YAKOBO 1:19 - Bibilia Kui Mdedie fo Kimochi

¹⁹ Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

YAKOBO 1:19 ပူးပေါင်းရင်းမြစ်များ

NEHEMIA 8:18

Orio mkonu Ezra kasomia wandu kitapu kya mawawaso ha Mndumii. Wakakaa mfuhonyi ko mfiri mfungade. Kyasia mkonu fo nyanya wakawika kisanzio king'anyi kemarisia mkonu mnene chandu wawei wawawase.

NEHEMIA 9:17

Wakaleha iosha; walakikumbuo ṟiho uletsiwuta kiidi kyawo. Wakawada mrima njiumu, nalyo wakasambuṟa mṟundi mowawihiṟa wusingenyi kulya Misri. Kyaindi iyo nyi Mndumii-Ruwa okehoṟia, uwode isaṟia na ikunda, manya ulekewado nyi nyashi owinyi. Isaṟia lyapfo nyi ling'anyi; ulakunde iwawihitsa.

NEHEMIA 9:3

Ambuya nyi walehoṟoka handu ha saa tsiṟaṟu wechisomio mawawaso ha Mndumi- Ruwa, na handu ha saa tsiṟaṟu wakatochia Mndumii-Ruwa owo njonyamaṟo tsawo na iindia Mndumii-Ruwa owo.

YOBU 32:16

Wulalu na inyi ngesa, njiwede kipfa kyawo ilyi walaideda kipfa wahoṟoka waketsia do ma walahaluo-se.

MFANANO 10:19

Handu kuwode madedo hafoi kochiwuṟika wuwicho pfo, Kyaindi ichu mokanga dumbu lyake namṟango.

MFANANO 13:3

Ichu moringa dumbu lyake naringa mbihu foke; Kyaindi ichu mopfunuo dumbu lyake nechiwona inyamaṟika.

MFANANO 14:17

Ichu modosa nyashi ya nduika nechiwuta wutondo; Na mndu o mtambo nyi echiwingo.

MFANANO 14:29

Alai mwangu idosa nyashi nyi aichi shifoi; Indi awode nduika nyi ekeṟumisha wutondo.

MFANANO 15:18

Mndu o nyashi nekeichuṟa ngapano; Indi ulya alamwitoṟye nyashi nyekeende olele.

MFANANO 15:2

Olimi lo wuṟango lokededa wulaanyi necha; Indi madumbu ha matondo hekepusuo wutondo.

MFANANO 16:32

Alawode nyashi ya kitusu nyi amcha kota mbahanyi; Na mndu moidima mbihu foke kota mowinza mṟi.

MFANANO 17:14

Mawookyonyi ha ngapano kimu na itocha mṟinga; Kyasia denyi ngapano ilamewumba mfu.

MFANANO 17:27

Mokutsiia na madedo hake nyi ai mṟango; Na awode ngoo ya itirisia nyi ai mlaanyi.

MFANANO 18:13

Ichu mohaluo alameicho, Nyi utondo na sonu tsake.

MFANANO 18:21

Opfu na moo shii pfinyenyi ya olimi; Na iwo wakundi wechilya ndunda tsake.

MFANANO 19:11

Wuṟango wo mndu woketiṟisha nyashi yake, Nyi kiṟumi kyake ihooṟia ideko.

MFANANO 19:19

Mndu o nyashi ing'anyi nechiambia ngapo yake, Kipfa ma komkiṟa nochiwuya-se.

MFANANO 21:23

Mndu moringa dumbu lyake na olimi loke, Nechikuringa moo foke na wukiwa.

MFANANO 25:28

Mndu elechiidima ichilya mrima foke. Nyi afananyi na mṟi fuwundukye fulawode omombo.

MFANANO 29:20

Kulemewona mndu morundukya madedo? Nanga ikusirya tondo kota o.

MAITALA 22:27

Nzoi yekiwona malaikacho o Mndumii-Ruwa, ikalaa wanda. Balaamu kawado nyi nyashi, kakapa nzoi iya na ndichi yake.

MATAYO 5:22

Indi inyi nyi ngambia, orio mndu ose moṟikia manomae nyashi mrimenyi nyi mndu mohenda dao ko wachili wedumbuo kya wandu wanyamaṟie!

MARIKO 12:37

Dawidi amonyi nyi amlahye, ‘Kristo nyi Mndumii,’ nyi wuda Kristo ai mana oke?” Na kituṟu kilya kya wandu kinganyi kikamadanya na sia.

MARIKO 2:2

Wandu wafoi mnu wakakuumbia-pfo kulakeri-se handu ma oo mongo Yesu kawaongoya mbonyi tsake,

LUKA 15:1

Wesana okamba na wanyamaṟi, iwa wose nyi wawekemchea, kundu wamwadanyie.

LUKA 19:48

Walawone kembutia; kipfa wandu wafoi wawewatiṟanyi nao wechimwadanyia.

MAWUTO HA WASU 1:15

Mafiri naho Petro kakure ipfo kiidi kya wanawawama, na msanzo fo marina hose fuweshikye ihana na makumi hawi, kahamba.

MAWUTO HA WASU 10:33

Nahong'u oweṟe na lulya ngaduma wandu kopfo. Na iyo kowewuta necha ili omcha. Kyasiang'u aiwa so lose lukeri iya oshangunyi lo Ruwa luadanye isho umbwawase nyi Mndumii shose.”

MAWUTO HA WASU 13:48

Wandu wa mbaṟi njihenu wekiicho wado wakachihio wakaichika idedo lya Mndumii wakaidikya nawo nyiwo iwo wawemteseheṟyo moo fu fo mlungana.

MAWUTO HA WASU 17:11

Nawo wandu wa nyi wawei na sonu kota walya wa Tesalonyikye, nyi waleambya idedo na wulalutsu wose wakawa wesumasuma ipfo mṟehonyi mfiri yose kundu wawone koka shindo sho nyi wudo shii lohi.

MAWUTO HA WASU 2:42

Nawo wakawa wekuwada ipfo kiloshyonyi kya wasu na ipfo kipfunganyonyi ipfo kifunjonyi kya mkate na ipfo shiterewyonyi.

WAEFESO 4:26

Mukadoso nyashi manya mulawute kya wunyamaṟi. Mulalekie mnengeṟi fuoloke mukuwode na okuchukuchu.

WAEFESO 4:31

Lekanenyi na wupusu, na wushimbi, na nyashi, na kifahyo, na kirumo hamu na wumbafu wose.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.

WAKOLOSE 3:8

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

YAKOBO 1:16

Wanawawama wako wakunde, ma muladekesho.

YAKOBO 1:2

Wanawawama wako, kokoya moshika ihoyo shihesho shiwe na shiwe, iki mukitane sia ii njenyi.

YAKOBO 1:26

Kokoya mndu ahamba ke ai menyi-wuindi nao alaapfinya olimi loke indi alemba ngoo yake, wuindi wu woke wukeri wo wulya.

YAKOBO 2:1

Wanawawama wako, na mulasanze wuidiki woidikya Mndumii odu Yesu Kristo menyi wuitoṟi na ikundya wandu.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

YAKOBO 3:10

Nyi ipfo dumbunyi ili limu-ho kukuwukye-ho ona na oseso. Wanawawama wako, isho chi kisumhanyi shihendeke shidopfo.

YAKOBO 4:11

Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

YAKOBO 5:12

Indi kisongoe shingi shose, wanawawama wako, kikeri ki-le, ke mulalye nyamu, manya so ruwehu manya so sanga manya so ki. Indi mukahamba, e, iwe ee lohi mukahamba, ote, iwe ote lohi, kundu mulahendewonyo mti ipfo kyanduyonyi kilya.

YAKOBO 5:19

Wanawawama wako, kokoya o konu umu-ho adekyo kilya kiilohi na ungi amhaluya-se naapfo.

1YOHANE 2:21

Chi ngamṟehya cha ili mulaichi kilya kii-lohipfo, kya indi nyi kipfa mukiichi na kipfa orio kii-wongo kilapaṟikye ko kilya kii-lohi.