WAROMA 7:21 - Bibilia Kui Mdedie fo Kimochi

²¹ Ili kii kido nyi ngatamuo imanya ke ili njii-ho mokunda iwuta kii kicha nyi kwiho monjichilia, nyikyo kiwicho kilya kiwodanyi na inyi.

WAROMA 7:21 ပူးပေါင်းရင်းမြစ်များ

SHIIMBO SHA DAWIDI 119:133

Noembeṟutse ndifo tsako kui idedo lyapfo, wuwicho wulache injiikolonyia.

SHIIMBO SHA DAWIDI 119:37

Noembeṟutse meso hako njilaambuye shilawaṟi, nonjiamtse kiidi kya njia yapfo.

SHIIMBO SHA DAWIDI 40:12

Kipfa mawicho helechiwa iitala; hanjitengetie inyi. Mawicho hako hanjikoya, ma njechiidima iwona-pfo. Hafoi kota njui tsa mdo foko, na mrima foko fonjida.

SHIIMBO SHA DAWIDI 65:3

Ma chando lokelemo nyi mawicho, hafoi, iyo nochishikiya matahachio hadu.

LUKA 4:1

Kyasia Yesu amwichuṟe Mumuyo Mwele, kawuya awuka kulya Yordanyi, katengesho-tengesho nyi Mumuyo kulya nuka mkonu makumi haana kechihesho nyi Satan womtewa.

YOHANE 8:34

Yesu kawahalwo, “Nyi lohi kya lohi ngamuwia, orio mndu mowuta wunyamaṟi akeri isinga lyesingya wunyamaṟi.

WAROMA 6:12

Ko ikyo mulalekie wunyamaṟi wuchilie mbihu yanu yechikaa ipfe muwechiidikyana na lango tsafo.

WAROMA 6:14

Kyamba wunyamaṟi wulechimwidimase, kyamba mulai shi ya wuwawaso kya indi nyi mukeri shi ya wutonga.

WAROMA 7:23

Indi njiwonyi kwipfo wungi wuiwawaso ipfo shiwungonyi shako wochiwahana na wulya wowawasa mhie foko. Wo wukanjitana mpfunge o ipfo wuwawasonyi wo wunyamaṟi wuiwawasa ipfo shiwungonyi shako.

WAROMA 7:25

Mwano fuwe fochiwikyo Ruwa chu echiidima lukuwawie na Yesu Kristo Mndumii odu. Ili kii kido na inyi njiwekaa na shilya shi shako njimonyi, njiwe mopfuki ukanya wuwawaso wo Ruwa kunu wuṟangonyi indi kimbihu njikae njepfuṟukanya wuwawaso wo wunyamaṟi.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

2PETRO 2:19

Wekewateṟya ikuachia, nawo wawenyi wai masinga ha wunyamaṟi. Kyamba mndu nai isinga lya ikyo kyose kimchilie.