WALEWI 9:4 - Bibilia Kui Mdedie fo Kimochi

⁴ na ipung'a na isuwa shiwe shidaso sha ofoṟo, kundu shishinjo oshangunyi lo Mndumii; na kidaso kya mso fumlongelonge na mafuda, kyamba, inu kudi tichi Mndumii nechimuwonekia.”

WALEWI 9:4 ပူးပေါင်းရင်းမြစ်များ

IWUKA 16:10

Kiwei lilya mandi Aroni alededa na kisanzio kyose kya wana wa Waisraeli, wakaambuya ora lo nuka ya msanga, ambuya, kiṟumi kya Mndumii-Ruwa kikawoneka kulya ipuchinyi.

IWUKA 19:11

wakuṟeheṟe kya ili lya kilalau, kyamba mkonufo kaṟaṟu Mndumii-Ruwa nechisoka fumvunyi lya Sinai mesonyi ha wanduwa wose.

IWUKA 24:16

Na kiṟumikyo kya Mndumii-Ruwa, kikakaa huya fumvu lya Sinai; ipuchi lylya lyikafushikia, mkonu iṟandaṟu; na mkonu fo mfungade kalaha Mose kuwuka kulya ipuchinyi.

IWUKA 29:43

Na inyi njechikoyanaho na wana wa Waisraeli, na ihemalyo lyechitano liele, nyi kiṟumi kyako.

EZEKIELI 43:2

Nalyo mng'ano fo Ruwa o Waisraeli fukawoneka fuwuka ora lo ngamenyi. Hamu nafo kukaweichiopfo kiding'ashi king'anyi cha kya mfu fo mṟinga fufoi, nalo oruka lukaaka aka ko mng'ano foke.

EZEKIELI 43:27

Mfiri yo mfungade ikamaa iida nyi lyondo wakohanyi wanu wechidasa shidaso shanu shekoṟa modonyi na shidaso shanu sha ofoṟo na inyi njewaadanyia. Nyi wudo Inyi Mndumii-Ruwa ngahamba.”

WALEWI 2:1

Na ili mndu echiinenga Mndumii-Ruwa, mwano fo kidaso kya mso, mwanofo foke fochiwa mso mmamiri, nao nechifuletsia mafuda, na ihekiaho ubani huyafo;

WALEWI 3:1

Na shiinengo shake kokoya nyi mwano fo ofoṟo kokoya naiinenga kui mmbe, pung'a ang'u taho nechilekia iyo njiheṟemtsu ilawode tewe oshangunyi lo Mndumii-Ruwa.

WALEWI 9:23

Numa Mose na Aroni wakaida na ihemenyi lyekusanza, numa wakawuka na nja, na iwikia wandu ona; na mng'anofo fo Mndumii fukawonekia wandu wose.

WALEWI 9:3

Na iyo nochiwia wana wa Waisraeli, nowawie, “Endenyi kioṟo kiwe kidaso kya wunyamaṟi na ihache, na ihuṟuwi hose ha maka fumu, haawukie, shiwe kidaso kekoṟa;

WALEWI 9:5

Nawo wakaende isho shose shilewawaso nyi Mose wakashileṟia alya ihemenyi lyesanzia, naho mamiingi wakatikiria hafui wakahoṟoka oshangunyi lo Mndumii.

WALEWI 9:6

Numa Mose kahamba, “Idedo Mndumii alewawasa muliwute nyi ili; na mng'anofo fo Mndumii fochimuchea.”

MAITALA 14:10

Kyaindi mkambo fose fukakuhesha iwakapa na maho Peṟeseng'u, kiṟumi kya Mndumii-Ruwa kikachea huya ihema lyesanzia, oshangunyi lo Waisraeli wose.

MAITALA 16:19

Na Kora kasanyia wandu wose handu hamu, wakahoṟoka oshangunyi lo Mose na Aroni wawei alya mongo fo ihema lyesanzia. Naho pereseng'u kirumi kya Mndumii-Ruwa kikawachea wose!