WAROMA 5:7 - Bibilia Kui Mdedie fo Kimochi

⁷ Chi kii kiangu ipfa keletsa mndu asumhanyipfo. Kya ichu ai mcha amonyi kofia kuweipfo ekaria ilekia-ho moo.

WAROMA 5:7 ပူးပေါင်းရင်းမြစ်များ

2SAMWELI 18:27

Kyasia, mṟingi ulya kahamba, “Njiwonyi ke icho akeri idicha mnu nyi Ahimaasi, mana o Sadoki.” Mangi Dawidi kamhaluo kambia, “Icho nyi mndu mcha, nawode mbonyi njicha aluendie.”

2SAMWELI 18:3

Wandu walya wakawia Mangi Dawidi, “Ma kulache naso. So lukahaluka na idicha, kyenga kyadu kikapfa wo wechiwona ke nyi kindopfo, na kokoya wawaha kyenga kyadu, wechichihiyo pfo mṟasa wakuwahe iyo. Iyo Mangi nyi o wuhuru wung'anyi mnu kodu, kota wandu shiku ikumi (10,000). Nanga iyo kodeo kunu mṟinyi kundu noidime iludikia wandu welutarama.”

SHIIMBO SHA DAWIDI 112:5

Nanga msa ekesaṟia na iakuya; ekeachikia shindo shake kui sungusihu.

MATAYO 13:15

Nyi ili mrima ya wandu wa oruka-lu ii mumiṟe. Na madu hawo hakawa nyi malemeri yadanya Na meso hawo nyi watsingiṟi. Nawo kundo walewona na meso ma iicho na madu, ma imanya kindo na mrima wawone wewuya na numa, na inyi njiche iwakiṟa.’

YOHANE 15:13

Ma kuwode ikunda lyiidye mndu lyechiota ili lya mndu areka moo foke kimaduma kya mbuya tsakepfo.

MAWUTO HA WASU 11:24

Cha kipfa awei mndu mcha amwichuṟe Mumuyo Mwele menyi wuidiki. Na mfeṟa fung'anyi fo wandu fukahalutsyo Mndumii.

WAROMA 16:4

Nyiwo sa wareke moo yawo wawenyi kyeletsa moo foko, ma chi inyi njimwaana mmonyi tupupfo sile nyiso na siṟi tsa mkambo iya mhenu tsose.

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

WAROMA 5:8

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.