WAROMA 5:18 - Bibilia Kui Mdedie fo Kimochi

¹⁸ Nahong'u kihendyekye kidi; ke chando iho lya ichu umu lyendie wandu wose owingo nyi wudo ipfo kundo ichu umu awehoṟoki-ho kechihendelya shose kuendyo wandu wose kihoṟotsa moo.

WAROMA 5:18 ပူးပေါင်းရင်းမြစ်များ

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YOHANE 1:7

O alecha kyewika-ho wuṟingishi kundu nawikye sa yo kiṟingishyo wandu washike iidikia wose.

YOHANE 12:32

Na inyi ngammaa iiryo huye njilekana na wanda ii lyo njechiwahomwo orio umu na koko.” (

YOHANE 3:26

Wakawuya Yohane wakambia, “Hoi Maaria, ulya awei na iyo kulya mataya ya Yordanyi, nao nyio iyo ulembikya kiṟingishyo nyi aipatisa na wandu wose wakamwosha.”

MAWUTO HA WASU 13:39

Na kimaduma kya ichu msa amwidikye nyi echitalo ke nyi alawode mti shindo shilya shose mulaweidima italya wusumhanyi na mweke fo wuwawaso wo Mose.

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

WAROMA 4:25

Nyio icho ammaa ihenda idambiko kimarete kya matahachyo hadu kashika iṟutso kipfa kya wuhoṟotsu wodu.

WAROMA 5:12

Nakyo kihendekie kidi, ke wunyamaṟi wulecha na kunu wuyana kitewe kya mndu umu, na opfu lukacha kitewe nyi wunyamaṟi, nakyo kikaenenga opfu lomhenda idung'ana wandu wose nyi kipfa wanyamaṟie wose.

WAROMA 5:15

Kya indi kiiho na kiira chi shihianyipfo, kyamba kokoya yumbuya lya ichu umu litewye washike ihenda ipfa wadi wafoi nyi wuda kya ngoseṟa wutonga wo Ruwa na ohawi lo wutonga wurio nyi mndu-chu umu Yesu Kristo wusuṟie wafoi walya.

WAROMA 5:19

Cha kipfa chando walya wafoi wamhenda itano wanyamaṟi kitewe nyi wulemi wulya wo mndu-cho umu, na wudo na walya wafoi wechitano wahoṟotsu kimaduma nyi wutechi wo ichu umu-ho.

WAROMA 6:14

Kyamba wunyamaṟi wulechimwidimase, kyamba mulai shi ya wuwawaso kya indi nyi mukeri shi ya wutonga.

1 WAKORINTO 15:22

Kyamba chando waihenda ipfa kui Adamu ulya wose na wudo-ng'u wechihenda iṟutsyo moo kui Kristo wose.

WAEBRANIA 2:9

Indi ichu awemnyiṟye wasu kiheri kyangu lumbonyi nyio Yesu ai mruwie mdohu foke wuitoṟi na kiichiko kimaduma kya mawawio ha opfu, ili esonja opfu akaya-ho wose kui wutonga wo Ruwa.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

1YOHANE 2:20

Nanyo mshimbuo nyi fonu ifu fuwukye ko ichu ai mwele mukaṟanguo mui waichi mose.