YAKOBO 3:5 - Bibilia Kui Mdedie fo Kimochi

⁵ Olimi na wudo lukeri kiwungo kitutu, na shilya luikusenda nasho sa shing'anyi. Ambuya kimodo kitutu nyi kyahenda ikoṟa ingeṟa chando ling'anyi.

YAKOBO 3:5 ပူးပေါင်းရင်းမြစ်များ

YOBU 22:17

Walewia Ruwa, luleke! na nkyoiki mndumii Ruwa echiidima iluwutia-so?

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 17:10

Wakahaṟie ngoo tsawo, Kui madumbu hawo waikushela.

SHIIMBO SHA DAWIDI 39:1

Njilehamba, “Njechiringa njia tsako Njilachedeko kui olimi loko; njechiwika okowa dumbunyi lyako.”

IWUKA 15:9

Mkituwa kahamba, “Njechiwaosha, njechiwawada, njechihawa shilya ngaende shidenyi, Mrima foko fochiihutso nyiwo; Njechisomuo oshu loko, owoko loko lochiwakombetsa.

IWUKA 5:2

Farao kahamba, “Mndumii-Ruwa nyiu, tane ngaicho ṟu lyake, na iinenga Waisraeli momu wakuhendie kowo? Inyi njiichi Mndumii-Ruwapfo, manya njechiinenga Waisraeli wahende kowopfo.”

MFANANO 12:18

Kuwode modeda alakusaṟa, cha motocha na oshu; Indi olimi lo wusumhanyi nyi oru.

MFANANO 15:2

Olimi lo wuṟango lokededa wulaanyi necha; Indi madumbu ha matondo hekepusuo wutondo.

MFANANO 18:21

Opfu na moo shii pfinyenyi ya olimi; Na iwo wakundi wechilya ndunda tsake.

MFANANO 26:20

Modo fokeruma futuṟa ngu; Kulawode mohaaya kuwode wuṟiingi-pfo

YEREMIA 18:18

“Nalyong'u wakahamba njonyi ludede kya Yeremia, kipfa wuwawaso wochidekia mkohanyi pfo na wulaanyi wodekia menyi wuṟango pfo, ma idedo lechidekia Mwikimbi pfo. Njonyi lumkape kui idedo lyake amonyi, ma lulaadanyie idedo lyake ma limu.”

EZEKIELI 28:2

“Iyo mndu! Henda wia mangi chu o Tiro ke inyi Mndumii-Ruwa ngahamba njidi: Iyo nuwode ikudosa mrimenyi Kyamba nyi ulehamba ke iyo nyi ruwa, Ke nyiudamie loṟikehu lo maruwa, Ke nyi ukeri kuleshe ipfo ipalyipalyinyi Kyaindi iyo nyi ukeri mndu o wandu manya iyo ukeri Ruwa pfo, manya chandu ukuwonyi ke nyi uwode wuṟango cha Ruwa.

EZEKIELI 29:3

Mbie kudi, Inyi Mndumii-Ruwa menyi matorito ngahamba njidi: “Inyi njelimbana na iyo mangi o Misri, Iyo nyi kinyau kilee medenyi Nili! Kyamba nuichi ke meda fo Nili nyi fopfo, Ke nyi iyo ufuwikie!

DANIELI 3:15

Wulalu munjiwie kokoya mukusungusie wokia wulalu muteṟie ke mukaicho iranda na mtoṟiṟo na shinada na njonyi tsikapo mochiho wanda na kyaamu na iindia ruwa oko na sanamu yako ya sahabu ndeihoṟotsa. Kokoya mulateṟia ikyo na iwuta mudo, mukaengeṟa iumiṟa ngoo tsanu, nyi kya lohi mochikumbo kulya ṟungunyi lya modo foaka a nyi Ruwa uhya icho echimukiṟa na owoko loko na modo fo?”

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

YAKOBO 3:4

Ambuya merikebu tsing'anyi tsidi tsikeri ihendesho-hendesho nyi njotanu tsa owira nyi tsekehaluyo nyi mlo mwangu ora lulya moichilia akunda kui wulami wo owoko.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.