YAKOBO 1:25 - Bibilia Kui Mdedie fo Kimochi

²⁵ Indi ichu alekulemya wuwawaso-hu wu wusumhanye njora tsose iwu wo ikuachia, o awa mokaika kechiwuambuya, alai moadanya kya ihadima indi ai mtanyi motana kindo lohi-nyio echiwa mosumbo sia ipfo mbutienyi yake.

YAKOBO 1:25 ပူးပေါင်းရင်းမြစ်များ

SHIIMBO SHA DAWIDI 106:3

Nanga iwo wekewada mdumbuye, Na iwuta kya wusumhanyi mfiri yose.

SHIIMBO SHA DAWIDI 119:32

Njechichumia faṟa kiidi kya njia ya mawawaso hapfo. Kometambaṟuo mrima foko.

SHIIMBO SHA DAWIDI 119:45

Na inyi njechichumia handu kuwode maanya, kipfa njikuloshie mapfundo hapfo.

MFANANO 14:15

Isembo lyekeidikya oriyo idedo; Indi mndu mṟango nekeambuya mnu chandu aihenda;

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

LUKA 11:28

Nao kahamba, “E-wo, kyaindi nanga sa wekeicho idedo lya Ruwa na ikaa wakakaa nalyo.”

YOHANE 13:17

Mukamekumanya-ng'u ikyo nanga nyo ili mochikiwuta.’”

YOHANE 8:36

Kokoya ichu ai Mana echimwashwo lyo-ng'u mochiwa wenyi-mkuachie.

MAWUTO HA WASU 13:43

Kisanzyo kyose kekiinuka sinagongeny Wayuda wafoi na wandu wa kichong'u kya siṟi yawo wahendeli wakaoshana na Paulo na Barnaba. Nawo wakawalosha na iwatutuma ke wakae wakuwode na wutonga wu wo Ruwa.

MAWUTO HA WASU 2:42

Nawo wakawa wekuwada ipfo kiloshyonyi kya wasu na ipfo kipfunganyonyi ipfo kifunjonyi kya mkate na ipfo shiterewyonyi.

MAWUTO HA WASU 26:22

Kyasia njekikuwonya ngaya iwukye ko Ruwa nkyo kinjiwodye-ho ngashika inu tichi njechiṟingishya watutu na wanene, manya njilahambe idedo lingi shile na halya waikimbi na Mose wawehambye ke hechikaa hainukye.

WAROMA 11:22

Kyasia keweringang'u woloru wo Ruwa na wunesi woke. Wunesi nyi wuhoye walya warendemkye, indi wuoloru wo Ruwa wokukaya iyo kiwe ochikutambahana na woloru-wu; shile nyi wudo na iyo na ochipahwo-ho.

WAROMA 2:13

Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu.

WAROMA 7:12

Kyasiang'u wuwawaso nyi wui wulele na isho wushiwawasye shii shiele shirie wuhoṟotsu na wucha.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

WAGALATIA 2:4

Ee ko; na wanawawama na wongo na waweipfo wawekusoṟowitsye-ho, kundu waale mkuachie fodu lufuwode so lui Kristo-hu Yesu kundu waluwihiṟe wusingenyi.

WAGALATIA 5:1

Kristo ameluashuo wusingenyi kundu lukuachie ikuachia lya lohi. Kyo kimwenenge mukuhode, mulakilekie muwuye ipfungyo-se kilamyonyi kya wusinga.

WAGALATIA 6:2

Mudaṟane mhanda muwenyi na wenyi. Mukawuta mudo nyi mowika-ho kilya Kristo aluwawasye.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

1TIMOTEO 2:15

Indi nyi echiletso kui ifee lyefee wana ili ekaa wuidikinyi na makundanonyi na wuilishonyi awode osaṟe.

1TIMOTEO 4:16

Kuringe kumonyi keweringa na kiloshyo, utsindikye-ho. Kowa mowuta kudo ochikukiṟa kumonyi na ikiṟa walya wakuicho.

WAEBRANIA 12:15

Muwe mochiambuya mnu, kundu kulawoneke-ho echiwuka wutongehu wo Ruwa, manya kulaalukye-ho mri fuipusa fochirohya fuweshika ifanyitsa wafoi.

YAKOBO 2:12

Ikyo muideda na wudo kiwe na ikyo muiwuta na wudo kiwewa mui wandu wakunda idumbuyo na meke fo wuwawaso wo ikuachia.

1PETRO 2:16

Mui wekuachia muwenyi. Ma mulawone mochiwada ikuachia lyo liwe lyeṟikya-ho wumbafu, indi mukae nalyo mui masinga ha Ruwa.

1YOHANE 2:24

Lilya mulemwicho lya mawokyonyi likae nanyo. Lilya momeliicho lya mawokyonyi likakaa nanyo nyi mochikaa na Mana na Wande.

OTAMBAHALUO LO YOHANE 14:13

Na ngaweicho ṟu lyededa ipfo ruwehu lyehamba, Ṟehya, Ungusu wapfu wa walepfa wai Mndumii-hu. Wawio ungusu wokia wulalu. Mumuyo ahambye, Ee-da, washike yonyonya kya mawina hawo. Kyamba mawuto hawo haitumana nawo.

OTAMBAHALUO LO YOHANE 22:14

Ungusu wekesanja maṟao hawo kundu wechiwonyo kita kimu kelya ikidi lilya liende moo na momu fokuidya shichuminyi shilya washike mṟinyi fulya.

1SAMWELI 12:14

Kokoya moindia Mndumii-Ruwa, na imṟundia, na iadanyia ṟu lyake manya mulafunje iwawaso lyake, kokoya nyo muwenyi handu hamu na mangi yanu mkaosha Mndumii-Ruwa, Ruwa onu, mochiwona mecha.