WAROMA 1:16 - Bibilia Kui Mdedie fo Kimochi

¹⁶ Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 1:16 ပူးပေါင်းရင်းမြစ်များ

SHIIMBO SHA DAWIDI 110:2

Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

SHIIMBO SHA DAWIDI 119:46

Njechihamba wuṟingishi wopfo oshangunyi lo wamangi, manya njechiwona sonupfo.

YESAYA 53:1

“Nyiu aleidikia mbonyi tsilya luleende? Na owoko lo Ruwa nyiu amtambaṟuye?

YEREMIA 23:29

Idedo lyako chi cha modo? Mndumii ahamba; Cha kiria kepaṟa maho shipeṟengupeṟengu.

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 9:26

Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

YOHANE 7:35

Nahong'u Wasongoru wa Wayuda walya wakadeda wo wenyi na wenyi, “Akawo mndu chu nyi hanga aihenda napfo naso lude lulamkoya-se? Kulako akunda ishika ko Wayuda walya wanyanyaṟikye ipfo masangenyi ha Wagriki nahendelosha-pfo Wagriki wo?

MAWUTO HA WASU 3:26

Ruwa kekimaa iṟutsa Mana chu oke alesongwo imduma konu nyo kundu namwonyishe kemletsana orio umu onu ipfo mawichonyi hake.”

WAROMA 10:17

Kyasia wuidiki nyi wokeamtso nyi ndumi, indi ndumi nyi ikurye na idedo lya Kristo.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

WAROMA 15:29

Na njichi ngacha na konu njechicha njirie mofoeṟa fo ona luwukye ko Kristo.

WAROMA 2:9

Kiwi na fowa na mawawio shechiwada orio mrima fo mndu ose mowuta sha wuwicho, wokia Myuda shika Mgriki.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

1 WAKORINTO 15:2

Na ikiṟo mohenda ikiṟo nyiyo, komkoya muwode mbonyi tsilya ndemuongoya tapu. Kilawe nyi muleidikya msangachale.

1 WAKORINTO 2:2

Kyamba njilalehamba njiichi kindo ipfo konu shile nyi Yesu Kristo nao nyi ili ambambye adi msalabenyi.

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.

1 WAKORINTO 9:12

Kokoya wengi waiho wawode pfinya yekuwutya-ho ohawi lowo ipfo konu a so chi lya wueṟa? Kya indi so lulekuachia na pfinya iipfe, indi lokukarishya kya shindo shose kundu lulawone luwechiwikya ndumi ya sia ya Kristo tunja.

1 WAKORINTO 9:18

Ngashika oo woṟunda woko nyi wo iki? Nyiwo iwu, ke ili nyonguo ngalekya ndumi ya sia ya okiio njilatao, ndawese-ho kilya kimsumhanye kya kiheo kya ndumi ya sia yo.

2 WAKORINTO 2:12

Kyasia njekishika Troa keongwo ndumi ya sia ya okiio, na mongo fukanjiṟuhukya-ho kui Mndumii.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

2 WAKORINTO 9:13

ipfo kundo wupfuṟukanyi wukeri wudi womshika imanyika wawuta-ho iṟumisha Ruwa kya wuhendeli wonu wohamba ndumi ya sia ya Kristo na kya mlungano fu mukuwodye nawo na wandu wose fuhoṟoki fudo.

WAGALATIA 1:7

Ma kulaipfo ingi iwei njicha. Shila kwipfo wechimpfulutsafulutsa wakunda ipfulwo ndumi ya sia ya Kristo.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2TIMOTEO 1:16

Mndumii nawonye mba ya Onesiforo osaṟio loke kimaduma alenjiwihiṟya moo kafoi ma alalepfia sonu kya ili njimpfunge.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

WAEBRANIA 4:12

Kipfa dedo lya Ruwa lirie moo lii na pfinya lii liohi kota orio oshu lulie kuwi, lii soka itana lyapaṟa mrima na mumuyo na mawungo na moongo liileelia mahio na macha hakeri ngoonyi.

1PETRO 4:16

Indi kokoya ailiso wukiwa kipfa ai mkristo nalaṟeenze indi nawikye Ruwa kiṟumi kui rina lyo.