WAROMA 1:30 - Bibilia Kui Mdedie fo Kimochi

³⁰ Nyi wekeduo wandu aaṟu, wesuo Ruwa, wai waami, wechumia useṟeṟi wai wa mtengelele, wandu wasumi, wepiṟa wafee.

WAROMA 1:30 ပူးပေါင်းရင်းမြစ်များ

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

YAKOBO 4:16

Na wulalu mokekushela na maseṟeṟi hanu. Orio ikushela lya mbaṟi ii lii liwicho.

YAKOBO 3:5

Olimi na wudo lukeri kiwungo kitutu, na shilya luikusenda nasho sa shing'anyi. Ambuya kimodo kitutu nyi kyahenda ikoṟa ingeṟa chando ling'anyi.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

2WATESALONYIKYE 2:4

Nao nechikaruo orio kyechiichiko nyi wandu ke nyi Ruwa ang'u wandu wekyekiindia. Katana akudamiṟa amonyi ipfo Hekalunyi lya Ruwa echikumanyisha o amonyi ke akeri Ruwa.

2 WAKORINTO 10:15

Manya lulakushela na kiṟumi kilawa ihesho ili kiwewiko na mweke fo mawina ha wengi indi lukushye ke mwidikye fonu fukang'ana lushike ilandaṟishyo mwaanya ipfo konu fuhianyi na kila kyadu kifeṟikye.

WAROMA 3:27

A mwaanya fokushela ku foya ngesa? Nyi fumbikye hima. Nyi kui mweke fo wuwawaso wuki? Nyi wulya woringa iawutsia mawuto ngesa? Manyale, kya indi nyi kipfa luidikie.

WAROMA 2:23

Nyi okuichika ke nowode wuwawaso wo Ruwa, kowewa moendye Ruwa wusutsu ochiumbuya wuwawaso wu.

WAROMA 2:17

Aka-wo iyo, kokoya okusenda Myuda ochikuihetsa wuwawaso-hu na ikushela ke ui na Ruwa.

MAWUTO HA WASU 5:36

Cha kipfa numa ya mafiri ha kulekure mndu elaho nyi Teuda kechikuhamba ke nyi mndu ang'anyi wandu wafoi washikie mahana haana wakamwosha. Kekiwoho wakarahanyika wose.

LUKA 21:16

Nanyo nyimocheṟiingio na nyi wafee na wanawamaanu, na wodoyanu wa kishari na wakunde wanu.

MATAYO 16:21

Nalyo kiwokia-lyo Yesu kawoka iloṟa wa kiloshionyi kyake ke na nahende kulya Yerusalemu na ihenda iliso wukiwa wunyanyi nyi wasongoru wa wandu na Wakohanyi wanene na walosha wa mawawaso na imbaha wawembaha na ili mfiri fo kaṟaṟu naṟuke.

MATAYO 15:4

Cha kipfa Ruwa nyi awawasye kahamba, “India ndeo na mayo na moruma ndee anu mae nyi opfu napfe.”

EZEKIELI 22:7

Kyamba kiidi kyapfo wafee wakemino, na mhenu kawesoko masaa hake, ngweda na waka wakusu wakawehenda iwonyio.

KOHELETI 7:29

Ambuya, ngamanya kindo ki kimu; ke Mndumii-Ruwa nalewumba wandu waele, kyaindi wandu wo wawenyi walekuendie mawina.

MFANANO 30:17

Riso lyechitaluo ndee; Likawuya ipiṟa mae; Makuru ha pichinyi halikuṟuo, Na mbeṟo njikoho tsilimeṟe.

MFANANO 25:23

Otanu lo nuka lokeende mvuo; Kimu na mohaaya nekeende kyamu kya nyashi.

MFANANO 8:36

Kyaindi ulya monjiwuṟa nyi akunyamaṟa amonyi, Walya wanjisuo wakunda opfu.

SHIIMBO SHA DAWIDI 106:39

Nyi wudo walefanyitso kui maṟunda hawo, wakawuta wuṟuhui kui mawuto hawo.

SHIIMBO SHA DAWIDI 99:8

Hoi Mndumii, Ruwa odu, nyi iyo kulewaloṟa kilya kii lohi; nowei kowo Ruwa ekyehooṟia, manya chandu kulewuwuya mawuto hawo.

SHIIMBO SHA DAWIDI 97:7

Waendio iṟeenze wose wekeindia maruwa ha wongo; wekekuichika na shindo shilawode kiira; lanye maruwa hose, mwichikyenyi O.

SHIIMBO SHA DAWIDI 94:4

Ngesa! Wose wewuta mawicho wechideda madedo, na ihamba ikushela na iwika wutimbiri?

SHIIMBO SHA DAWIDI 81:15

Sa wasuo Mndumii wawechikunyiiṟa oshangunyi loke, na kiheri kyawo kiwechikaa mlungana.

SHIIMBO SHA DAWIDI 52:1

Kitewe kekuṟumisha na mawicho nyi iki, iyo mndu mkari? Wucha wo Ruwa wuiho mkonu yose.

SHIIMBO SHA DAWIDI 49:6

Wo nyi waikusiria masaa hawo, Na ikuṟumisha kipfa kya mfoeṟa fo wusuṟi wowo.

2MBONYI TSA MAHERI 25:19

Wulalu Amazia, nukushela ke omekapa na irumatsa Waedomu, kyaindi njikuinenga wulaanyi ke kaa kanyi kopfo. Nki ili okundi iamtsa mondu sa fochikuendie irumatso iyo na wandu wapfo?’”

2MBONYI TSA MAHERI 19:2

Kyaindi mlodi, Yehu mana o Hanani, kahenda imwambilia, kambia, “Ate, nokusaṟa ke nyi kicha itarama wandu wa mkika, na ikunda wandu wasuo Mndumii-Ruwa?” Shindo shi owuta yakuendie nyashi ya Mndumii-Ruwa.

1WAMANGI 20:11

Mangi Ahabu o Israeli kahaluo, “Wienyi Mangi Ben-Hadadi ke mndu o shida ngohoda nekekushela shida ikamesia, chi shida ilemekapa pfo.”

NGUMBUO YA MAWAWASO 27:16

‘Naseso mnducho oose ekepiṟa ndeye ang'u mae!’ Na wandu wose waidikie, ‘Ameni!’

NGUMBUO YA MAWAWASO 7:10

Kyaindi echida alakapa iwo wamsuopfo.

MAITALA 10:35

Orio kiheri isanduku lyamewasongoya, Mose nawekehamba, “Eewo Mndumii-Ruwa, kekure, nopaṟatsane wakituwa wapfo, na iwo wakusuo nowakangaṟitse wadiche oshangunyi lopfo.”

YOHANE 7:7

Ma wuyana wu woidima imusuo nyopfo. Indi inyi wanjisuo kipfa kya kiṟingishyo kyako njiwikye kimaduma kyawo njihamba ke mawuto hawo hai mawicho.

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 5:5

Wekyekushela wechihoṟokaoshangunyi lopfo-pfo, Nyi usuye wewuta sha mkika wose.

MFANANO 24:8

Mndu mohiya iwuta mawicho, Wandu wemlaha ikahakaha;

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

EZEKIELI 14:5

Njikeri ihenda iwihiṟa Waisraeli wo na koko, iwo walenjida wakahenda iindia sanamu.”