WAROMA 6:3 - Bibilia Kui Mdedie fo Kimochi

³ Ang'u mokaa mulaichi ke so ili luiwapatisye Kristo Yesu nyi lui wapatisye opfu loke?

WAROMA 6:3 ပူးပေါင်းရင်းမြစ်များ

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

MAWUTO HA WASU 19:5

Wekiicho isho wakapatisyo rina lya Mndumii Yesu.

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 8:16

Cha kipfa alawemewasoke ma umu owo shile nyi walepatisyo rina lya Mndumii Yesu.

WAROMA 6:16

Aka mulaichi ke ichu mochikumdambikya cha masinga kyemwanguya madu nao nyio mombia masinga hake mochimwanguya madu kiwe kya wunyamaṟi woduo opfunyi kiwe kya wuidiki woende wuhoṟotsu oshangunyi lo Ruwa.

WAROMA 6:8

Indi kokoya lomhenda ipfa kimu na Kristo nyi luidikie ke lochikaa nao.

WAROMA 7:1

Ang'u mulaichi, wanawawama, kyamba njiideda nanyo sa muichi mawawaso. Mawawaso haitoṟye mndu ili mandi ai-ho na moo?

1 WAKORINTO 10:2

Wakashika ipatisyo Mose ipfo shi ya puchi lilya na ipfo mṟingenyi wose.

1 WAKORINTO 12:13

Kyamba so lose lulempatisyo mbihu fumu kui Mumuyo umu, kiwe luui Wayuda ang'u kiwe lui Wagriki, kiwe lui masinga ang'u kiwe lui masumba. Nyi luiwarutsye Mumuyo chu umu so lose.

1 WAKORINTO 15:29

Alewo wepatisa walya nyi wechikuwutya-ho ki wakupatisyo wai wepfa? Kokoya wepfa walashika iṟuka manyale nyi ki wakupatisyo kyawo?

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

1 WAKORINTO 6:19

Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo.

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

1 WAKORINTO 9:13

Mulaichi ke walya wepfuṟukanya sha hekalunyi nyi wekelya ohawi luwukye kosho, na walya wedasya-ho shidaso nyi wekehawyo sha rasionyi?

1 WAKORINTO 9:24

A mulaichi ke walya wetangyana kya ikapa mteeṟa nyi wekewikya mteeṟa ipfo pate-hu wose, kya indi mokoya kirekyo kilya nyi umu. Wikyenyi-ng'u mudo mteeṟa kundu mukiwade.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

WAGALATIA 3:27

Cha kipfa nyo ilindi mulempatisyo Kristo nyio Kristo mukawemtana mṟaae yanu.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.