WAROMA 4:16 - Bibilia Kui Mdedie fo Kimochi

¹⁶ Nkyo kimaduma kyose kiwe kui wuidiki kikuhendekye njia ya wutonga, kundu kyaasa kilya kiwe kituwe kituwie orio luwa lyose chi iya ipaṟikye ipfo wuwawasonyi tupupfo kya indi na iya ipaṟikie wuidikinyi wo Abrahamu ichu akeri mku odu lose.

WAROMA 4:16 ပူးပေါင်းရင်းမြစ်များ

YESAYA 51:2

Ambuyenyi Abrahamu, wandeyanu, na Sara momufee; kipfa lilya awei umu tupu njilemlaha, ngambikia ona, ngamhaluo wafoi.

LUKA 19:9

Yesu kambia, “Kunu mba komewoneka okiio kipfa nao amonyi nyi awei mana o Abrahamu.

WAROMA 15:8

Kyamba ngamuwia Kristo nyi alewa mopfuṟukanya Wayuda kemanyisha-ho kiwulohi kya Ruwa nainutsye-ho shaasa Ruwa shilya waku walya walewikyo,

WAROMA 3:22

Ruwa neketana wandu wahoṟotsu oshangunyi loke kui wuidiki woidikya Yesu Kristo iwo wamwidikye wadi wose, kyamba kulaipfo mletsano.

WAROMA 3:30

Ruwa nyi umu echitana ichu mdine nawe mhoṟotsu kui wudiki na ichu alai mdine nawe wa mhoṟotsu kui wuidiki.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAROMA 9:8

Lyo likeri lile; ke wana wawafee kimbihu chiwo wai wana wa Ruwapfo chila nyi wana wawafee kui kyaasenyi nyiwo sa waitalo ke wai luwa.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

WAGALATIA 3:16

Kyasia nyio Abrahamu kawesendyo shiteṟyo shilya wo na mombeu oke. Chi ahamba, na wambeu cha ili nyi wafoi, kya indi nyi adeda kya umu, na mombeu opfo nao nyio Kristo.

WAGALATIA 3:22

Indi bibilia ikaweshingya wose wunyamaṟinyi kundu kilya kii kiteṟye kishike isumbo, kiwe kisumbo kiidikyanyi na wuidiki wokusirya na Kristo kyesumhanya walya wakuwode nao.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAEFESO 2:8

Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

TITO 3:7

Kundu luwe waoṟi wa moo fo mlungana fuiwedyo lui wasumhantse kui wutonga woke.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.