WAROMA 4:6 - Bibilia Kui Mdedie fo Kimochi

⁶ Na wudo na Dawidi ahambye kya sia ya mndu Ruwa amtanyie mhoṟotsu kulai ko mawuto.

WAROMA 4:6 ပူးပေါင်းရင်းမြစ်များ

SHIIMBO SHA DAWIDI 112:1

Haleluya! Nanga mndu ulya ekeindia Mndumii-Ruwa; ekechihiṟo mnu nyi mawawaso hake.

YESAYA 54:17

Orio kisha kechiteseheṟo huye yapfo kechiawukia-pfo, na orio olimi lochideda kyapfo nochiluanduya madeko. Iki nyi kyooṟa kya waṟundi wa Ruwa, na wusumhanyi wuwukie koko inyi, nyi wudo Mndumii ahamba.”

YEREMIA 22:6

“Kipfa Mndumii nahamba adi kiidi kya mba ya mangi ya Yuda. Iyo nyi ui Gileadi koko, na mdo fo Lebanoni, Kyaindi njechikuhaluo nuka ya msanga, na mṟi ilechilao nyi wandu.

YEREMIA 33:16

Mandi ho isanga lya Yuda lyechikiṟo na mṟi fo Yerusalemu fochikia. Na mṟi fo fochilaho ‘Mndumii-Ruwa nyi Okiṟo lodu.’

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

MATAYO 25:19

Kyasia mndumii o masinga halya kakaapfo kiheri kileshe katana acha. Kahamba wamwitalie shindo shilya.”

WAROMA 1:17

Kyamba kotambahaluyo nayo wuhoṟotsu wuwukye ko Ruwa wokuwada kundo kuwode wuidiki wochiduo mndu wuidikinyi, chando kikiṟehie, ke Mndu mhoṟotsu nyi echikaa awode moo fuṟukie wuidikinyi.

WAROMA 3:27

A mwaanya fokushela ku foya ngesa? Nyi fumbikye hima. Nyi kui mweke fo wuwawaso wuki? Nyi wulya woringa iawutsia mawuto ngesa? Manyale, kya indi nyi kipfa luidikie.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

WAROMA 4:24

Kya indi lii-iṟehye na kimaduma kyadu so lushike ilitalio ludi lochikusihya na Ruwa-chu aṟutsye Yesu Mndumii odu ipfo ko wapfu.

WAROMA 4:5

Indi mndu alawa moṟundia-woṟunda kawa moidikia kekusirya Ruwa ichu awa motana mndu alasumhanyi nawe mhoṟotsu nao nyio kui wuidiki wu woke atano mhoṟotsu.

WAROMA 4:7

Nyi ahambye, “Nanga iwa waiwahoṟye matahachyo hawo njonyamaṟo tsawo tsikaangatso.

WAROMA 4:9

Nanga ii nyi ya wadine tupu ang'u nyi na ya walawadine ngesa? Na ko walya walawadine daa. Kyamba lomhamba ke, “Abrahamu nyi aleidikia nao Ruwa kamtana wuhoṟotsu.”

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

WAGALATIA 4:15

Nyi hanga msonokoṟo ya sia ya okiio lonu iwekukaya ngesa? Ngamuṟingishia ke mandi halya kima kiwechiwa kyewuta muwechikuṟuo-ho meso hanu muwennenga.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

NGUMBUO YA MAWAWASO 33:29

Nanga yanu nyo Waisraeli. Nyiu ai chanyo, wandu mulekiṟo nyi Mndumii-Ruwa, ichu nyio ngawo ya kitarama kyanu, na oshu lokemuendie wuwinzi, Wakituwa wanu wechicha waiarama oshangunyi lonu, nanyo mochiwachumachuma wanda.”

WAFILIPI 3:9

Njishike ikoyo njii nao, njilai na wusumuhanyi womba woko wuwewukie wuwawasonyi kya indi njii na iwu wohendewa kui wuidiki woidikya Kristo, nyiwo wusumhanyi wowiko nyi Ruwa ipfo kiwanje-hu kya wuidiki wulya.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

YAKOBO 2:18

Kulako kwipfo ehamba, Iyo ui na wuidiki na inyi njii na mawuto halya. Njiloṟa wuidiki wu wopfo wuta-ho mawuto halya na inyi njekuloṟa wuidiki wulya ipfo kundo mawuto hako hai.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.