WAROMA 8:8 - Bibilia Kui Mdedie fo Kimochi

⁸ Indi iwo wakukerye-ho mkao ya nyama waidima ichihiana na Ruwapfo.

WAROMA 8:8 ပူးပေါင်းရင်းမြစ်များ

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 8:29

Na ichu alenjiduma nyi ahendesanyi na inyi. Ma anjida njikae njimonyi-pfo kipfa nyi njiwuta shichihianyi nao mfiri yose.”

WAROMA 1:21

Kitewe nyi kipfa ili waweichi Ruwa, indi walawemwindya cha Ruwa manya imwaana, kya indi wakahenda ihanahana na wuṟango wo wongo, na mdo fowo fukatushia fukawa meema.

WAROMA 7:5

Kyamba lyandi luwei wandu wa kimbihu nyi olakilakilo lo maumbuyo hewutyo tewe ipfo wuwawasonyi, nyilo luweiṟunda ipfo shiwungonyi sho shadu shechiuendye opfu.

WAROMA 8:9

Indi nyo mukeri wa mkao fo nyamapfo kya indi mukeri wa mkao fo Mumuyo, komkoya Mumuyo o Ruwa aikukaya konu ketsinda nanyo. Mndu alai na Mumuyo o Kristo ichu chi o Kristo-pfo.

1 WAKORINTO 7:32

Na inyi njikundi mukae mulakurohye. Ichu alaalikye ekekuwinyisha kya Mndumii ke nyi wuda echichihiṟa Mndumii.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 3:20

Nyo wana idikyenyi wafee wanu kya shindo shose, kipfa iki kichihianyi na Mndumii.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.