WAROMA 13:4 - Bibilia Kui Mdedie fo Kimochi

⁴ Kyamba nyi wukukerye-ho mpfuṟukanyi mokupfuṟukanya iyo kya wucha. Indi komkoya owuta kii kiwicho owuo, kyamba walakupfungye oshu kya wulya; kyamba nyi wakeri mpfuṟukanyi o Ruwa mowonya mndu awutye owicho wudeheli wurio nyi tuuke iya ya Ruwa.

WAROMA 13:4 ပူးပေါင်းရင်းမြစ်များ

1WAMANGI 10:9

Mndumii-Ruwa opfo, naṟumisho ichu alechihiṟo nyi iyo, kakuwika loṟikehu lo wuitoṟi lo Israeli. Kipfa Mndumii-Ruwa nalekunda Israeli, mlungana, nalekuwika iyo uwe Mangi, kundu nuwanze wulohi na wahendeli.

2MBONYI TSA MAHERI 19:6

Kawawia, “Mochiwa wahidi mnu kiheri mochiwuta mwanduye, kipfa mwanduyeyo mochiwuta, muiwuta kui iwawaso lya mndu pfo, kyaindi nyi ko iwawaso liwukie ko Mndumii-Ruwa, nao nechiwa hamu nanyo kiheri kyo muiwuta mwanduye.

MFANANO 16:14

Nyashi ya mangi nyi wadume wa opfu; Indi mndu o wusumhanyi nechiioloṟa.

MFANANO 20:2

Iowesha lya mangi nyi cha ipoṟohoṟa lya mwiso; momsuiṟa nawutia mrima foke wunyamaṟi.

MFANANO 20:26

Mangi njiṟango yekeela walai na wusumhanyi; Nekepiṟintsa iho lyesea huyawo.

MFANANO 20:8

Mangi adamye kidinyi kya wuitoṟi, Nekeela mawicho hose na meso.

YESAYA 1:17

Kuloshenyi iwuta mecha; dumbuonyi mwanduye ya sungusihu; taramenyi wafafa; inengienyi wangoeda kilya kisumhanyi; kapanyienyi wakusu.

YEREMIA 5:28

Wakakuiria wakaaka aka, ee da, waeṟie wewuta mawicho; wechiidima itarama wangoeda waidime iwa necha; ma wekeanduo kya sungusihu-pfo.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

EZEKIELI 25:14

Kyamba njihenda itaa kiṟache ko Waedomu kui owoko lo wana wako wa Israeli, cha kipfa wechihenda iwutia Waedomu sumuhana na nyashi yako. Kii kidi Waedomu wawuteho imanya kiṟache kyako, nyi wudo Mndumii-Ruwa ahamba.”

MIKA 3:9

Adanyienyi mbonyi i nyo wasongoru wa oshari lo Yakobo, adanyienyi nyo waitoṟi wa Israeli. Nyo musuo mbonyi tsa wulohi mukadetsa chile.

WAROMA 12:19

Wana wa wama, Ma mulatae kiṟaache deyenyi Ruwa, kyamba kui kuṟehye kiṟaache nyi kyako inyi, nyio inyi njechitaa. Nyi wudo Mndumii ahambie.

WAROMA 13:6

Nkyo kimaduma moketaa na okamba, wasongoru wo kyamba wakukerye wechiṟundya Ruwa iawutsia iṟunda lyawo.

1WATESALONYIKYE 4:6

Cha kya mkambo ya kihenu ilaichi Ruwa. Ma mndu nalawone echieera manomae mbuchenyi ma imlemba, kipfa Mndumii ai mdeheli modehelya kya ishi shose chando lulemsonguo imbia na iṟingishia.

YOSHUA 20:5

Kyasia, kokoya mndu ulya awaṟi itaa kiṟache alatia mndu cho mṟasa ipfo mṟinyi, wameku wo wawode momu fo dambikia mbahi cho ko ulya motaa kiṟachepfo kyamba nyi alewaha monomaye alakusirie, iki nyi ndenga tupu chakipfa wawewodianyi kituwa oo mbokopfo.

YOSHUA 20:9

Ii nyiyo mṟi ilesambuṟo yedichia ya Mwisraeli ang'u mndu mhenu akeri kiidi kyawo, yeowa ili mandi mndu awaaha alakusirie, naowepfo kundu nalawooho na ulya motaa kiṟache itane aanduyo nyi chila ya Waisraeli wose.

1PETRO 2:14

Ma ili nyi mangi ya mkambo ma kokoya nyi wachili wai wadume nyio ianduya wewuta shiwicho na kyeana walya wewuta shii shicha.