YAKOBO 4:11 - Bibilia Kui Mdedie fo Kimochi

¹¹ Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

YAKOBO 4:11 ပူးပေါင်းရင်းမြစ်များ

SHIIMBO SHA DAWIDI 140:11

Moiria wongo echiwikio owanzo orukenyipfo, Mndu o wutimbiri, wuwicho wokemṟinjawia imkombetsa.

LUKA 6:37

“Ma mlawone mochiwonyia wengi wuwicho, nanyo mochiwonyiopfo; ma mulatetekie owingo, nanyo mochitetekyopfo, leheṟenyi, nanyo kundu muleheṟo.

WAROMA 2:1

Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta.

WAROMA 2:13

Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu.

WAROMA 7:7

Ili kii kido luhambe luda ngesa? Wuwawaso nyiwo wunyamaṟi? Ote-ko. Kya indi shile wuwawaso inyi njiwe manya wunyamaṟi-pfo. Ma njiwechimanya lango chando tsikeripfo chila wuwawaso wuhamhe. “Ma kulalange.”

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

WAEFESO 4:31

Lekanenyi na wupusu, na wushimbi, na nyashi, na kifahyo, na kirumo hamu na wumbafu wose.

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

2TIMOTEO 3:3

Wa ngarama, walaichi mma, weduo wengi sumu, wapfupfunae mrima, washimbi, wasuo orio kii kicha kyose.

TITO 2:3

Na wudo wakeku wakae na orie lusumhanye waele, walahende iduo mndu sumu, walahende iṟahishyo nyi wukuwu wo wari, wawe wechilosha shindo shii shicha.

YAKOBO 1:16

Wanawawama wako wakunde, ma muladekesho.

YAKOBO 1:19

Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

YAKOBO 1:25

Indi ichu alekulemya wuwawaso-hu wu wusumhanye njora tsose iwu wo ikuachia, o awa mokaika kechiwuambuya, alai moadanya kya ihadima indi ai mtanyi motana kindo lohi-nyio echiwa mosumbo sia ipfo mbutienyi yake.

YAKOBO 2:8

E-wo kokoya moawutsia necha iwawaso lilya lya kiwumangi lii-iṟehye bibilienyi lyehamba, “Kunda odoo cha ili okukunda kumonyi,” nyihondo mowuta kya wusumhanyi.

YAKOBO 5:10

Wanawawama, mukuwade na waikimbi walya walededa kui rina lya Mndumii, wawe mtaato fonu mpfunge, fo ihenda iwawiṟo owicho na fo ikukarishya-ho.

YAKOBO 5:7

Tsindenyi mochikukarishya itane Mndumii echikuloṟa. Ambuya, mndu mdemi akeri iwedya kilimu kicha kya sanga echikukarishya kyakyo itane kyaambya mvuo yesonguo na mvuo yainutsya.

YAKOBO 5:9

Wanawawama, mulanunuwiane muwenyi-na wenyi, kundu mulahende yanduyo. Ambuya, moanduo aakya ipfo shichuminyi.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.