YAKOBO 5:1 - Bibilia Kui Mdedie fo Kimochi

¹ Kendeng'u-wo wulalu nyo mui wasuṟi, muhende lia na ifuha kya marohyo hanu hechimhoya.

YAKOBO 5:1 ပူးပေါင်းရင်းမြစ်များ

SHIIMBO SHA DAWIDI 17:14

Hoi Mndumii, kui owoko lopfo unjikiṟe na wandu Wandu wa wuyanawu, ohawi lowo Lui kiidi kya ohendo lowo lo moo. Wakaichuṟa ndeu tsawo na kisa kyapfo Wakaihuda wana, wakadeeya wana wawo shisa shawo.

MFANANO 11:28

Ichu mokusirya masaa hake nechioloka; mndu o wusumhanyi nechileheka cha iṟa.

MFANANO 11:4

Masaa heketarama mkonu fo kiwi pfo; Indi wulohi wochiashuo mndu na opfu.

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 15:3

Waṟee nguwo tsa makunyia kiidi kya njia nene; huya kai lyawo, na shihongonyi shawo orio mndu naifihiṟa naipusuka mchenyeṟe.

YEREMIA 4:8

Kokoya mbonyi nyi wudo tsii, ṟaenyi nguo tsa masaṟa; fihiṟenyi na ikuinadia hamu na ikuotoya; kipfa nyashi njiwawo ya Mndumii ilakunda iololia na iluda.

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

EZEKIELI 19:2

“Uhambe mayo mwiso fo kika nawei mrahari , kyamba nyi aleng'anyisha, wana wake kiidi kya mwiso njilang'a.

EZEKIELI 30:2

“Iyo mndu! Wutase wuikimbi ochihamba Inyi Mndumii-Ruwa ngahamba kudi: ‘Kapenyi kilio mochihamba ochia nyi lodu mkonu fulya.

YOELI 1:11

Wademi sumukienyi; na nyo waṟundi wa madema ha msabibu fihiṟenyi; kipfa kya ili Ngano na shayiri shanyamaṟika, na shilimu shose sha mademenyi shaṟumatso.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 1:5

Nyo wananzi, pang'kenyi na ifihiṟa; kapenyi kelewui nyo wananzi wa mvinyo; kipfa sabibu tsose tsesungusia mvinyo nhya tsaṟumatso.

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.

SEFANIA 1:18

Fesa ma sahabu yawo yechiidima iwakiṟa mkonu fulyapfo, mkonu fo nyashi ya Mndumii, kipfa oruka lose lochikoṟo na modo fo nyashi yake; kipfa nechiwika mtsitsionyi fo wandu wose wai kiidi kya oruka, ee mtsitsionyi foṟihisha.

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

YAKOBO 1:11

Kyamba mnengeṟi fodo fuiwaa na mbaṟi fukanaṟa maṟa, na shiwaṟo shaho shikaanama na lole yasho ikadeka. Na wudo mndu msuṟi echikoṟosoka njohendonyi tsake.

YAKOBO 2:6

Indi nyo momleha iindya ichu mkiwa. Chi wasuṟi wekemwapfinya, chiwo wekemduo mengenyi?

YAKOBO 4:13

Akawo nyo mokehamba, Inu ang'u ngama lochihenda mṟinyi mliwe lutsinde ipfo maka lochiṟimiṟya-ho na ifeṟa mbucha.

YAKOBO 4:9

Hendenyi mukuwiṟishe, mukuinadye na ilia. Seko tsanu tsihaluke tsiwe shilio, na sia ihaluke iwe ṟenze.