBAHALUO LO YOHANE 18:7

Na ipfo kundo fuwekyekuichika fumenyi mng'ano na ichumia useṟeṟi nyihondo mufuenenge maturo na mawawio. Nyi kipfa ekehamba ipfo ngoonyi yake wai, ‘Kidembo kyako kii kya mangi mka. Njikeri mka mkusupfo. Njewona mbadiko ma indipfo.’

1SAMWELI 25:36

Kiheri Abigaili alewuya na kanyi, nalekoya Nabali asungusie mfuho fung'anyi kulya kanyi fo kiumangi. Nabali nawekesekie mrimenyi foke mnu nakamu, kyamba nawemnanzi mnu nakamu. Ko ikyo Abigaili alemmbia kindo kyosepfo mtano ili lya ngama ngamenyi.

1SAMWELI 25:6

Mochimbia ke Dawidi nakuiṟikiṟa adi. “Ofoṟo lukae na iyo, na wa mba yapfo yose, na isho shose uwode.