YAKOBO 5:10 - Bibilia Kui Mdedie fo Kimochi

¹⁰ Wanawawama, mukuwade na waikimbi walya walededa kui rina lya Mndumii, wawe mtaato fonu mpfunge, fo ihenda iwawiṟo owicho na fo ikukarishya-ho.

YAKOBO 5:10 ပူးပေါင်းရင်းမြစ်များ

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

YESAYA 39:8

Naalyo Hezekia kahaluo Yesaya kambia, “Idedo lyi lya Mndumii alelideda nyi licha.” Kake kambia, “Kipfa kochikaa pfo ofoṟo na lohi kiidi kya mkonu yako inyi.”

YEREMIA 2:30

Njilekapa wana wapfo kya wulya; waleleha ilosho kui ngapo; oshu lonu muwenyi lulewaaha waikimbi wapfo, cha mwiso fokenyamaṟa.

YEREMIA 23:22

Indi kokoya walehoṟoka mengenyi yako le, wawechimanyishia wandu madedo hako, na iwahalutsa wade mawuto hawo mawicho, na njia tsawo njiwicho.

YEREMIA 26:16

Nlyo wanene wa wandu wakawia walaanyi na waikimbi, wakahamba, “Mndu chu awaṟi ipfa pfo, kipfa nadeda naso ko rina lya Mndumii-Ruwa odu.”

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

LUKA 6:23

Chihionyi mfiri fulya muwetoola-tola, kipfa woṟunda wonu nyi wufoi kulya ruwehu; kyamba nyi wudo wandeawo walewewutia wadedi walya wa Ruwa.

MAWUTO HA WASU 3:21

Nao nyi awewaṟi naamnbyo ruwehu itane shiheri shacha shilya shewihiṟa wuhya shindo shose, shilya Ruwa awededye kui dumbu lya waikimbi wake waweiho wokia mawokyony ha wuyana.

MAWUTO HA WASU 7:52

Nyi ku kuwei mwikimbi waku wanu wakada walamterengya. Ee lae na iwaha wakawewaha walya weesongwo ihamba mbonyi tsa macheenyi ha ichu mhorotsu, ichu nyo mlewa wulalu watwaṟi wake na wawahi.

WAEBRANIA 13:7

Kaenyi mochikumbuo wasongoru wanu iwo walembia idedo lya Ruwa. Muwe mochikapya mainukyo ha ohendo lowo meso mukuwaakishye wuidiki iwu.

YAKOBO 4:11

Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

YAKOBO 5:13

Kokoya konu kuwode ai na sia, o nawe moimba.

YAKOBO 5:7

Tsindenyi mochikukarishya itane Mndumii echikuloṟa. Ambuya, mndu mdemi akeri iwedya kilimu kicha kya sanga echikukarishya kyakyo itane kyaambya mvuo yesonguo na mvuo yainutsya.

YAKOBO 5:9

Wanawawama, mulanunuwiane muwenyi-na wenyi, kundu mulahende yanduyo. Ambuya, moanduo aakya ipfo shichuminyi.