WAROMA 8:6 - Bibilia Kui Mdedie fo Kimochi

⁶ Kyamba shilya nyama-tso tsekekuelengya, nyi shiduo opfunyi, indi shilya Mumuyo fokekuelengya sho shiwika moo na ofoṟo.

WAROMA 8:6 ပူးပေါင်းရင်းမြစ်များ

WAGALATIA 6:8

Mndu kawa mokumbya ipfo nyame-hu tsake, na ipfo nyamenyi echikuwutya-ho ihenda inyamaṟika. Mndu kawa mokumbya Mumuyo-hu na ipfo Mumuyonyi echikuwutya-ho ikaa na moo mwele fo mlungana.

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

WAROMA 8:13

Kyamba kokooya mokapya moo mui-waitike nyi nyama tsanu mokunda ipfa. Indi komkoya mowaha mbutie ya nyama tsanu njiwicho mui-waitike nyi Mumuyo nyi mochiwada moo.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

WAROMA 6:21

Nyi kiira kiki mulewona ho mandi halya? Chi kiwei kya mbaṟi imwinengye mopfia kyayo sonu wulalu? Cha kipfa kiira kyakyo nyi opfu.

WAROMA 14:17

Kyamba Wumangi wo Ruwa chi wukeri mlie na mnyoepfo, kya indi nyi wukeri wuhoṟotsu na ofoṟo na wukesi wokuṟamkya-ho kui Mumuyo Mwele.

WAROMA 7:5

Kyamba lyandi luwei wandu wa kimbihu nyi olakilakilo lo maumbuyo hewutyo tewe ipfo wuwawasonyi, nyilo luweiṟunda ipfo shiwungonyi sho shadu shechiuendye opfu.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

WAROMA 7:11

Kyamba wunyamaṟi wulekuihetsa na iwawaso wukanjilemba wukanjiendie opfu kui mweeke folyo.

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

WAROMA 8:27

Indi msa motichya ngoo tsa wandu nyio sa aichi chuṟe tsa Mumuyo ai moterewya wandu wa Ruwa akundi.