YAKOBO 3:17 - Bibilia Kui Mdedie fo Kimochi

¹⁷ Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

YAKOBO 3:17 ပူးပေါင်းရင်းမြစ်များ

1WAMANGI 3:12

ambuya njechiwuta chandu oterewa; ngakuinenga mrima fo wuṟango na wulaanyi wulalemewono ko walya wawesonguo na walya wechikuosha wechikukoyapfo.

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

1WAMANGI 3:9

Ko ikyo ngakuterewa unjinenge inyi kisinga kyapfo mrima fo wuidiki na wuṟango wo manya mecha na mawicho njiweidima ianduo na idumbuo chila kiidi kya wandu, kipfa nyiu echiidima isongoya na ianduo kiidi kya wandu, wafoi wadi?”

1MBONYI TSA MAHERI 22:12

Nakuinenge wulaanyi na wuṟango kundu noidime ichilia Israeli yose kui mawawaso hake.

1MBONYI TSA MAHERI 22:9

Njechikuinenga mana o womi, nao nechiwa mangi, nachilie oruka lose ko ofoṟo. Rina lyake nyi echilaho nyi Solomoni, kipfa kiheri kya wumangi woke njechitana Israeli yose iwe na ofoṟo na olele.

YOBU 28:12

Indi wulaanyi wochiwono-ku? Na handu hemanya ni hanga?

YOBU 28:23

“Ruwa nyi aichi njia tsake, nao naichi handu hake!

YOBU 28:28

Kiidima kawia mndu o wandu, Ambuya iindia Mndumii nyiwo wulaanyi, na ikuṟisa na wuwicho nyikyo imanya.”

IWUKA 36:2

Nahong'u Mose kalaha Bezaleli na Oholiabu na orio mndu awewode wuaria sa Mndumii-Ruwa alemsumba, na sa wawewwode macha herunda, kawawia wawoke iṟunda.

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

YESAYA 2:4

Nao nechiwika mwanduye kiidi kya wandu wa mkambo, nechidedia wandu wa njoshari tsifoi, nawo wechitsana njoshu tsawo tsiwe makumbi, na mapfumuhawo hawe mndo, ma isanga lyechiiria oshu huya isanga lingi pfo, ma wechikuloshase shida pfo.

YESAYA 32:6

Kipfa tondo lyededa sha wutondo, na mrima foke fochitana mawicho, kundu kuwutike mtambo na ihamba shilai lohi huye ya Mndumii, kundu wade mbihu ya wandu iwodo nyi njaa, na ichu awodo nyi nyoda nalawone kenyo.

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

DANIELI 1:17

Kyasia kui mbonyi tsa wanake wo waana Ruwa kawainenga wuṟango, wulaanyi; Danieli kawa menyi wuṟango wuidie womanya mawonesio na itambahaluo ndodo.

MALAKI 2:9

Kui kipfa kya ikyo inyi nyi njechimhaluo muwe kindo kimine na kifari oshangunyi lo wandu wose, chando nyo mulekeindia njia tsako, mukakundia wandu wuwawasonyi.”

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

MATAYO 23:28

Nanyo na wudo iya kya nja nyi mokeloṟa wandu fana cha nyi mui wa wusumuhanyi, kyaindi ipfo kiidi mukaichuo ikulembetseṟa na orio wunyamaṟi wose.”

MATAYO 5:8

Nanga iwo wai waharami kui mrima, cha kipfa nyiwo wechika wawone Ruwa.

MATAYO 5:9

Nanga iwo wechiitsa-pfo ofoṟo, cha kipfa nyiwo weka wasendo nyi wana wa Ruwa.

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

LUKA 6:36

Kyasia, angenyi wesaṟia; chando na Ndeanu ai msaṟi.”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 1:47

Yesu kawona Natanaeli kecha na oo ando akeri kadeda kyake kehamba, “A ichu mndu Mwisraeli o lohi; alawode mtambo ipfo mrimenyi.”

MAWUTO HA WASU 11:24

Cha kipfa awei mndu mcha amwichuṟe Mumuyo Mwele menyi wuidiki. Na mfeṟa fung'anyi fo wandu fukahalutsyo Mndumii.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

WAROMA 12:18

Kokoya kyewa-ho kui pfinya yo nyo murie, kewadienying'u wandu wose ofoṟo.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

WAROMA 15:14

Na inyi mmonyi, wanawawama, njikusirya kyanu nyo ke muwelukye wutechi welu mukaichuo wulaanyi wose mukatana moidima iloshana muwenyi.

1 WAKORINTO 12:8

Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

2 WAKORINTO 7:11

Ambuya isotsyo fowa tsii njiamtse nyi Ruwa lyo nyilyo lilemṟamtsya mtambahanye apa chando fung'anyi na mwanduye nafo na mkuṟukye fo sonu na wuowu na macha na wurahari na wudeheli. Momekumanyisha muwenyi kya shindo shose ke mui wakeha kya mondu fu.

2 WAKORINTO 9:10

Na ichu moinenga ichu mowaya mbeu moinengya mkate fuwe shelya echimuinenga mbeu na itsipfumbutsa na ifoeṟa echifeṟa maalutso ha wuhoṟotsu wonu.

WAEFESO 5:9

na sa yo yechiwono wuchenyi wose na wuhoṟotsunyi wose na owikonyi lo kii lohi lose.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 4:8

Lyefurumia, nyo wanawawama, orio kii kya lohi, orio kii na sonu njicha, orio kii kihorotsu, orio ki kiharami, orio kichihianyi orio kisongowia, maa kui-ho kya opfudi na wuhoneri kyasho muhane-hane necha.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

1WATESALONYIKYE 2:7

Luwerie pfinya yekaa-ho na mkoromu cha wasu wa kristo indi lulemba wahoneri ipfo kiidi kyanu cha ili mka mwongo aikunjia shikoku shake ndenyi.

1TIMOTEO 5:21

Ngakututuma na kamu njii oshangunyi lo Ruwa na lo Kristo Yesu na lo wasu waele wasambuṟe ke uringe ishi kulawone kosuya mndu ma kulawute kindo ochikundia mndu.

2TIMOTEO 2:24

Indi mṟundi o Mndumii nalawe moloya. Kya indi kimbaṟi naololye wandu wose nawe mlosha mcha akutirisie shiwicho shilya aiwutio.

TITO 1:15

Shose shiharamie iwo waharami, indi kya walya wafanyi walaidikye kwipfo kiwaharamie ma kimupfo, kya indi wai wafanyitse na mhie ya mdo na ngo tsa mrima.

TITO 3:2

Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

WAEBRANIA 12:11

Oweṟe lu orio wutsanyi wuiho wufanyi siapfo, kya indi nyi wukiwa, ili lya numa-le woenenga iwa waiwatoṟishe nyiwo wusumuhanyi wuwikye-ho ofoṟo.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.

YAKOBO 2:4

Mukawika mudo chi mowiluo ipfo kiidi kyanu mochiwa modumbuya mndu na mahio mawicho?

YAKOBO 3:15

Iwu wukeri wudi chi wuṟango wuwukye ipfo huyepfo, indi wukeri wo shi, wo ki-wandu, wo ki-waṟupfu.

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1PETRO 2:18

Nyo mui waṟundi wa kanyi ko wandu, mukuwikye shi ya waitoṟi wanu kui wuowu wose wowaowuo chi iwa wai wecha wenunyia tupupfo indi na walya wepfulutsa nyashi.

1YOHANE 3:18

Wana wako, lulakundane kui dedo ma kui olimi, kya indi lukundane kui mawuto na kui kii-lohi.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.