WAROMA 2:12 - Bibilia Kui Mdedie fo Kimochi

¹² Kyamba iwo wawetahachie walaweichi wuwawaso wo Mose na wachideka kulawode wuwawaso, na walya wawetahachie waichi wuwawaso nyi wechidumbuyo mondu na mweke fo wuwawaso.

WAROMA 2:12 ပူးပေါင်းရင်းမြစ်များ

MATAYO 11:22

Kya indi nyi ngambia, kilya kya Tiro na Sidon nyi kyechianguo ili mfiri fo mondu kota kyanu.

MATAYO 11:24

Nahonu ngamuwia, Kilya kya Sodoma nyi kyechianguo ili mfiri fo mondu kota kyapfo iyo.”

YOHANE 19:11

Yesu kamhalwo, “Kuwewode pfinya na inyi kima chila kuleinengo iwuka huye ko Ruwapfo. Nakyo kiinengye ichu anjidambikye kunu kopfo kawada wunyamaṟi wung'anying'anyi.”

MAWUTO HA WASU 2:23

Mndu chu ili awei mdambike-ho adi kui chila ya Ruwa njiwanze na kui mmanyie foke matsika kacha nyio mukambambya msalabenyi kui mawoko ha walya walaichi wuwawaso mkambaha.

WAROMA 1:32

Ma ili waichi kilya Ruwa awikye-ho ke wewuta wadi ate wawoho. Nawo naa wekewuta wado chi wo wawenyi tupupfo kyaindi wekeichika na walya wekewuta wado.

WAROMA 4:15

Kyamba wuwawaso wokeende mondu kya indi ipfo kundo kulawode wuwawaso kwipfo yumbuyapfo.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

1 WAKORINTO 9:21

Walya walai shiya wuwawaso na ngamewawiia cha ili njilai shi ya wuwawaso. Nao inyi njilawuṟye wuwawaso wo Ruwa, kya indi njikuilikishye wuwawasonyi wo Kristo. Nyi njilewawiia njidi-le kundu njikuwonye walai shi ya wuwawaso.

WAGALATIA 3:10

Indi walya wewinya mawiko halya wo wekaa shi ya oseso. Kyamba kii kiṟehye ke orio mndu ose alechikaa na shilya shii shiṟehye kitapunyi kya mawiko nawe moshiwuta o naseso.

WAGALATIA 3:22

Indi bibilia ikaweshingya wose wunyamaṟinyi kundu kilya kii kiteṟye kishike isumbo, kiwe kisumbo kiidikyanyi na wuidiki wokusirya na Kristo kyesumhanya walya wakuwode nao.

NGUMBUO YA MAWAWASO 27:26

‘Naseso mndu oose alaidikie madedoha ha wuwawaso na ihaindia.’ Wandu wose waidikie, ‘Ameni!’”

YAKOBO 2:10

Kyamba ili mndu akuwode na wuwawaso wose indi kafunja ili limu nyi mtahachi motahachya hose.