YAKOBO 4:16 - Bibilia Kui Mdedie fo Kimochi

¹⁶ Na wulalu mokekushela na maseṟeṟi hanu. Orio ikushela lya mbaṟi ii lii liwicho.

YAKOBO 4:16 ပူးပေါင်းရင်းမြစ်များ

SHIIMBO SHA DAWIDI 52:1

Kitewe kekuṟumisha na mawicho nyi iki, iyo mndu mkari? Wucha wo Ruwa wuiho mkonu yose.

SHIIMBO SHA DAWIDI 52:7

Ate! Ichu nyi mndu ulya, alekeidikia ke Ruwa nyi pfinya tsake. Alekusiria mfoeṟa fo masaa hake, na ikuhaluo mkari kya mawicho hake.

MFANANO 25:14

Cha mapuchi na otanu kulawode mvuo. Nyi wudo ai mokushela na shisumbo kui wongo.

MFANANO 27:1

Ulakushele kipfa kya ngama; Kipfa kulaichi kechifeo na mkonu fumu.

YESAYA 47:10

Kipfa nokusirie mawicho hapfo, nohambie, ‘Kuwode anjiwonyipfo;’ wulaanyi wopfo na wuṟango wopfo, wokudetsa na iyo kohamba mrimenyi fopfo, ‘Inyi nyio inyi kulawode ungi shile na inyi.’

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

YAKOBO 3:14

Indi kokoya muwode wunyeng'i wuwawa na wulang'a wo ndeda ipfo ngoonyi tsanyu ma mulakuṟumishe mowongisha kilya kii-lohi.

1YOHANE 2:16

Kyamba ishi shose shii sha wuyana shikeri shidi, nyi lango tsa nyamenyi na lango tsa meso na useṟeṟi wo moo. Nasho shiwukye ipfo ko Wandepfo, indi nyi ipfo wuyana.

OTAMBAHALUO LO YOHANE 18:7

Na ipfo kundo fuwekyekuichika fumenyi mng'ano na ichumia useṟeṟi nyihondo mufuenenge maturo na mawawio. Nyi kipfa ekehamba ipfo ngoonyi yake wai, ‘Kidembo kyako kii kya mangi mka. Njikeri mka mkusupfo. Njewona mbadiko ma indipfo.’