WAROMA 7:4 - Bibilia Kui Mdedie fo Kimochi

⁴ Nanyo wanawawama wako, na wudong'u, mulewohyo kyemletsa na wuwawaso wu kui mweeke fo mbihu fo Kristo; mui wake ichu aleṟutsa awuka wapfunyi luwe lochipfuṟukanya Ruwa mapfuṟukanyo.

WAROMA 7:4 ပူးပေါင်းရင်းမြစ်များ

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

YESAYA 62:5

Kipfa chando manake o kisoṟo aalika mana o waka, nyi wudo icho alekuwumba echiwa mii opfo; na chando menyi walyi ekechihiyo kipfa kya mpora aalika; nyi wudo Ruwa opfo echichihiyo kyapfo.

MATAYO 26:26

Kyasia ili welya shelya Yesu kaira-ho mkate kaidapfuma Ruwa kafufunja shifunjo kainengya walya wa kiloshyonyi kahamba, “Ngenyi mlye. Iki nyi mbihu foko.”

MARIKO 4:20

Kyaindi wengi nyi cha tsilya tsinjiwaye terinyi njicha. Nyi iwo wekeadanyia idedo lyo na iidikya wakakumbya ndunda; wengi makumi haṟaṟu, na wengi makumi haṟandaṟu na wengi ihana.”

YOHANE 15:8

Wande oko naing'anyisho kokoya mokumbia ndunda tsifoi na iwa wa kiloshionyi kyako.

YOHANE 3:29

Ichu arie mka moaliko nyio menyi-wali. Indi mbuya ya menyi-wali ichu ahoṟoki oo afui kemwadanya nyi aichihio mnu na sia ing'anyi ili aicho menyi wali kechideda. Nyi wudo sia yako yaichuo pacha.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

WAROMA 6:11

Nanyo na wudo kewekuitalenyi mui wandu wawewiia wunyamaṟi wapfu, na moo muwode nyi mukuwodye nafo Kristo-hu Yesu mochipfuṟukanya nafo Ruwa.

WAROMA 6:14

Kyamba wunyamaṟi wulechimwidimase, kyamba mulai shi ya wuwawaso kya indi nyi mukeri shi ya wutonga.

WAROMA 6:2

So lukamaa iwiia wunyamaṟi wapfu, nyi wuda luwuye-se ikaa nawo lingi ngesa?

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

WAROMA 7:3

Kiwukie-ho nyi kii-le; ke kiheri mii ai-ho na moo mka cho kadao nyi mii ungi nyi echiwio ke nyi ai mokiṟuhuyo; kya indi kombona mii amekupfia nyi alekio nyi wuwawaso wompfungya mii cho, kakudayo nyi mii ungi echiwio-se ke nyi ai mokiṟuhuyopfo.

WAROMA 7:6

Indi wulalu luwode mkuachie lulawaitoṟie nyi wuwawaso-wo lukapfa opfu loluletsa kilya kilupfungye kundu lukae-ho lochipfuṟukanya Ruwa lulawukye mumuyo, lulakuwode-se na mṟeho fo kacha.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 10:16

Kirahu kilya kya ona luikionyisha chi kulusanzye samu ya Kristo? A mkate fulya luifufunya chi fulusanzye mbihu fo Kristo?

2 WAKORINTO 11:2

Kyamba njiimlalakya nyo na wulalaki wo Ruwa, kyamba njiweimukosya mii umu njiendie Kristo sambuṟa njikeha.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAGALATIA 5:18

Indi kokoya mokaṟo nyi Mumuyo mukeri shi ya mawiko halyapfo.

WAEFESO 2:15

Na ipfo mbihu-hu foke kawewuta nafo wuwawaso wulya wuwei wo mawiko ha wuitiki echiitsa-pfo ofoṟo.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 4:17

Chi njiipfula kitarama inyipfo, kya indi njiipfula mwengeṟya fuhendetalio fonu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:22

Indi kui opfu lo Mana oke awei na moo iya wuyana; Wulalu Ruwa amembuta owingo ipfo mbihu-hu fo nyama Ruwa amemusanza nao kundu namhoṟotse oshangunyi loke mui waele, wecha mulawode tewe manya imwanduya.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

WAKOLOSE 2:14

Nyi aleangatsa kiṟehio kilya kiweekiṟehie kui owoko kiwei sile hima yadu, nkyo mawiko halya nakyo kiweluanduya kakiwuta ipfo kiidi echikikapya msalabenyi.

WAKOLOSE 2:20

Kokoya momepfa hamu na Kristo ipfa lyemletsa na pfinya tsa waṟufu wechilia wuyana-wu. Nyi kili muichumiase cha ili mui-se wa wuyana?

WAEBRANIA 10:10

Kui kyama ki luiwailishe na limu likawa na odambiko lo mbihu fo Yesu Kristo.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

OTAMBAHALUO LO YOHANE 19:7

Luchihio na ikapa ngoru lochimbikya kiṟumi. Kyamba wali wo Kidahina kilya womshika. Msangi okyo amekuteseheṟa.

OTAMBAHALUO LO YOHANE 21:9

Kukacha umu o wamalaika walya mfungade wawerie shitela shilya mfungade shiichuo ngapo tsilya mfungade tsefurumya, kanjiwia, “Ke-nyoo-wo, nkuloṟe moaliko, msangi o kidahina kilya.”