WAROMA 1:1 - Bibilia Kui Mdedie fo Kimochi

¹ Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

WAROMA 1:1 ပူးပေါင်းရင်းမြစ်များ

1MBONYI TSA MAHERI 23:13

Na Amramu mana mmbee o Kohathi kafee Aroni na Mose. Aroni na wa luwa lyake wakainengo iṟunda lyeringa shihia shiele shose. Wakaṟundia Mndumii-Ruwa, wechiwuta shidaso koke, na iwikia wandu mboṟa kui rina lya Mndumii.

YESAYA 49:1

Njiadanyienyi, nyo njoruka tsitengetie nyi mṟinga, dehenyi madu nyo njoshari tsa wandu mui kuleshe mnu; Mndumii nalenjilaha wokia wusunyi; wokia wusunyi wo wama oko kanjisenda rina lyako.

YEREMIA 1:5

Njilamekuumba wusunyi wo mayo njiwekuichi, na kulamefeo, njilekuilisha, njilekuwika nuwe Mwikimbi o wandu wa mkambo.

MARIKO 1:14

Kyasia Yohane amhenda ikumbo kipfungonyi, Yesu kacha na Galilaya, kechionguo Mbonyi Njicha ya Ruwa.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 15:15

Chi njikimhamba-se masingapfo kipfa mndu isinga o amanya kindo menyi olyo awutapfo. Nyi ngammaa imsenda nyo mui mbuya cha kipfa isho njileicho shiwuka ko Wande chu oko nsho njilemuinenga shose.

YOHANE 15:20

Kumbuonyi shilya njilemuwia: Kuipfo mndu isinga ang'anye menyi olyopfo. Komkoya nyi walenjiterengya inyi, nanyo na wudo wechimuterengya. Kukoye waweringa madedo hako na iho hanu nyi wechiharinga-da.

MAWUTO HA WASU 13:9

Kya indi Saulo ichu nao elaho nyi Paulo aichuo Mumuyo Mwele kamkuṟuya meso kambia.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 21:40

Kyasia kekimbikya momu Paulo kahoṟoka alya shiterenyi kakemya wandu walya na owoko. Komtsia sau kadeda nawo kui kishomo kya Kiebri kehamba.

MAWUTO HA WASU 22:21

Nao kanjiwia, “Kuhendye kyamba inyi njechikuduma kuleshe ko wandu wa mbaṟi njiehenu.”

MAWUTO HA WASU 22:7

Ngaho wanda ngaicho ṟu lyenjiwia, ‘Saulo-wu, Saulo-wu, nyi kiili owa monjiterengya?’

MAWUTO HA WASU 26:1

Nahong'u Agripa kawia Paulo. “Na uwode momu fo ikudedya kyapfo.” Naho Paulo kairya owoko loke kakudedya-ho adi.

MAWUTO HA WASU 26:14

Lukaaho wanda lose na inyi ngaicho ṟu lyenjilaha kui mdedye fo Kiebri lyehamba, ‘Saulo wu, Saulo wu! Nyi ki ili uinjiterengya? Nyi kyumu kyafo ikapa ndeecho na masehe.’

MAWUTO HA WASU 27:23

Cha kipfa kio kya inu malaika o Ruwa chu inyi njii mndu oke nao nyio njekemṟundya alenjichea.

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 1:9

Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi.

WAROMA 11:13

Nyi ngadeda nanyo mui wa mkambo mhenu. Ma ili nji-mdume njiwe msu ko mkambo mhenu na njiiwikya wupfuṟukanyi wu woko mng'ano.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 15:29

Na njichi ngacha na konu njechicha njirie mofoeṟa fo ona luwukye ko Kristo.

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

1 WAKORINTO 1:1

Inyi Paulo njii msu o Kristo Yesu njiimsambuṟe njido kui kyama kya Ruwa, so na Sostene manowama.

1 WAKORINTO 9:1

Alae inyi chi makuachia? Inyi chi msu? Chi njiwonye Yesu Kristo Mndumii odu? Nyo chi mui itana lyako njitanye Mndumii-hu?

2 WAKORINTO 1:1

Inyi Paulo njii msu o Kristo Yesu kui kyama kya Ruwa, so na Timoteo manowama loiṟikiṟa siṟi ya Ruwa ikeri ipfo Korinto kimu na waele wakeri orukenyi lo Akaya wose.

2 WAKORINTO 11:5

Kyamba ngakumbwo ke njilawekaa numa ya mawaso halya.

2 WAKORINTO 11:7

Ang'u nyi ndenyamaṟa inyi ili ndekunyiṟa kundu nyo muhende iiro, cha kipfa njilemwongoya ndumi ya Ruwa iende sia njilawewesa wuonguo ngesa?

2 WAKORINTO 12:11

Ngamewa tondo n nyo momenjiitikya. Kyamba kiwechia njiwehamba necha n nyo. Kyamba kulaweipfo kindo njewekaa nakyo numa ya ma-wasu halya ma kikawa chando inyi ndai kindo.

2 WAKORINTO 2:12

Kyasia njekishika Troa keongwo ndumi ya sia ya okiio, na mongo fukanjiṟuhukya-ho kui Mndumii.

2 WAKORINTO 4:5

Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu.

WAGALATIA 1:1

Inyi Paulo njii msu, njilai msu ai mbike-ho nyi wandu manya kui mweke fo mndu mliwe, indi nyi kui Yesu Kristo na Ruwa Wande ichu alemṟutsa wapfunyi njii mbike msu.

WAEFESO 1:1

Inyi Paulo njii msu o Kristo Yesu njimbike-ho nyi Ruwa ngamwiṟikiṟa nyo mui waele wa ipfo [Efeso] mukuwode na Kristo Yesu.

WAEFESO 1:13

Nanyo-da ili muleicho idedo lya kii lohi lya ndumi ya sia ya okiio lonu mlememwidikia na ikuwada nao, na ipfo koke muwepfindihisyo nanyo kui kisumbo kya Mumuyo Mwele ichu awemteṟio.

WAEFESO 4:11

Nao nyio aleinenga wandu shisumbo: Iwa wawe wasu, na iwa waikimbi na iwa wedung'anyitsa ndumi ya okiio na iwa walisi na walosha.

NGUMBUO YA MAWAWASO 10:8

Kiherikyo Mndumii-Ruwa nalesambuṟa wandu wa kishari kya Lewi wawe wekudika isanduku lya mkundana lya Mndumii-Ruwa, wamṟundie cha wakohanyi na iwikia wandu mboṟa kui rina lyake mṟasa inu kudi.

WAFILIPI 1:1

So Paulo na Timoteo lu masinga ha Kristo Yesu loiṟikiṟa waele wai Kristo-hu Yesu wa ipfo Filipi wose wai-wasanze na watarami weambuya siṟi.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

WAKOLOSE 1:1

Inyi Paulo njii msu o Kristo Yesu njimbike nyi Ruwa, so na Timoteo, manowama.

WAKOLOSE 1:25

Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa.

1WATESALONYIKYE 2:2

Indi ili luwemewawiṟo na ituro ipfo Filipi chando muichi lukawekukahaṟa na Ruwa chu odu luwehenda ihamba ipfo konu ndumi ya sia ya okiio na ngapano ing'anyi.

1WATESALONYIKYE 2:8

So na wudo luwewodo m macha kyanu lukawekunda imwenenga chi ndumi ya sia ya okiio tupupfo indi na mrima ii menyi; nyi wudo mulemba wakunde wadu.

1WATESALONYIKYE 2:9

Kekumbuonyi-ng'u-wo ngatara tsadu na wawina, wanawawama. Luweiṟunda kio na mfiri, kundu lulawewona lochirohya ma umu onu iliindi luwemwongoya ndumi ya sia ya okiio iya ya Ruwa.

1TIMOTEO 1:1

Inyi Paulo njii msu o Kristo Yesu kui iwawaso lya Ruwa mkiṟi odu na lya Kristo Yesu mowedo nyiso.

1TIMOTEO 2:7

Na inyi njiimbike-ho mwongoyi oyo na msu, ngamba mlosha molosha mkambo ya wandu kui wuidiki na wo-kiilohi ngahamba njido kya lohi njilawongisha kindo.

2TIMOTEO 1:11

Kyayo Ruwa nalenjisambura inyi njiwe msu na mlosha na moedia Ndumi ii ya Sia.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

WAEBRANIA 5:4

Ma kwipfo awada wunene wu kui pfinya yake amonyipfo, kya indi ashika ilaho nyi Ruwa cha Aron.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

YAKOBO 1:1

Inyi Yakobo njii isinga lya Ruwa na lya Mndumii Yesu Kristo ngaiṟikiṟa njoshari tsilya ikumi na tsiwi tsilee wahenunyi.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

OTAMBAHALUO LO YOHANE 1:1

A ilu otambahaluo lo Yesu Kristo. Ruwa aleluinenga Kristo loloṟa masinga hake shilya shii-shiteṟye shewutika matika ha afui. Kristo kaduma ndumi ya malaika oke mwele kashiwonesya isinga lyake Yohane.

OTAMBAHALUO LO YOHANE 22:6

Nao malaika kanjiwia, “Madedo ha nyi hai heidikya na ha lohi. Mndumii-Ruwa Menyi-Mumuyo ekyeinenga waikimbi mumuyo foke kaduma malaika oke, kundu naloṟe waṟundi wake ishi shirie ihenda wutika mkonu fo afui.

OTAMBAHALUO LO YOHANE 22:9

Nao kanjiwia, “Manya! Ulawike kudo. Inyi njii mṟundi cha iyo mokyando opfo na o wanawawama wapfo waikimbi na walya wakuwodie madedo ha ha kitapu ki. India Ruwa.”