YAKOBO 4:1 - Bibilia Kui Mdedie fo Kimochi

¹ Ngapano na maanduyano shikeri ipfo konu nyi hanga shikuchee ngesa? Chi ipfo kundo lango tsanu tsikuwode tsechiamtsa shida ipfo shiwungonyi shanu?

YAKOBO 4:1 ပူးပေါင်းရင်းမြစ်များ

YEREMIA 17:9

“Mrima fo mndu fui mlembi kota shindo shose; fochiidima ichiṟo, ma kuwode sa echiidima ifumanya pfo!

MATAYO 15:19

Cha kipfa ipfo kiidi kya mrima nyi kokedo-pfo mahio mawicho na wuwahi na mbonyi tsa iṟuhuya na tsa wulala na wuiwi na madedo ha wongo hewonya mndu owingo na shirumo.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 7:23

Indi njiwonyi kwipfo wungi wuiwawaso ipfo shiwungonyi shako wochiwahana na wulya wowawasa mhie foko. Wo wukanjitana mpfunge o ipfo wuwawasonyi wo wunyamaṟi wuiwawasa ipfo shiwungonyi shako.

WAROMA 7:5

Kyamba lyandi luwei wandu wa kimbihu nyi olakilakilo lo maumbuyo hewutyo tewe ipfo wuwawasonyi, nyilo luweiṟunda ipfo shiwungonyi sho shadu shechiuendye opfu.

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

WAGALATIA 5:17

Cha kipfa kilya kii nyama nyi kilehanyi na Mumuyo, na mumuyo nyi alehanyi na kilya kii nyama. Isho shi shiwi shewikyana kitumuo kikatewa mulawute iki murie iwuta.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

2TIMOTEO 2:23

Indi mawesoweso halya ha wutondo halawode wuṟango ulekane naho kipfa uichi ke ho hekeende shiloyo.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

TITO 3:9

Kya indi mawesoweso ha wutondo na maitumano ha marika na mandeda na maloyo ha kiwuwawaso, ho uhadiche. Cha kipfa halai na mbucha, nyi ha maai.

YAKOBO 1:14

Indi orio mndu ose ahenda ihesho nyi lango tsake tsi njenyi tsechimkuruo-kuruo na imhomuo-homuo.

YAKOBO 4:3

Moterewa mulaambya nyi kipfa moketerewa owicho kundu mushifole-fole mochilisiṟa nasho lango tsanu.

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

1PETRO 2:11

Wanawawama, ngamtutuma mui cha wahenu wakuidya-iya wuyana ke mukuotoye lango tsa nyamenyi tsikeri ikapana na mrima.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.