WAROMA 8:3 - Bibilia Kui Mdedie fo Kimochi

³ Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

WAROMA 8:3 ပူးပေါင်းရင်းမြစ်များ

MAITALA 21:9

Kyasia, Mose kasungusia njoka ya aṟeṟa, kaimasa ngohu. Orio mndu aleimado nyi njoka ili aleambuya njoka iya ya aṟeṟa, nalechia.

MAITALA 28:22

Mochilekiase kioṟo kimu kiwe mwano fowuto wunyamaṟi, kundu muwikio kisanza.

MARIKO 15:27

Naho kuwei-ho weala njia wawi wakawawambya msalabehu handu hamu nao, ulya umu kakaa ora loke lo kulyo na ungi kakaa ora loke lo kumoso. [

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 9:24

Nahong'u wakawuya wakalaha-se mndu ulya awei kipfupfuṟe wakambia, “Hamba lohi oshangunyi lo Ruwa. Kya mndu chu luichi ke nyi akeri mnyamaṟi.”

MAWUTO HA WASU 13:39

Na kimaduma kya ichu msa amwidikye nyi echitalo ke nyi alawode mti shindo shilya shose mulaweidima italya wusumhanyi na mweke fo wuwawaso wo Mose.

WAROMA 3:20

Kipfa kulaipfo mndu o wandu awetano mhoṟotsu oshanguyi lo Ruwa kui mweke fo mawuto ha-mawawase, kyamba wuwawaso wu kindo wukiendie nyi imanyisha mndu wunyamaṟi woke.

WAROMA 6:6

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

WAROMA 7:18

Kyamba njiichi ke kunu koko nafo nyi mbihu fu foko tsako kuwode-ho kii kichapfo. Kyamba ikunda kilya kisumhanyi ee njikundi indi ikiwuta ote, kyalema.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAROMA 9:3

Kyamba njiwekundi ke inyi njimonyi njitano msese kyewa lyenenga wanawawama wako wa mkambo fumu na inyi wawehenda ikiṟo.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAGALATIA 3:21

Wulalu nyi wuda? Mawiko halya na halehanyi na shiteṟyo shilya sha Ruwa ngesa? Ote ko! Kima mawiko haweipfo haweidima yende moo wusumhanzo na wuwechiwiko-ho kui kimaduma kya mawiko.

WAFILIPI 2:7

Kya indi alekuatuo amonyi kawada mkao fo mndu isinga kawao mfananyie fo wandu kawekoyo ai o mbuka ya mndu.

WAEBRANIA 10:12

Indi ichu alemdambika kidaso kimu mfi kiwewa kimaduma kya manyamaṟo kikae-ho mlungana kakudamiṟa owokonyi lo kulyo lo Ruwa.

WAEBRANIA 10:14

Kyamba iwa weilisha nyi alewashitsa kikunyi kui odambiko lumu mfi lochikaa mlungana.

WAEBRANIA 2:14

Cha kipfa ili wana wakuwode na samu na nyama, na wudo alekuwada natso kimu nawo kundu nawute wuitoṟinyi kui opfu ichu aitoṟie opfu, nyio mkumbi ulya.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.