YAKOBO 3:15 - Bibilia Kui Mdedie fo Kimochi

¹⁵ Iwu wukeri wudi chi wuṟango wuwukye ipfo huyepfo, indi wukeri wo shi, wo ki-wandu, wo ki-waṟupfu.

YAKOBO 3:15 ပူးပေါင်းရင်းမြစ်များ

2SAMWELI 13:3

Amnoni nawewode mbuya yake, elaho Yonadabu mana o Shama wawae o Dawidi. Yonadabu nawewode wuṟango wuwicho.

2SAMWELI 15:31

Dawidi kawio ke mlaanyi oke Ahithofeli nakulunga na Absalomu. Dawidi katerewa Ruwa kahamba, “Mndumii ngakuterewa nohaluo wulaanyi wose wo Ahithofeli wuwe wutondo.”

2SAMWELI 16:23

Kyasia Absalomu kaindia madedo ha Ahithofeli, chandu ndeye o Dawidi awekewuta; kipfa kiheri kilya orio madedo hose ha wulaanyi ha Ahithofeli hawekeindio cha madedo hawukie ko Ruwa na iinengo kiṟumi nyi Dawidi na Absalomu.

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

LUKA 16:8

Kyasia mndumii ulya kaṟumisha mwiṟichi ulya awenyamaṟie, kipfa lilya alewuta ado na wuṟango; kipfa wana wa wuyana-wu wo wulalu nyi wa-waṟango kota wana wa sa ipfo sumuhana na kishari kyawo wawenyi.”

YOHANE 3:17

Kyamba Ruwa alaleduma Mana oke nache na kunu wuyana kundu naanduye wuyana wu, kya indi nyi kundu wuyana wuhendekiṟo nyio.”

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

MAWUTO HA WASU 13:10

“Iyo mndu uichuo mtambo na wuporu wose ui mana o Satana, mkituwa o wusumhanyinyi wose ulada ilemalema njia tsa Mndumii tsii njihoṟotsa

WAROMA 1:22

Ipfo kundo wakutanye walaanyi mpfondo watondoke.

1 WAKORINTO 1:27

Kya indi shilya shii-shitane sha wutondo nyi wuyana wu nyisho Ruwa ameshisambuṟa shesonusha waṟango, na shilya shifafa sha iya wuyana nyi sho Ruwa alesanga nahutsye nasho shilya shiapfinya sonu.

1 WAKORINTO 2:14

Indi mndu o mhendeshye fo kiwandu ekeambyana na shilya shii sha Mumuyo o Ruwapfo, kyamba shembiia wutondo nalaidime ishimanya, kipfa shekewa itichyo kui njia ya Mumuyo tupu.

1 WAKORINTO 3:19

Kyamba wuṟango wo wuyana wu nyi wutondo ipfo sumuhana na Ruwa. Kyamba kii-kiṟehye kii-le, “O nyio mochawilia waṟango ipfo mlemekonyi yawo.”

1 WAKORINTO 3:3

Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu?

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 11:3

Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.

2WATESALONYIKYE 2:9

Na ikuloṟa lilya lya Mbicho-chu lii liitikye nyi Satana kui pfinya yose na shichano na maṟiho ha wongo.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

YUDA 1:19

Iwo wai wado nyi-wo wapaṟatsanyi. Wandu washilie nyi lango tsa wuyana wai wa-makilango wawuṟye Mumuyo fo Ruwa.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 2:24

“Indi nyo wengi mui ipfo Tiatira mulakuwode na kiloshyo kya Yezebeli, mulalekulosha, ‘Mbonyi tsa Satana,’ makisenyi ha Satana wai, chando wo wekehamba, nyi ngambia ke njechimuwikya ṟio lingipfo.

OTAMBAHALUO LO YOHANE 9:11

Tsiwode mangi yewachilia, nyi mnene chu o ko waṟumu: Rina lyake lihambo kiebri Abadoonyi, na kigriki Apolionyi Nyi Morumatsa.