WAROMA 5:12 - Bibilia Kui Mdedie fo Kimochi

¹² Nakyo kihendekie kidi, ke wunyamaṟi wulecha na kunu wuyana kitewe kya mndu umu, na opfu lukacha kitewe nyi wunyamaṟi, nakyo kikaenenga opfu lomhenda idung'ana wandu wose nyi kipfa wanyamaṟie wose.

WAROMA 5:12 ပူးပေါင်းရင်းမြစ်များ

MAWOOKIONYI 2:17

kyaindi ndunda tsa ikidilyo lyemanya shindo shicha na shiwicho manya kulalye, cha kipfa mkonu ochilya ndunda tsa ikidilyo kya lohi nochipfa.”

MAWOOKIONYI 3:19

Ochihenda ochikulia kando kapfo kui mbiṟuko fo kyamu mtano owuya na ipfo terinyi kyamba mpfo kundo umbute. Cha kipfa ukeri kiluli na nochikaa nowuye na kilulinyi.”

MAWOOKIONYI 3:6

Kyasia mndu mka ulya kaambuya ikidi lilya kawona lyii lyicha iambuya na lyekulia, lyichihiṟie meso, lya kiweṟe kipfa liweṟangusha; kyasia katowuo ho ndunda kalya; kainengaho na mii oke kawekulia.

SHIIMBO SHA DAWIDI 51:5

Ambuya, njimuumbe, kiidi kya madeko; Wusu wo wama wulenjiduo nyi wo wunyamaṟi.

EZEKIELI 18:4

Kyaindi manyenying'u ke mrima yose nyi yako, mrima fo mfee na fo mana, yose nyi yako, koikyo mrima fulya fochihenda inyamaṟo fochihenda ipfa.

WAROMA 3:23

Kyamba wandu wose wawenyamaṟie na iwuṟa wawewuṟye ngeela ya Ruwa.

WAROMA 5:18

Nahong'u kihendyekye kidi; ke chando iho lya ichu umu lyendie wandu wose owingo nyi wudo ipfo kundo ichu umu awehoṟoki-ho kechihendelya shose kuendyo wandu wose kihoṟotsa moo.

WAROMA 5:19

Cha kipfa chando walya wafoi wamhenda itano wanyamaṟi kitewe nyi wulemi wulya wo mndu-cho umu, na wudo na walya wafoi wechitano wahoṟotsu kimaduma nyi wutechi wo ichu umu-ho.

WAROMA 5:21

Nyi kyawa kido kundu chando wunyamaṟi wuwei mangi yededa na pfinya ya opfu nyi wudo wutonga wuwe mangi ipfo mengenyi ya wuhoṟotsu wochiwika moo fo mlungana fo ipfo Mndumii-hu odu Yesu Kristo.

WAROMA 6:21

Nyi kiira kiki mulewona ho mandi halya? Chi kiwei kya mbaṟi imwinengye mopfia kyayo sonu wulalu? Cha kipfa kiira kyakyo nyi opfu.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

1 WAKORINTO 15:56

Hoo-iyo opfu lokapa nyilo wunyamaṟi, na pfinya iya wunyamaṟi wuiṟie nyiwo wuwawaso.

WAEFESO 2:3

Natso loose luwei chawo luweichumia lui na lango tsa nyama tsadu lochikupaya na wuitiki wo nyama na wo mahio, naso luwei wandu wapfulutsye nyashi kui mbaṟi cha walya wengi.

YAKOBO 1:15

Ilindi lango yamaa yambya yafee wunyamaṟi, indi wunyamaṟi wukamaa itano woende opfu.

YAKOBO 3:2

Kyamba so lose piu lokedeko kafoi. Kokoya kwipfo aladeko ili echideda ichu awei msoṟo msanze na kamu aidima yaapfinya na mbihu fose.