WAROMA 5:10 - Bibilia Kui Mdedie fo Kimochi

¹⁰ Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 5:10 ပူးပေါင်းရင်းမြစ်များ

2MBONYI TSA MAHERI 29:24

Kyasia, wakohanyi wakashinja, na inanatsia samu yasho huya rasio kundu iwe nyi kiano kewuta wunyamaṟi na iende mhoṟie fo Ruwa ko Waisraeli wose, kipfa mangi Hezekia nawewawasie kuwuto shiano shemaya modonyi na shiano shewuto wunyamaṟi ko Waisraeli wose.

EZEKIELI 45:20

Nyi echihenda iwuta ado mkonu fo mfungade fo meri fo, kipfa kya mndu alewuta wunyamaṟi alakusirie ang'u alaichi. Kikawutika kudo nyi mochisanja mba ya Mndumii-Ruwa.

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

WALEWI 6:30

Kyaindi kidaso kya wunyamaṟi kyose, samu yakyo yose ileendo na ihemenyi lekusanza iwika kisanza kiidi kya handu haele, kechiliopfo, kechikoro modonyi.”

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

WAROMA 11:28

Kipfa kya ili waileha Ndumi ya Sia. Wayuda wai wakituwa wa Ruwa kui kiira kyanu, mkambo ingi lyo limanyikya konu, indi sumuhana na msambuṟye fulya wai wakunde wa Ruwa, lyo limanyikye ko waku wawo.

WAROMA 5:11

Manya chi ikyo lukuwawye na Mndumii odu Yesu Kristo lukamaa yambya mwoloṟye-fu wulalu kui mweke foke.

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAROMA 8:34

Ichu echihutsya owingo nyi wu? Kwipfo-pfo? Kristo Yesu aiho, nyio sa alepfa na kya ngoseṟa nyi aleṟutso, awuka ko wapfu, o akukerye ipfo ko kulyo ko Ruwa Kawa moluterewya-ho so!

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

2 WAKORINTO 5:20

Nkyo kyaenenga so lui wasu waende ndumi ya Kristo, na Ruwa nyi aimututuma ipfo kundu luideda, lomuterewa lui-wadume nyi Kristo, ke kundenyi isanzo na Ruwa.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEFESO 2:16

Kundu wa njora tsi tsiwi nawawike mbika imu ii ya Kristo amonyi ya mndu mhya nawewaoloṟya wa njora tsi tsiwi Ruwa ipfo mbihu-hu fumu kui msalaba echiwaha na mweke fofo kituwa kilya.

WAEFESO 2:3

Natso loose luwei chawo luweichumia lui na lango tsa nyama tsadu lochikupaya na wuitiki wo nyama na wo mahio, naso luwei wandu wapfulutsye nyashi kui mbaṟi cha walya wengi.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

1YOHANE 2:1

Shiwana shako, ngamṟehia isho kundu mulahende iwuta wunyamaṟi hando. Na kokoya kwipfo mndu anyamaṟa hando, luwode mombele ipfo ko Wande, nyio Yesu Kristo asumuhanyi.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.