WAROMA 12:2 - Bibilia Kui Mdedie fo Kimochi

² Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 12:2 ပူးပေါင်းရင်းမြစ်များ

EZRA 10:11

Koikyo dumbuyenying'u oshangunyi lo Mndumii-Ruwa o waku wanu, muwemowuta kilya akundi. Kuletsanenyi na wandu wa oruka lu, muwelekana na waka wo wahenu.”

SHIIMBO SHA DAWIDI 119:103

Mapfundo hapfo hekenjilodia mnu, kota wuki dumbunyi lyako.

SHIIMBO SHA DAWIDI 119:128

Kyamba njiwonyi mapfundo hapfo hose ke hai ha lohi, orio njia ya wongo njiisuo.

SHIIMBO SHA DAWIDI 119:174

Hoi Mndumii, njilangie okiṟo lopfo, na chila yapfo nyiyo sia yako.

SHIIMBO SHA DAWIDI 119:72

Iwawaso lya dumbunyi lyapfo nyi lii licha koko, kota shiku sha sahabu na fesa.

SHIIMBO SHA DAWIDI 119:97

Iwawaso lyapfo njilikundi mnu kiṟiha, nlyo iweṟuwetsa lyako mfiri puti.

SHIIMBO SHA DAWIDI 34:8

Sahenyi muwone chando Mndumii ai mcha. Nanga mndu ulya akusirie koke.

SHIIMBO SHA DAWIDI 51:10

Hoi Ruwa, njiinenga ngoo njili, unjiinenge ngoo njiha kiidi kyako.

IWUKA 23:2

Kulaoshane na chila yewuta mawicho manya kulawike wuṟingishi wopfo kiidi kya idedo lyose, indi uhambe lohi mkonu yose.

EZEKIELI 18:31

Denyi mawuto hanu hose mawicho muwenjinyamaṟie, kuṟikenyi nguo njicha na mrima iyo mba ya Israeli, nkili mukundi ipfa?

EZEKIELI 36:26

Kyamba nyi njihenda imwinenga ngoo njihya, njiwewika mumuyo mhya kiidi kyanu. Kyamba njihenda iwuta mrima muumu cha iho kiidi kyanu, njiwemuomoya mrima fo wuindi.

MATAYO 13:22

Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

MARIKO 4:19

Kukaida-ho mawina ha kunu orukenyi na wulembi wolembo nyi masaa na lango tsa shindo shingi shikapfumba idedo lyo lilakumbye ndunda.

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 15:19

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 17:14

Inyi njiwalimye idedo lyo lyapfo na wuyana wu wukawasuo kipfa walakeri na wa kipaṟika kya wuyana wu chando nao inyi njilakeri o kipaṟika kya wuyana wu.

YOHANE 7:7

Ma wuyana wu woidima imusuo nyopfo. Indi inyi wanjisuo kipfa kya kiṟingishyo kyako njiwikye kimaduma kyawo njihamba ke mawuto hawo hai mawicho.

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAROMA 7:12

Kyasiang'u wuwawaso nyi wui wulele na isho wushiwawasye shii shiele shirie wuhoṟotsu na wucha.

WAROMA 7:14

Kyamba luichi ke wuwawaso wurio nyi mumuyo. Indi inyi njii o kiwuyana njiimbikye isinga lya wunyamaṟi.

WAROMA 7:22

Kyamba njichihianyi na wuwawaso wo Ruwa kui wumndu woko wo kyamba.

1 WAKORINTO 3:19

Kyamba wuṟango wo wuyana wu nyi wutondo ipfo sumuhana na Ruwa. Kyamba kii-kiṟehye kii-le, “O nyio mochawilia waṟango ipfo mlemekonyi yawo.”

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAEFESO 1:18

Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAKOLOSE 1:9

Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke.

WAKOLOSE 3:10

Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1WATESALONYIKYE 4:3

Kipfa kilya Ruwa akundi nyi wuilishi wonu, mudiche wuṟuhui.

TITO 3:5

Lulauwike na mawuto ha wuhoṟotsu so luwewuta, indi nyi lo osaṟio lulya loke kui kisambyo kya ifeo lya kawi na ilawuo nyi Mumuyo mwele.

YAKOBO 1:27

Wuindi wuharami wulafanyi oshangunyi lo Ruwa Wande wukeri wule, isenguda wana wangoeda na waka wa kusu iwa wai walise wukiwa na ikuṟisa ihenda fanytso nyi wuyana wu.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

1PETRO 1:18

Kyamba muichi mochimanya ke chi kui shindo shesia ma fesa ma sahabu mulemhenda italao nasho mhendekienyi fonu fo shindo sha mai furianyi na shido sha waku walya wanupfo.

1PETRO 2:3

Mukoye mulemshika isonjyo wucha wo Mndumii.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.

2PETRO 2:20

Kyamba kokoya iwa waledicha ngafu tsa wuyana kui imanya Mndumii na Mkiṟi odu Yesu Kristo, na numa wakaidikia iwingo na ichilia nyi wechioṟowyo nyitso lingi kyawo kifurumi kyechiwichuo ngoseṟa kota kya kuwoka.

1YOHANE 3:13

Wanawawama, ma mulaṟihio ili wuyana-wu womsuo.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.