WAROMA 1:3 - Bibilia Kui Mdedie fo Kimochi

³ Ya mana chu oke apaṟikie osharinyi lo Dawidi kui nyama.

WAROMA 1:3 ပူးပေါင်းရင်းမြစ်များ

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

SHIIMBO SHA DAWIDI 2:7

Njechionguo mawawaso; Mndumii alenjiwia, nyi iyo manoko, Inyi nyi inu ngakufee.

YEREMIA 33:26

Kyasia, nyi wudo kikeri da: njechikumba wafeo nyi Yakobo na Dawidi, mṟundi oko pfo. Njechihoṟotsa umu o kishari kyake naitoṟie wa oshari lo Abrahamu, Isaki na Yakobo. Kipfa njechiwawihiṟia sia yawo na iwasaṟia.”

AMOSI 9:11

Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

MATAYO 1:1

Aiki kitapu kya oshari lo Yesu Kristo ichu ai mana o Dawidi, ichu ai mana o Abrahamu.

MATAYO 1:16

Yakobo kafee Yosefu ai mii o Maria ichu mofee Yesu chu ai Kristo.

MATAYO 1:6

Yese kafee mangi Dawidi, Dawidi kafee Solomon ipfo ko mka o Uria.

MATAYO 12:23

Wandu walya wawekeri-fo mamwingi wakauma mkahai wakahamba, “Alae ichu chio mana o Dawidi?”

MATAYO 15:22

Naho adi a ulya mka o Wakananyia kacha napfo auka kulya mṟasenyi iya kakoṟoṟoma ilaha kahamba, “Kensaṟya-wo wukiwa woko hoi Mndumii ui Mana o Dawidi! Mana oko o waka aituro mnu nyi mṟufu mbicho fumbode.”

MATAYO 26:63

Na Yesu katsia sau. Na mkohanyi ulya mnene kahaluo kambia, “Ngakulisa-ng'u nyamu so Ruwa chu menyi moo uluwie kokoya na ukeri Kristo kui Mana o Ruwa!”

MATAYO 27:43

Nyi awekusirye na Ruwa nakemashuong'u-ho kokoya nyi amkundi. Nao nyi alehamba nyi ai Mana o Ruwa?”

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

MATAYO 9:27

Kyasia Yesu ambuka alya naho wandu wawi wakacha numa yake, wai wapfu meso, wakairya ṟu wakahamba, “Kelusaṟye-wo wukiwa wodu iyo Mana o Dawidi!”

LUKA 1:35

Malaika kahaluo kambia, “Nyi Mumuyo Mwele echikusokia ipfo huye yapfo, na pfinia ya ichu ai huye ya shose nyi yechikuwikia mṟishe. Kyainenga kilya kyekaa kifeo kilaho nyi kyele, kii Mana o Ruwa.

LUKA 1:69

Nao nyi ameluṟihichia ombe lo oletso; ipfo mbenyi ya mana ulya oke Dawidi.

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 1:34

Na inyi iwona ngamebona ngawika kiṟingishyo kyake ngahamba, ke ichu nyio Mana o Ruwa.’”

YOHANE 1:49

Natanaeli kamhaluo, “Hoi Rabi, iyo nyi ukeri Mana o Ruwa, Iyo nyi Mangi ya Israeli.”

YOHANE 10:30

Inyi na wande lui wamu.”

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

YOHANE 20:28

Toma kahalwo kambia, “Hoi Mndumii oko. Hoi Ruwa oko!”

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 5:25

Nyi lohi kya lohi ngamuwia, Kukaa kuche kiheri na wulalu na kikeri-pfo da lyondo wapfu wechiicho ṟu lya Mana o Ruwa na iwo weliicho wechiwona moo.

YOHANE 7:42

Maṟeho Maele hahambieki? Hahambye, ke Kristo echicha awukye kisharinyi kya Dawidi,” na echifeo ipfo Betlehemu ipfo mṟinyi fo Dawidi.

MAWUTO HA WASU 2:30

Kyasia amba mwikimbi nao aweichi ke Ruwa amliiye nyamu ke ipfo luwenyi lyake nyipfondo echiamtsa nadamye loṟikehu loke lo wuitoṟi.

MAWUTO HA WASU 3:13

Nyi Ruwa chu o Abrahamu akeri na o Isaki na o Yakobo, Ruwa chu o waku wadu nyi alewika mana ulya oke Yesu wuitoṟinyi, ulya mulemdambika mukawemkana alya oshangunyi lo Pilato lyandi kedumbwo ke nalekyo.

MAWUTO HA WASU 8:36

Kyasia wechihenda wadi ipfo njienyi wakashika ikoya kundo ko mṟingenyi. Mnzenge ulya kahamba, “Ambuya aifu mṟinga, nyi kiki kyechinjiima njilapatso?” [

MAWUTO HA WASU 9:20

Nalyo liyenyi kaonguo kya Yesu kulya masinagogenyi ke o nyi Mana o Ruwa.

WAROMA 1:9

Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi.

WAROMA 4:1

Aka luhambe luda kya nde yadu Abrahamu ngesa? Ke nyi luwemkoya ai mku odu molualutsa kui mbihu ngesa?

WAROMA 9:3

Kyamba njiwekundi ke inyi njimonyi njitano msese kyewa lyenenga wanawawama wako wa mkambo fumu na inyi wawehenda ikiṟo.

WAROMA 9:5

Na waku walya na wawo, na ipfo kowo Kristo achee apaṟikye kowo ili amefeo mndu, nyio Ruwa mokaa huya-shose moichimbiṟo mlungana. Amenyi.

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

1 WAKORINTO 10:18

Keringenyi Israeli iya iwiie kui ifeo lya nyama. Walya wailya shidaso shilya chi walungana na rasio iya?

WAGALATIA 4:4

Kya indi ilindi kiawutsya maheri kilemcha Ruwa kawemdikya Mana oke kafeo nyi mndu mka kawewiko shi ya mawiko.

1WATESALONYIKYE 1:10

Na iwedya Mana oke ichu alemṟutsa wapfunyi nache awuka ipfo ruwehu, nyio Yesu moluringa nyashi iya ikeri icha.

1TIMOTEO 2:5

Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

2TIMOTEO 2:8

Kumbuo Yesu Kristo ichu aleṟutso wapfunyi apaṟikye kisharinyi kya Dawidi kui mwongoye foko fo Sia ya okiio.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

1YOHANE 4:15

Ipfo kundo mndu awa mohamba ke Yesu ai Mana o Ruwa nyihondo Ruwa ekaa nao nao akeri na Ruwa.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

1YOHANE 5:5

Mmbinzi mowinza wuyana-wu nyi-wu, shila nyi ichu aidikye ke Yesu ai Mana o Ruwa?

2YOHANE 1:7

Kyamba walembi wafoi waipfo; walechikunda ihamba Yesu Kristo amecha kui nyama. Nyipfo kundo mdetsi aipfo iimakristo.

OTAMBAHALUO LO YOHANE 2:18

Na msu ulya o siṟi ya Tiatira ochimṟehya, Aii ndumi ya Mana o Ruwa awode meso haiakaaka cha olewo lo modo, na madende hake haiwaa hafananyi na menya ya aṟeṟa.