WAROMA 5:8 - Bibilia Kui Mdedie fo Kimochi

⁸ Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

WAROMA 5:8 ပူးပေါင်းရင်းမြစ်များ

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YOHANE 15:13

Ma kuwode ikunda lyiidye mndu lyechiota ili lya mndu areka moo foke kimaduma kya mbuya tsakepfo.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

WAROMA 3:5

Indi kokoya wutahachi wu wodu wowikya wudi wuhoṟotsu wo Ruwa kiṟingishyo luhambe luda ngesa? Kulako Ruwa nekedeko echilekia tuuke yake iluhoye ko? Ngadeda njido mbaṟi ya kiwandu.

WAROMA 4:25

Nyio icho ammaa ihenda idambiko kimarete kya matahachyo hadu kashika iṟutso kipfa kya wuhoṟotsu wodu.

WAROMA 5:20

Indi wuwawaso wulya wuweoshye-ho wofeṟya iho lilya. Indi ipfo kundo wunyamaṟi womfo, mpfondo wutonga woshika ifo kawi wochilimba.

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

WAROMA 5:7

Chi kii kiangu ipfa keletsa mndu asumhanyipfo. Kya ichu ai mcha amonyi kofia kuweipfo ekaria ilekia-ho moo.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAROMA 8:39

Ma kilya kikuilikishye ngine-hu ma kilya kisokie ipfo shi ma mbika ingi njiwe shilechiidima iluletsana na mkundana fo Ruwa alukundi nafo furianyi na Kristo Yesu Mndumii odu.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 2:7

Nyi wudo aleloṟa wandu wa maheri halya haitikiria mfeṟa welu fo wutonga woke kui wucha iwu ailuwutya so lui walungye Kristo Yesu.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

1TIMOTEO 1:16

Indi nakyo kilenenga ngasaṟyo njidi kundu Kristo Yesu nasonguo imanyishya koko wuhoo woke wose kya ipfungya mtaato walya wechimwidikya wawade moo fo mlungana.

WAEBRANIA 8:3

Kyamba orio mkohanyi mnene ekewiko kundu nadambikye-ho njodambiko na shidaso. Na ichu nawudo kimbaṟi nakae awode kyedasya-ho.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.