YAKOBO 5:13 - Bibilia Kui Mdedie fo Kimochi

¹³ Kokoya konu kuwode ai na sia, o nawe moimba.

YAKOBO 5:13 ပူးပေါင်းရင်းမြစ်များ

1MBONYI TSA MAHERI 16:9

Kapyenyi yawe ngululu, mwimbienyi shiimbo shemṟumisha; wienyi wandu mawuto hake ha ṟiho!

YOBU 33:26

O neketerewa Ruwaoke kamiidikia, mṟasa nawone oshangu loke ko sia kawewihiṟia mndu wusuṟi woke.

SHIIMBO SHA DAWIDI 105:2

Miimbienyi, miimbienyi kui shiimbo, weṟuwetsenyi ṟiho tsake tsose.

SHIIMBO SHA DAWIDI 118:5

Kiidi kya wukiwa woko njilelaha Mndumii, Mndumii kanjiidikia kanjiwika handu hawewode mwaanya.

SHIIMBO SHA DAWIDI 18:6

Wukiwenyi woko njilelaha Mndumii, Na ifuhiya Ruwa oko; Kaicho ṟu lyako hekalunyi lyake, Kilio kyako kikaida na madunyi hake.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA DAWIDI 91:15

Nechinjilaha na inyi njechimwidikia, njechikaa handu hamu nao maukiwenyi, njechimkiṟa na imng'anyisha.

SHIIMBO SHA DAWIDI 95:2

Luche oshangunyi loke kui iana, lumwichimbiṟe mnu kui shiimbo.

YESAYA 65:14

ambuya waṟundi wako wechiimba na sia ya mrima, kyaindi nyo nyi mochifuha muiwasokionyi fowa ya mrima; nyi mochifihiṟa mnu kipfa kya fowa ya ngoo tsanu.

DANIELI 5:4

Wakanyo mvinyo wakaṟumisha maruwa hawo ha sahabu, na ha fesa, na ha aṟeṟa na ha menya, na ha mashidi, na ha maho.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

YONA 2:2

“Kahamba, ‘Njilefihiṟia Mndumii kipfa kya ngataṟa yako, Nao kanjiidikia; Ngaterewa njii makidihawi ha ko wapfu, Na iyo koicho ṟu lyako.

YONA 2:7

Mrima foko fuleuma kiidi kyako, Njilekumbuo Mndumii; Shiterewo shako shilekushikia, Ipfo hekalunyi lyapfo lyele.

MIKA 4:5

Wandu wa mkambo ingi yekeosha njia tsawo, wechikusiria maruwa hawo, indi so luiosha njia tsadu lochikusiria Mndumii-Ruwa, Ruwa odu, mlungana na mlungana.

MATAYO 26:30

Wamshika wakaimba shiimbo shilya wakawuka mba wakashika kulya fumwunyi lya mashidi ha msinepfu.

LUKA 22:44

Nao kakaa kelimbana na opfu, indi kaengeṟa mnu iterewa; itane mbiṟuko foke fowa cha matacha ha samu hetonyiikia wanda.]

LUKA 23:42

Kawuya kawia Yesu, “Kewekunjitamuye-wo hoi na hoi Mndumii, ili ochishika ikuidia ipfo wumanginyi wopfo!”

1 WAKORINTO 14:15

Akashika nyi kyawa-se kida? Nyi njechiterewa kui mumuyo, njiweterewa na kui mhio; njichiimba kui mumuyo njiweiimba na kui mhio.

1 WAKORINTO 14:26

Alewo wanawawama, nyi kukuwukyeho ki? Orio mandi mosanza handu hamu nyi orio mndu onu awode kiimbo ang'u opfundo ang'u otambahaluyo ang'u shiṟuma ang'u odambuyo; isho shose shitanyike shewembesha kiwimbi.

WAEFESO 5:19

Mochiwiana shiimbo sha njopfundo na sha wuindi na sha wuitiki wo Mumuyo. Mowee moimbya mndumii ipfo ngoonyi tsanu na imwamtsya misinango fo wuindi.

WAEBRANIA 5:7

Nao mafiri halya awei nyiamenyi tsake nyi aledasya ichu aleidima imletsa opfu shiterewo na sheeṟeṟo na shifuhio echimlilia malilio ha pfinya na imtonyitsya mchenyeṟe kashika iidikyo na iletso wuowu wuwembode.

YAKOBO 5:10

Wanawawama, mukuwade na waikimbi walya walededa kui rina lya Mndumii, wawe mtaato fonu mpfunge, fo ihenda iwawiṟo owicho na fo ikukarishya-ho.

OTAMBAHALUO LO YOHANE 14:3

Nawo wakaimba kiimbo kihya wawei sumhana na loṟika lulya na sumhana na maṟimu halya haana na wameku walya. Manya kuwei-pfo aleidima ikulosha kiimbo ki-pfo shila walya shiku ihana limu na makumi haana na waana wai-watalae wuyana wu.

OTAMBAHALUO LO YOHANE 7:10

Wakalaha na ṟu ling'anyi wehamba, “Okiio lodu luwukye ko Ruwa odu adamye loṟike-hu lu na lo Kidahina ki.”