YAKOBO 1:27 - Bibilia Kui Mdedie fo Kimochi

²⁷ Wuindi wuharami wulafanyi oshangunyi lo Ruwa Wande wukeri wule, isenguda wana wangoeda na waka wa kusu iwa wai walise wukiwa na ikuṟisa ihenda fanytso nyi wuyana wu.

YAKOBO 1:27 ပူးပေါင်းရင်းမြစ်များ

SHIIMBO SHA DAWIDI 119:1

Nanga wai wahoṟotsu njienyi tsawo, Wekeosha iwawaso lya Mndumii.

SHIIMBO SHA DAWIDI 146:9

Mndumii nekeowisha wahenu; Nekeṟihika mngoeda na mkusu; kyaindi njia ya walai na wusumhanyi nekeidetsa.

SHIIMBO SHA DAWIDI 68:5

Ndeye o wangoeada na mtarami o wakusu, Ruwa kiidi kya kanyi koke kwele.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

MATAYO 12:32

Na mndu echideda dedo kya isuana na Manomndu nechihoṟyo kyakyo. Kya indi mndu echideda dedo kya isuana na Mumuyo Mwele nechihoṟyo kyalyopfo ma ili akeri kunu wuyana wu, ma kashika wulya wochikaa wuche.’”

MATAYO 5:8

Nanga iwo wai waharami kui mrima, cha kipfa nyiwo wechika wawone Ruwa.

LUKA 1:6

Nawo wakawa wecha wasumhanyi ipfo sumuhana na Ruwa wawawi, wakahenda wechihendelia mawawaso hose na njopfundo tsa Mndumii tsose, ma walaṟatsie-ho kindo.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 2:13

Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAGALATIA 3:11

Kilya kimanyikye-ho na pata kikeri kiile, ke mawiko halya hewa hewikya mndu ngaya nasumhanzyo Ruwa-ho, cha kipfa ichu ai msumhanze o etsinda na moo akeri iwonyo kui wuidiki wokusirya na Ruwa.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAGALATIA 6:14

Indi kyako inyi njichi kiṟumi kingipfo shila nyi kya msalaba fo Mndumii odu Yesu Kristo. Mfo fonnenga wuyana wukambiia wupfu na inyi ngawuwiia mpfu.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

NGUMBUO YA MAWAWASO 14:29

Iki kechiwa kipfa kya Walewi, cha kipfa wawode ohawi manya kioṟa kyawo kiidi kyanupfo, na wahenu, na wangweda na wakusu wekekaa kunu mṟinyi yanyu, wechicha ilya waihude. Wikenyi mudo nao Mndumii-Ruwa, Ruwa onu, nechimuwikia mboṟa kiidi kya maṟunda hanu hose ha mawoko mokeṟunda.”

1TIMOTEO 1:5

Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

1TIMOTEO 5:4

Indi kokoya mka mkusu awode wana ang'u wachuku, wo wakupfunde kuwoka iwika wuindi wo ipfo kanyi kowo kwenyi wechitaa sile tsilya walie ko wafee wawo. Kipfa iki kichihianyi na Ruwa.

TITO 2:12

Wolutoṟisha so, kundu lulehane na mbaṟi ii ya imina Ruwa na lango tsilya tsa ki-wuyana, lupfudie lui na moo fo chile na wuhoṟotsu na wuindi mandi ha kiwulalu.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

YAKOBO 3:9

Na mweke folo lokeṟumisha mndumii na Wande, na mweke folo lokeruma wandu wai-wawike kui ofano lo Ruwa.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.

2PETRO 2:20

Kyamba kokoya iwa waledicha ngafu tsa wuyana kui imanya Mndumii na Mkiṟi odu Yesu Kristo, na numa wakaidikia iwingo na ichilia nyi wechioṟowyo nyitso lingi kyawo kifurumi kyechiwichuo ngoseṟa kota kya kuwoka.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

1YOHANE 5:18

Luichi ke oṟyo amfee nyi Ruwa awuta wunyamaṟipfo. Kya indi ichu amfee nyi Ruwa akuringa amonyi, na mbicho aimpayapfo.