YAKOBO 4:9 - Bibilia Kui Mdedie fo Kimochi

⁹ Hendenyi mukuwiṟishe, mukuinadye na ilia. Seko tsanu tsihaluke tsiwe shilio, na sia ihaluke iwe ṟenze.

YAKOBO 4:9 ပူးပေါင်းရင်းမြစ်များ

NEHEMIA 8:9

Naalyo wandu wo wekiicho mawawaso ho ha Mndumii-Ruwa, wakakoṟo mṟimenyi yawo wakafihiṟa. Nehemia ichu awei mnene owo na Ezra awei mkohanyi na mṟehi, hamu na Walewi walya wawekeri ilosha wandu wakawia wandu walya wose, “Mkonu fu nyi fui mwele ko Mndumii-Ruwa, Ruwa onu, koikyo manya mulawone mochifihiṟa ma isokio nyi fowa.”

YOBU 30:31

Kwi kipfa kio, kinanda kyako kyahaluka kilio na mtoṟiṟo foko fukawa ṟu lya waifihiṟa.

SHIIMBO SHA DAWIDI 119:136

Meso hako haitonyitsa meda ya mṟinga, kipfa welekeindia mawawaso hapfo.

SHIIMBO SHA DAWIDI 119:67

Njilameliso wukiwa inyi njiwedekie, indi wulalu njihendelie idedo lyapfo.

SHIIMBO SHA DAWIDI 119:71

Kiwei kicha koko ke njileliso wukiwa, njiidime ikulosha mawawaso hapfo.

MFANANO 14:13

Ma kiheri keseka-le, mrima fokesokyonyi fowa; Na ifurumia lyeseka nyi wulemeri wo mrima.

KOHELETI 2:2

Ngahamba kirianyi na seko, nyi waṟumu; na sia, yatarama ki?

YEREMIA 31:13

Nalyo wana wawo wawaka wechichihio na itema, wanake na wameeku wechifuda na sia. Njechihaluo kilio kyawo kiwe sia, njechiwalembalemba na iwainenga sia, handu ha mkuinadie.

YEREMIA 31:9

Wewuya wechitonyitsa mchenyeṟe, njechiwawihiṟa njewalembalemba, njechiwaitsa mbai ya shimeda sha mṟinga, kiidi kya njia njihoṟotsu kulawode ikapa tulia, kipfa inyi ngawa ndee o Israeli, Efraimu nyi mana oko mmbee.

SHILIO 5:15

Luwodese se sia mrimenyi pfo; temo na maṟingi hadu shikahaluka shilio.

EZEKIELI 16:63

Kyamba njihenda ikuhoṟia mawicho hapfo hose, na ili mandi ochihakumbuo uhende wado nyi sonu ulekaria iiria dumbu lyapfo udede kindo.” Nyi wudo Mndumii ahamba.

EZEKIELI 7:16

Walya wechidicha, wechikaa huye ya mafumvu cha mbeta tsa mapichinyi, nawo wechisumukia mrima nyi orio umu kipfa kya wunyamaṟi woke.

MATAYO 21:41

Wakahamba, ‘Wandu walya wewuta wado owicho na wadetso iki kiwichowicho. Na dema lya msabibu nawelinengya wademi wengi wembutya ndunda tsilya ili tsishikye shiheri shatso shekumbya.’

MATAYO 5:4

Nanga iwo wawodo nyi fowa, cha kifa nyiwo wechika wawihiṟio moo.

LUKA 16:25

Abrahamu kahamba, “Manoko, kekumbuo-wo chando iyo kuwei-yambia mecha hapfo lilya mandi uwei na moo orukenyi, na Lasaro kyake kaambia mawawio tupu na wuale, nao wulalu iya nyi aiwihiṟyo moo na iyo kowawiṟo.

LUKA 6:21

“Wungusu nyo muwodo nyi njaa wulalu, cha kipfa nyi mochikaa muihutso!”

LUKA 6:25

Ochia lonu nyo muihutsu wulalu, cha kipfa nyi mochikaa muwado nyi njaa! “Ochia lonu muiseka wulalu, kipha nyi mochikaa mkuinadie na ilia!