WAROMA 2:9 - Bibilia Kui Mdedie fo Kimochi

⁹ Kiwi na fowa na mawawio shechiwada orio mrima fo mndu ose mowuta sha wuwicho, wokia Myuda shika Mgriki.

WAROMA 2:9 ပူးပေါင်းရင်းမြစ်များ

2MBONYI TSA MAHERI 6:23

Adanyia iwuka ruwehu Mndumii-Ruwa, na ianduo ke nyiu awode mti, na nyiu alawode mti. Kyasia notoṟomeshe ulya sa awode mti, na iashuo icho alawode mti nawe menyi-mkuachie.

SHIIMBO SHA DAWIDI 32:10

Mndu mbicho nawode ngapo sa tsifoi, Indi ichu mohendelia Mndumii osario loke lochimtengetia.

MFANANO 11:23

Kilya kii kikunde nyi mndu o wusumhanyi nyi shicha tupu; Indi iwedya lya mndu mbicho nyi mosiro.

EZEKIELI 18:4

Kyaindi manyenying'u ke mrima yose nyi yako, mrima fo mfee na fo mana, yose nyi yako, koikyo mrima fulya fochihenda inyamaṟo fochihenda ipfa.

EZEKIELI 22:31

Koikyo njilewapusuya nyashi yako na iwakombetsa ko modo fo nyashi yako sumhana na mawuto hawo. Nyi wudo ngahamba Inyi Mndumii-Ruwa menyi matorito.’”

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

MATAYO 16:26

Kipfa iki mndu echiira-ho kya wowina woke nyi kiki kokoya nyi awinyia wuyana wose kawuwona kadetsya-ho moo foke? Ang'u kindo mndu echiwika kiwe ndalai ya moo foke nyi kiki?

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 13:26

“Lanye womi, mui wanawawama, mui wana wa oshari lo Abrahamu na iwo wa ipfo kiidi kyanu mui weowuo Ruwa, pfo konu nyo idedo li lya okiio lu lii idike!

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

MAWUTO HA WASU 28:17

Kikasia komeida-ho mkonu iṟaṟu kalaha wanene wa Wayuda wache kisanzyonyi. Wekimaa icha kawawia, “Lanye mui womi na wanawawama, na kikawa ke njilatanye kindo kyetahachya mkambo fu fodu ma mbuka tsa waku wadu na njimdambike mawokonyi ha Waroma nji mpfunge njiwuto Yerusalemu.

MAWUTO HA WASU 28:28

Kyasia iki kimanyike-ng'u ipfo konu wokia wulalu, ke okiio lu lo Ruwa lui udike ko wa mbaṟi njihenu. Nawo na wechiluadanya.” [

MAWUTO HA WASU 3:26

Ruwa kekimaa iṟutsa Mana chu oke alesongwo imduma konu nyo kundu namwonyishe kemletsana orio umu onu ipfo mawichonyi hake.”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 10:12

Nyiko wandu wose; kwiho mletsano foletsana Wayuda na Wagrikipfo. Kyamba ichu umu nyio Mndumii owo wose nyi aisuṟia iwo wechimterewa wose.

WAROMA 2:10

Indi Ruwa nechiinenga wuitoṟi na kiṟumi na ofoṟo shechisokya orio mndu mowuta kilya ki kicha, wokia Myuda shika Mgriki.

WAROMA 8:35

Ichu echiluletsana na ikunda lya Kristo nyi wu ngesa? Ngesa kiwe nyi shiwira ang'u ikisokiso, ang'u iterengyo, ang'u nyi njaa ang'u nyi iwuṟa nguo, ang'u nyi ndenga; ang'u ifunyo oshu?

WAROMA 9:24

Nawo nyiso so alelulaha lupaṟikye chi ko Wayuda tupupfo kya indi na ipfo mkambonyi ya wahenu.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

2WATESALONYIKYE 1:6

Ruwa nechiwuta kya wusumhanyi, ke nawe motaa matuuro walya walemutuura nyo.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?