WAROMA 14:2 - Bibilia Kui Mdedie fo Kimochi

² Wandu wailachikanyi: Ichu umu nyi akusirye kelya shindo shose na ichu ungi afafae adi kui wuidiki nyi ekelya mboha tupu.

WAROMA 14:2 ပူးပေါင်းရင်းမြစ်များ

MAWOOKIONYI 1:29

Ruwa kahamba: “Ambuyenyi, njimuinengye orio kilimu kya mbeu kii kunu orukenyi kose; na orio ikidi lyiwode mbeu kiidi kya ndunda shose shechiwa kelya kyanu.

MAWOOKIONYI 9:3

Orio kindo kekechumia kii na moo kechiwa kelya kyanu, chandu njilemuinenga mboka tsa maṟa na wudo ngamuinenga ishi shose.

MFANANO 15:17

Kando ka maṟa handu hawode ikunda; Nyi kicha kota mbe njinoru hamu na isuyana.

DANIELI 1:12

Hoi lokuterewa uluheshe so wasinga wapfo handu ha mkonu ikumi uluinenge mboha lulye na mṟinga lunyo.

DANIELI 1:16

Kyasia mnene ulya kawutaho kilya kyawo kawainenga mboha na mṟinga tupu.

WAROMA 14:1

Msa afafae wuidiki kewemambyenyi mulawone mochimitika hando akangashia.

WAROMA 14:14

Inyi njiichi njikusihye Mndumii Yesu ke kwipfo kindo kirie tewepfo.

WAROMA 14:20

Ma kulawone kochifurunja iṟunda lya Ruwa kui marekyano ha mlie fo shelya. Shelya shose shii shiheṟemtsu kya indi ko ichu echilya kindo kepfio nyi mdo, ipfo koke kyechiwa nyi wunyamaṟi.

WAROMA 15:1

Indi so luwangi wuidikinyi kiluwaṟi idaṟana na waleheshi walya hando wafafae, lulawone lochikulisiṟa luwenyi.

1 WAKORINTO 10:25

Shose shekekumbo ipfo mchangalenyi yekumba nyama mukulie da kulawode mowesa kundu kuwukie mochiringa ngo tsa mrimenyi.

1 WAKORINTO 8:9

Ke kuṟisenyi mulawone mkuachie fonu fuwe fochiendie walya wai wafafa kihutsa.

1 WAKORINTO 9:22

Walya wefafaa njilewawiia mfafa nao inyi kundu njikuwonye iwo wafafa. Nyiwo wandu wose njiwe mawiia mkao yawo yose kundu njiwute-ho ikiṟa wandu kui njia tsose.

WAGALATIA 2:12

Cha kipfa mandi wa ko Yakobo walandeshika-ho o awelya handu hamu na wa mkambo ingi. Indi matika halya wo wamcha napfo kakuwukya kowo kawe kuwika kyanya kipfa aweowoye walya wadine.

1TIMOTEO 4:4

Kipfa orio kii-kiwike nyi Ruwa kii kicha, kulaipfo kyechiwa ileha kokoya kikeri yambyo na imwaana.

TITO 1:15

Shose shiharamie iwo waharami, indi kya walya wafanyi walaidikye kwipfo kiwaharamie ma kimupfo, kya indi wai wafanyitse na mhie ya mdo na ngo tsa mrima.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

WAEBRANIA 9:10

Shiwekuwode na shelya na shenyo shiishenyi na maolyo ha mbaṟi ii na ii, sha sungusihu tsa shinyama tsiweindikye tseringa kiheri kya wusumhanzo itane kishike iwoneka.