WAROMA 3:9 - Bibilia Kui Mdedie fo Kimochi

⁹ Kwipfo mndu ma umu aimhendelyipfo? A nyi wuda-se ngesa! So Wayuda lulimbie ngesa? Chi kosepfo. Kyamba lulesonguo ikumba na Wayuda na Wagriki ke nyi wai-walamye nyi wunyamaṟi wose.

WAROMA 3:9 ပူးပေါင်းရင်းမြစ်များ

MFANANO 20:9

Nyiu echiidima ihamba, “Njisanjie mrima foko; Njii mwele na wunyamaṟi woko?”

YESAYA 65:5

Wandu wekehamba “Hoṟoka iyo kumonyi, ulanjisembeṟe kipfa inyi njii Mwele kota iyo; wandu wo nyi mtsu mbuonyi tsako, modo foaka mfiri puti.

LUKA 7:39

Kyasia Mfarisayo ulya amlahie shelyenyii kekiwona ado kahia mrimenyi foke amonyi kehamba “Kokoya ichu nyi ai mdedi o Ruwa, nyi awechimanya ke mka-chu nyiu, na mbaṟi yake nyi ida, ke nyi mka mnyamaṟi!”

WAROMA 1:18

Kyamba tuuke ya Ruwa yahenda imanyisho ichee ruwehu yechiolokya orio wukika wo wandu na wutahachi wowo iwo wekeshingya wukilohi wulya njia kui tewe lya wutahachi.

WAROMA 11:32

Kyamba Ruwa nyi asunguwanye wose ipfo kundo walemanyi nao kundu nawawonye wose osaṟio loke.

WAROMA 11:7

Kikuwukie-ho ki kemanya ngesa? Waisraeli walekoya kilya waweikipfula-pfo mtsuhaṟo fulya nyi fulekikoya. Indi walya wengi wakakuumiṟa.

WAROMA 2:1

Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta.

WAROMA 3:1

Kikawa kido Myuda wawodeki kya ngoseṟa kota wandu wengi? Na odino lulya loekya ki?

WAROMA 3:19

Kya indi luichi ke isho wuwawaso wuhambye nyi woshiwia walya wai shi ya wuwawaso kundu orio dumbu lipfumbo na wuyana wose wuwone wuu-wuhutsye owingo sumuhana na Ruwa.

WAROMA 3:5

Indi kokoya wutahachi wu wodu wowikya wudi wuhoṟotsu wo Ruwa kiṟingishyo luhambe luda ngesa? Kulako Ruwa nekedeko echilekia tuuke yake iluhoye ko? Ngadeda njido mbaṟi ya kiwandu.

WAROMA 6:15

Alewo kiwukye-ho nyi ki? Ke luwute kya wunyamaṟi kipfa ili lulai shi ya wuwawaso kya indi lukakaa shi ya wutonga? O, chi wudopfo.

WAROMA 7:14

Kyamba luichi ke wuwawaso wurio nyi mumuyo. Indi inyi njii o kiwuyana njiimbikye isinga lya wunyamaṟi.

1 WAKORINTO 10:19

Alewo nyi ki njihamba? Ke nyi kidaso kiwe kindo ko? Ang'u mfano fuwe kindo ko?

1 WAKORINTO 14:15

Akashika nyi kyawa-se kida? Nyi njechiterewa kui mumuyo, njiweterewa na kui mhio; njichiimba kui mumuyo njiweiimba na kui mhio.

1 WAKORINTO 4:7

Kyamba nyi o ku akuwika iyo mdonyi. Nyi kiki ukiwode ulakiambye? Na kiwe nyi ukiambye nyi kyaki ukushela cha nyi kulakiambye?

WAGALATIA 3:10

Indi walya wewinya mawiko halya wo wekaa shi ya oseso. Kyamba kii kiṟehye ke orio mndu ose alechikaa na shilya shii shiṟehye kitapunyi kya mawiko nawe moshiwuta o naseso.

WAGALATIA 3:22

Indi bibilia ikaweshingya wose wunyamaṟinyi kundu kilya kii kiteṟye kishike isumbo, kiwe kisumbo kiidikyanyi na wuidiki wokusirya na Kristo kyesumhanya walya wakuwode nao.

WAFILIPI 1:18

Kake kuwode monduko! Nanga Kristo nahende yongoyo njia tsose iwe ya kui ngoto iwe ya kui wusalari, inyi njii mchihie kyakyo. Na njekaa njechichihio.