WAROMA 7:6 - Bibilia Kui Mdedie fo Kimochi

⁶ Indi wulalu luwode mkuachie lulawaitoṟie nyi wuwawaso-wo lukapfa opfu loluletsa kilya kilupfungye kundu lukae-ho lochipfuṟukanya Ruwa lulawukye mumuyo, lulakuwode-se na mṟeho fo kacha.

WAROMA 7:6 ပူးပေါင်းရင်းမြစ်များ

EZEKIELI 11:19

Na inyi njewainenga ngoo na mrima mhya kiidi kyawo, njihende iwutapfo ngoo njiumu cha iho na iwainenga ngoo iwode wuindi.

EZEKIELI 36:26

Kyamba nyi njihenda imwinenga ngoo njihya, njiwewika mumuyo mhya kiidi kyanu. Kyamba njihenda iwuta mrima muumu cha iho kiidi kyanu, njiwemuomoya mrima fo wuindi.

WAROMA 1:9

Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 6:11

Nanyo na wudo kewekuitalenyi mui wandu wawewiia wunyamaṟi wapfu, na moo muwode nyi mukuwodye nafo Kristo-hu Yesu mochipfuṟukanya nafo Ruwa.

WAROMA 6:19

Ngadeda njidi kiwandu kipfa mofafaa kui nyama tsanu;) Kyamba chando muwewedambikie shiwungo shanu shiwe shesingya ngafu na wukika wofeṟya-ho wukika, nyi wudo muwe mochidambikya shiwungo shanu wulalu shiwe shechisingya wuhoṟotsu-wu wuduo kiilishyonyi.

WAROMA 6:2

So lukamaa iwiia wunyamaṟi wapfu, nyi wuda luwuye-se ikaa nawo lingi ngesa?

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

WAROMA 7:1

Ang'u mulaichi, wanawawama, kyamba njiideda nanyo sa muichi mawawaso. Mawawaso haitoṟye mndu ili mandi ai-ho na moo?

WAROMA 7:2

Kyamba mndu mka amwalikyo mii nyi apfungyo mii nyi wuwawaso ili mandi mii aiho na moo hose; kya indi mii chu kamekupfia, mka-cho amuitoki ye-se nyi wuwawaso womfungya miicho-pfo.

WAROMA 7:4

Nanyo wanawawama wako, na wudong'u, mulewohyo kyemletsa na wuwawaso wu kui mweeke fo mbihu fo Kristo; mui wake ichu aleṟutsa awuka wapfunyi luwe lochipfuṟukanya Ruwa mapfuṟukanyo.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

WAEFESO 4:24

Mukuwikye mṟaye ya mndu mhya ichu amuumbe kui ofano lo Ruwa kui wuhoṟotsu na sungusihu ya kilya kii lohi na wuele.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

WAKOLOSE 3:10

Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.